Anti-errepresiboa

Atxiloketen aurkako elkarretaratzea Sopelan

Kategoria gurasoa: Sopela Kategoria: Anti-errepresiboa Noiz sortua: Azteazkena, 22 Urtarrila 2020 Argitaratua: Azteazkena, 22 Urtarrila 2020

Sopela erasorik ez

 

 


Hainbat sopelostar elkarretaratu dira gaur (urtarrilak 22) 19:30ean Akilino Arriola eta Landa Doktorea kale kantoian izandako atxiloketen aurka protestatzeko. Goizean Guardia Zibilak Sortuko lau kide atxilotu ditu: Antton Lopez Ruiz, Oihana San Vicente, Haimar Altuna eta Oihana Garmendia Espainiako Auzitegi Nazionalaren aginduz. Arratsaldean lau lagunak aske geratu dira.

"Bakea eta Demokrazia, erasorik ez"  lelopean, Sopelan eta Euskal Herriko beste herrietan Sortuk eta EHbilduk salatu dute atxiloketa hauek ez direla kasualitatea, “bultzatzen ari garen agenda demokratizatzailea zapuzteko Estatu aparatuen erantzunaren aurrean gaude”.

Add a comment

Gudarien omenezko monolitoa eraso dute

Kategoria gurasoa: Sopela Kategoria: Anti-errepresiboa Noiz sortua: Larunbata, 18 Urtarrila 2020 Argitaratua: Larunbata, 18 Urtarrila 2020

Sopela gogoan 1             Sopela erasoa

 

Barrikako itsas labarrean dagoen David, Mario, Eli eta Soperen omenezko monolitoa eraso dute gaur (urtarrilak 18) eta modu basatian suntsitu dute. Lau kide hauek, Sopelakoak eta Barrikakoak dira: David Alvarez Lemoizko zentral nuklearraren aurkako ekintza batetan zauritu zuten eta Basurtuko ospitalean hil zen, bere senideek Guardia Zibilaren eskutik jaso zuen jazarpenagatik hil zela salatu zuten; Mario Alvarez, Daviden anaia, komando kideekin zegoela istripua eduki zuen eta granada batek eztandak eragindako zauri larriengatik hil zen. Iñaki Aurrekoetxea, "Sope", erbesteratu eta Iparraldean gaixotasunaren ondorioz hil zen. Eli Barrenetxea gaixorik hil zen Sopelan.

Eraso honen aurrean Sortuk, senide eta gertukoei besarkada bidaltzeaz gain, salatu du batzuek jarraitzen dutela samina ukatzen eta saiatzen direla herri honen zati baten memoria ezabatzen. “Monolito hau suntsitu duten arren, haien memoria ez da sekulan desagertuko eta  Euskal Herriak ez du benetako elkarbizitza ezagutuko sufrimendu guztiak aitortzen ez diren bitartean”.

G.V

Add a comment

2019ko azken ostirala Sopelan

Kategoria gurasoa: Sopela Kategoria: Anti-errepresiboa Noiz sortua: Igandea, 29 Abendua 2019 Argitaratua: Igandea, 29 Abendua 2019

Sopela Etxean nahi ditugu

 

 

ETXERAT elkarteak hilero antolatzen duen Azken Ostiralak berriro hartu zuen Udaletxe plaza. Bertan elkarretaratzea burutu zuten 60 bat lagunek. “Etxean nahi ditugu” leloa berriro zabaldu zuten inguruko gabonetako argiteriak lagunduta.

Elkarretaratzean datorren 31an ospatuko den presoen aldeko ekitaldirako entsegua egin zuten. Gabon Zaharra ospatu baino lehenago deialdia egin da abesti kolektiboa grabatzeko. Hertzainak taldearen “564” abestia kantatuko dute Sopeloztarrek herriko musikariek eta kantariek gidatuta.

Ekitaldi hunkigarri hau, abenduaren 31n, arratsaldeko 19:00etan, burutuko da Udaletxe Plazan. Hau da abestuko den kantaren hitzak.

 

 

Hotz amaigabe bat baino latzago
Ta urteak egun baino geiho
Bostehun eta hirurogeitalau ohe huts
Samiña zabaltzen
Batzuen ustez ordaintzen
Dagokien zigorra
Maite dutenentzat berriz
Askatasun haizea
Baina hori nork ulertarazi
Etxean zai bakarrik denari
Bostehun eta hirurogeitalau taupada
Gehiago gure bihotzean.

Hemen ikus dezakezue Bilboko Kafe Antzokian Hertzainak taldearekin batera abestu zutena.

Add a comment

Sopelak ere 564 abestu du

Kategoria gurasoa: Sopela Kategoria: Anti-errepresiboa Noiz sortua: Ostirala, 03 Urtarrila 2020 Argitaratua: Ostirala, 03 Urtarrila 2020


Euskal Herriko herri eta txoko guztietan bezalaxe, Sopelan ere lagun talde handia bildu zen udaletxeko plazan “564” abesteko. Urteari agur esateaz batera, abenduaren 31n, iluntzeko 19:00etan, herritar askok Hertzainaren kanta ezaguna abestu zuten Bizar anaiek gidaritzapean preso guztiak “etxera” ekartzeko ordua dela aldarrikatuz.

Une hunkigarria bezain ederrari amaiera emateko, bildutakoek topa egin zuten euskal presoen alde eta guztion gogoan sopelostar bi: Urko Labeaga, 21 urte preso eta une honetan Villabonako espetxean (Asturias) eta Sergio Polo, 20 urte preso  eta une honetan Herrera de la Mancha presondegian.

G.V

Add a comment

Sopela: Trikia, joaldunen zintzarriak eta kantuak presoak etxeratzeko

Kategoria gurasoa: Sopela Kategoria: Anti-errepresiboa Noiz sortua: Asteartea, 24 Abendua 2019 Argitaratua: Asteartea, 24 Abendua 2019

Sopela olentzero 2019

Gaur Olentzero etorriko da, baina atzo Sopelako kaleetan Olentzerori eta Mari Domingiri ongi etorria aurreratu zitzaien presoak behingoz etxera ekartzeko aldarrikapena eginez.

80 auzokide inguru kalera atera ziren. Joaldunen zintzarriek presoak askatzeko bidean dauden oztopoak uxatu nahi izan zituzten trikitixaren doinu alaiak gure herrian behingoz nagusiak izan daitezen. Hator hator, Olentzero, Kalera Kalera... abestu zuten parte hartzaileek presorik gabeko Sopela lortzeko garaia dela nabarmenduz.

Ekimen horrekin Sopeloztar hauek Presoen Kolektiboak zabaldu duen bide berriari babesa eman nahi izan zioten eta gainontzeko herritarren elkartasuna piztu nahi izan zuten. Hurrengo ekimena abenduaren 27an burutuko den azken ostirala izango da, arratsaldeko 20:00etan Udaletxe Plazan.

Add a comment

Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu