Anti-errepresiboa

Sopela: 2019ko azaroko azken ostirala

Kategoria gurasoa: Sopela Kategoria: Anti-errepresiboa Noiz sortua: Ostirala, 29 Azaroa 2019 Argitaratua: Ostirala, 29 Azaroa 2019

azken ostirala Sopela

Hile bakoitzeko azken ostiralean egiten den bezalaxe, gaur, hilak 29, elkarretaratzea egingo da Sopelan, herriko presoak eta iheslariak herriratzeko asmoz. SARE herri ekimenak bultzaturik, hitzordua 20:00etan izango da udaletxeko plazan, DENOK BATERA, PRESOAK ETXERA! goiburupean.

Gaur Jose Angel Otxoa de Eribe izango da gogoan, urriaren 29an zendu zen 19 urte espetxean igaro ondoren, eta 2015ean minbizia detektatu zioten arren, hil baino 4 hilabete lehenago soilik atera zuten espetxetik. 

Jose Angelen oroitzapenaren bidez, gaur egungo espetxe politikak larriki gaixorik dauden euskal preso politikoen eskubideak urratzen dituela azpimarratu nahi da.

 

Add a comment

Jardunaldi Antikartzelarioak Plaza Beltzan

Kategoria gurasoa: Sopela Kategoria: Anti-errepresiboa Noiz sortua: Azteazkena, 27 Azaroa 2019 Argitaratua: Azteazkena, 27 Azaroa 2019

Sopela jardunaldi antikartzelarioakGaurtik hasi eta abenduaren 18ra arte, jardunaldi antikartzelarioak izango dituzte mintzagai Larrabasterrako Plaza Beltza kulturgunean

Markel Ormazabal izango da gaur Plaza Beltzan, jardunaldi antikartzelarioei hasiera emateko 19:00etan Plaza Beltzan. Jarrai-Haika-Segi sumarioan auziperatua izan zen eta 2007an, bigarrenez atxilotu zuten. Bilboko Esperantza frontoian, Espainiako Auzitegi Gorenak ezarritako sei urteko kartzela zigorra betetzeko. Kartzelan zela, lehen liburua idatzi zuen: Hemen naiz, ez gelditzeko baina. Liburu hau jorratuko du gaur kulturgunean.

Bestalde, abenduaren 18ra bitarte ekitaldi desberdinak izango dira:

ABENDUAK 4 eguaztena, 19:00etan:

Monica Calvo: "Cárceles de mujeres durante la Guerra Civil española y la Primera Posguerra"

ABENDUAK 11 eguaztena, 19:00etan:

Dokumentala, "COPEL: una historia de rebeldía y dignidad"

ABENDUAK 12 eguena, 19:00etan:

Pote (Salhaketa Bizkaia): "Enfermedad y muerte en las cárceles del estado español. El caso de Zaballa"

ABENDUAK 18 eguaztena, 19:00etan:

Estíbaliz de Miguel Calvo: "Relaciones amorosas de las mujeres encarceladas"

 

 

 

Add a comment

“Larriki gaixo dauden presoak etxera” ekimena Sopelan

Kategoria gurasoa: Sopela Kategoria: Anti-errepresiboa Noiz sortua: Larunbata, 19 Urria 2019 Argitaratua: Larunbata, 19 Urria 2019

Sopela larriki gaixorik

“Larriki gaixo dauden presoak etxera” ekimena Sopelara helduko da astelehenean, hilak 21, 20:00etan. Plentziako Pirulitik abiatuko da 19:00etan eta kotxe karabanan Sopelaraino iritsiko da. Hori dela eta, 20:00etan, Udaletxeko plazan elkarretaratzeko deia egin du SAREk.

“Larriki gaixo dauden presoak etxera” ekimena

Ekimen hau SAREk jarri zuen abian urriaren 10ean eta hurrengo hiru hilabeteetan, anbulantzia bat ibiliko da Euskal Herrian zehar eta hainbat mobilizazio gauzatuko dira eskualde eta herri bakoitzean “Larriki gaixo diren presoak etxera!” aldarrikapena oinarri hartuta.

SAREk Euskal gizarteari dei egin dio mobilizazio dinamikarekin bat egitera eta "injustiziaren" aurka mugitzen jarraitzera. "Eskubideak urratzen dituen egoera honen ordez, konponbidearen aldeko egoera lortzea lehentasuna da euskal gizartearen gehiengoarentzat, ideologiak eta alderdikeriak alde batera utzita". Ekimen honen aurkezpena Joseba Azkarraga eta Bego Atxa SAREko eledunek Gasteizen egin zuten eta euskal presoek "salbuespen egoeran" jarraitzen dutela salatu zuten. Prentsaurrean gaixotasun larriak dituzten presoen egoeraz ohartarazi zuten, espetxeak "okertu egin dielako euren osasun egoera” eta "bere burua demokratikotzat duen gizarte batek ezin duela onartu espetxeak dakarren gorrotoa, eta mendekua izatea espetxe legediaren ordezkoa", salatu zuten. (ikusi albiste osoa BERRIAn)

Add a comment

Sopela: 2019ko urriaren azken ostirala

Kategoria gurasoa: Sopela Kategoria: Anti-errepresiboa Noiz sortua: Ostirala, 25 Urria 2019 Argitaratua: Ostirala, 25 Urria 2019

Sopela azken ostirala

 

Hile bakoitzeko azken ostiralean egiten den bezalaxe, gaur, hilak 25, elkarretaratzea egingo da Sopelan, herriko presoak eta iheslariak herriratzeko asmoz. Hitzordua zortzietan izango da udaletxeko plazan, DENOK BATERA, PRESOAK ETXERA! goiburupean.

KALEAK, ETA TABERNAK HUTSIK, PLAZA BETE !

Gaur gogoan izango da aurreko astean Aieteko adierazpena egin zenetik 8 urte igaro direla, bake iraunkorra eta justurako bide-orria izateko eginikoa, baina Espainiako Gobernuaren aldetik posible egiteko oztopoak eta borondate falta besterik ez dela aurkitu.

Honez gain gogoratu, bihar, urriak 26, “Duintasunaren martxa” izango dela Iruñean “Altsasukoak aske!" Aldarrikapenarekin bat eginez eta Sopelatik autobusez joateko aukera dagoela.

Add a comment

ADI!!! Kataluniarekin bat

Kategoria gurasoa: Sopela Kategoria: Anti-errepresiboa Noiz sortua: Igandea, 13 Urria 2019 Argitaratua: Igandea, 13 Urria 2019

Sopela Proces bat

AZKEN ORDUA: GAUR ELKARRETARATZE zaratatsua udaletxeko plazan 19:OOetan

 

Azken egun hauetan etengabekoak izan dira filtrazioak “Procés” epaiketaz. Filtrazioen arabera Kataluniako buruzagi independentisten aurkako epaia hurrengo egunetan izango dela dirudi eta zigor gogorrak ezarriko zaizkie.

Epaia jakiten den egunean, Sopelan zenbait deialdi egingo dira, haien artean 19:00etan Udaletxe plazan elkarteratze zaratatsua egitea proposatu du Gure Esku Dago herri ekimenak.

ADI beraz, eta epaiketa publikoa izan bezain laster gauzatuko da deialdia. Denok kalera,gure eskubideak ere jokoan daude!

Add a comment

Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu