Justizia Soziala

50 familiari iruzurra Sopelan

Kategoria gurasoa: Sopela Kategoria: Justizia Soziala Noiz sortua: Asteartea, 27 Ekaina 2017 Argitaratua: Asteartea, 27 Ekaina 2017

Iruzurra SopelanAmaieran erdaraz, al final en castellano: Fraude a 50 familias de Sopela

 

Sopelako Bareño auzoko 50 familiari iruzurra egin die etxegile batek. Familia hauek hainbat lur orube erosi zuten Bareño auzoan eta etxegilea, familien dirua jaso ondoren “desagertu” zen. Familia hauek guztiek dirutza ederra galdu dute “kantitateak ezberdinak dira, baina batzuek 50.000 euro galdu ditugu”.

Oso egoera latza
Galdu duten diruaz gain, hainbat lagunek oso egoera latza bizi izan dute bankuekin zeuzkaten kredituak ordaindu ahal izateko epeak bukatzen zirelako eta etxea eskuratzen ez zutelako, edo alokairuzko etxeetan egon behar izan direlako aurreikusitakoa baino denbora askoz gehiago, edota arazoak seme – alabak eskolan matrikulatu ahal izateko ezin zutelako justifikatu errolda Sopelan zeukatenik.

Plenoan mahairatu da gatazka hau

Auzokide hauen egoera Udal Osoko Bilkurara heldu da (ekainak 27), hain zuzen ere, Sopelako EHBilduk, kaltetuak izan diren familia batzuekin hitz egin ondoren, eskaera egin du plenoan udalaren aholkularitza juridikoa eta teknikoa auzotar hauen zerbitzua jar dadin eskatuz eta egin beharreko tramite tekniko guztiak ahalik eta gehien bizkor daitezen. Udal talde guztiek ontzat eman dute eskaera hau, eta alkateak aurreratu du beharrezkoa balitz eta lagungarria ikusiko balitz, Udala aztertzen ari dela epaiketan aurkeztea.

Etxegilea: Aitor Navas lanzagorta

“Porrot” egin duen enpresa Rehabilitaciones Integrales y Accesibilidad 2012 SL. da (RIA 2012) eta Sopelako EHBilduk salatu du etxegile hori Aitor Navas Lanzagorta dela. Aitor Navas Lanzagorta enpresa horren kudeatzaile bakarra zen eta interneten miaketa xumea eginez, erraz aurki daiteke “pertsonaia” honek 9 eraikuntza-enpresatan ardurak izan dituela Kudeatzaile Bakarra moduan edo beste kide batekin.

Aitor Navasek bere burua zuritzeko hilabete oso bat koman egon zela adierazi zuen 2016ko urtarrilean auto istripua izan ondoren, hilabete hori bukatutakoan beste zazpi eman zituen ospitalean sendatzeko. Interneten egindako miaketa arinean erraz konproba daiteke 2016ko uztailean Aitor Navas Lanzagortak Merkataritza Erregistroan berriro ere agertzen dela beste enpresa baten Kudeatzaile Bakarra moduan: Navas Canales Gestión SL .

 


Fraude a 50 familias de Sopela.

Un constructor ha causado pérdidas a más de 50 familias sopelostarras en la zona de Bareño al desaparecer con el dinero. Estas familias compraron un terreno en dicha zona y el constructor “desaparecio” posteriormente. Aunque las cantidades varían de un caso a otros, algunas familias han perdido más de 50.000 euros.

Situaciones muy serias
Además del dinero perdido, muchas familias se han encontrado con otras series de problemas añadidos, como dificultades para hacer frente a los créditos bancarios que finalizaban su plazo y ellos no obtenían su vivienda, largas temporadas en alquiler por un periodo muy superior al inicialmente previsto o problemas para matricular a los hijos e hijas en la escuela por no poder justificar el empadronamiento en Sopela.

Esta situación llega al pleno de Sopela

La situación de estos vecinos tuvo su reflejo en el pleno municipal (27 de julio). EHBldu de Sopela, tras reunirse con algunas de las familias afectadas, realizó una petición en pleno para que los servicios jurídicos y técnicos del ayuntamiento colaboren con estos vecinos agilizando todos los trámites necesarios. Todos los grupos con representación en el ayuntamiento sopeloztarra aceptaron esta petición y el alcalde adelanto que si se ve conveniente y necesario, se está estudiando la posibilidad de personarse en el juicio.

Constructor: Aitor Navas lanzagorta

La empresa que “ha quebrado” es Rehabilitaciones Integrales y Accesibilidad 2012 SL. (RIA 2012) y EHBildu de Sopela hizo público que el nombre del constructor es Aitor Navas Lanzagorta. Aitor Navas era el administrador único de esta empresa y un simple seguimiento en internet muestra que este “constructor” ha sido Administrador único o con otro socio en 9 empresas constructoras.

Este “constructor” alegó que en enero del 2016 tuvo un accidente de coche y que posteriormente permaneció un mes en coma y otros seis hospitalizado. Ese mismo rastreo por internet muestra que con fecha 22 de julio de 2016 se inscribe en el Registro Mercantil el nombramiento de Aitor Navas Lanzagorta como Administrador Único de una nueva sociedad: Navas Canales Gestion SL (Fuente: Boletín Oficial del Registro Mercantil)

Add a comment
0
0
0
s2smodern
powered by social2s

Ospitalea dela eta, batzarra

Kategoria gurasoa: Sopela Kategoria: Justizia Soziala Noiz sortua: Asteartea, 13 Ekaina 2017 Argitaratua: Asteartea, 13 Ekaina 2017

urduliz ospitalea

 

Uribe Ospitalea plataformak deitua

Sopelako udalak martxan jarritako prozesu parte-hartzailea dela eta, bihar (hilak 14) batzarra egingo du Uribe Ospitalea plataformak. Batzarra Kurtzion Kultur Etxean izango da 19:00etan eta gonbitea egiten zaie interesatu guztiei batzarrean bertaratzeko.

Kurtzion, bihar asteazkena, 19:00etan

Add a comment
0
0
0
s2smodern

Bizkaiko egoitzetako langileen borroka Sopelan

Kategoria gurasoa: Sopela Kategoria: Justizia Soziala Noiz sortua: Larunbata, 03 Ekaina 2017 Argitaratua: Larunbata, 03 Ekaina 2017

Sopela nagusien borrokaSopela, borrokaren lekukoa

Gaur, ekainak 3, Bizkaiko Egoitzetako eta Eguneko Zentroetako langileek haien borroka ekarri dute Sopelara Bizkaiko Nagusien II Eguna gure herrian ospatu dela baliatuz. Langile hauek urtebete baino gehiago daramate gatazka honetan murgildurik eta 130 egun baino gehiago greban Bizkaiko egoitzetako lan-duintasunaren eta arretaren kalitatearen alde.

Langileon eskakizunak: oinarrizkoak

Langileon aldarrikapenek Bizkaiko Gizarte Ekintzako Foru Diputatua den Isabel Sánchez Roblesen hitzaldia "estali" dute Sopelako udaletxeko plazan, eta berriro ere eskatzen dituzten lau puntu nagusiak gogorarazi dizkiete plazan bildutakoei: 35 orduko lanaldia, eta horrek lan-kargak eta arreta-kalitatea hobetuko ditu; pertsonal gehiago (ratioak hobetu), kontuan hartuz egoitza publikoetan pertsonal bikoitza dagoela, pribatuetan baino; 1.200 euroko soldatara iristea, txandaka eta jai-egunetan lan eginez; eta bajetan estaldura hobetu.

Arazoaren muina: emakumeak izatea

Langileok gatazka honek emakume-aurpegia duela salatu dute behin eta berriro “gure lana, zainketak, gutxi baloratua egotea, eta batzuetan ikusezina ere izatea, ez da txiripa hutsa. Erakundeek aho betean aldarrikatzen dute berdintasuna, parekotasuna, zuzentasuna, kontziliazioa... baina gero, egiaren orduan, demagogia baino ez dela ikusten da”.

Konponbidea Aldundiaren esku

Langileon ustez Bizkaiko Aldundiak du giltza gatazka luze honi amaiera emateko. Bizkaiko Foru Aldundiak Bizkaiko egoitza-plazen %70 baino gehiago finantzatzen du, Diputazioak  jartzen ditu lizitazio-baldintzak, berak markatzen ditu zerbitzua emateko oinarriak, berak -familiekin batera- ordaintzen du zerbitzua, berak -Eusko Jaurlaritzarekin batera- ezartzen ditu pertsonal/erabiltzaile ratioak… beraz “arduragabekeria galanta da Aldundia iheska ibiltzea, horregatik guztiagatik Unai Rementeria da - ahaldun nagusia denez- egoera honen erantzulea, eta exijitzen diogu akordio bat negoziatzeko".

Add a comment
0
0
0
s2smodern

Lan osasunaren nazioarteko eguna. Sopelak baditu gogoan.

Kategoria gurasoa: Sopela Kategoria: Justizia Soziala Noiz sortua: Astelehena, 01 Maiatza 2017 Argitaratua: Astelehena, 01 Maiatza 2017

Sopela lan istripuakBihar, apirilaren 28an Lan osasunaren nazioarteko eguna da, eta Sopelako EHBilduk ekitaldi xumea deitu du Jauregizar plazako oroigarrian “lan istripuz hildako lagunak, beti gogoan” goiburuarekin. Datuak gogorrak dira oso: iaz 53 langile hil ziren lan istripuetan Euskal Herrian eta aurten, jadanik, 23 pertsonek galdu dute bizitza. Azkena, astelehen honetan, Zornotzan.

19:00etan lore eskaintza eta ohorezko dantza

Jauregizar plazako oroigarrian, 19:00etan lore eskaintza eta ohorezko dantza egingo da lan istripuetan hildako langile guztien omenez, eta aurten gogoan izango da bereziki, A.R.J. 24 urteko gaztea, Sopelako Mec Mec Pizzeria establezimenduko langilea zena, eta zirkulazio istripua izan zuena Gorlizen abenduaren 30ean banaketa egiten ari zenean. Aste bi oso egoera larrian egon ondoren, urtarrilean hil zen.

Jauregizar plazako oroigarria

2010. urtea latza izan zen Sopelan, hiru sopeloztar bizia galdu baitzuten lan istripuetan: Julio, Jesus Mari eta Luis. Bi urte beranduago, 2012an, langile hauen omenez EHBilduko alkatezak Juaregizar plazako monolito hau ezarri zuen.

Add a comment
0
0
0
s2smodern

Sopelan, martxoaren amaieran 756 langabetu

Kategoria gurasoa: Sopela Kategoria: Justizia Soziala Noiz sortua: Azteazkena, 12 Apirila 2017 Argitaratua: Azteazkena, 12 Apirila 2017

langabezia SopelanSopela.net-ek hiruhilero argitaratzen ditu langabeziaren datuak Sopelan; horrela, 2017. urteko lehen hiruhilabetearen amaieran, martxoaren 31n hain zuzen ere, gure herrian 756 langabetu zeuden.

Emakume eta adinekoak gehiago

756 langabetu hauetatik, 394 emakume eta 362 gizonak ziren. Adin tarteari dagokionez, 39 lagunek 25 urte baino gutxiago dute, 347 lagunak 25 eta 44 urte bitartekoak dira, eta azkenik 370 pertsonek dute 45 urte baino gehiago.

Kontratazioan prekarietatea nagusi

Argi dago kontratazioan prekarietatea nagusitzen dela; kontratazio mota aztertzen badugu, 2017ko martxoan 157 lan kontratu gauzatu dira Sopelan, eta horietatik 10 bakarrik behin betikoak izan dira eta aurretiaz zeuden behin behinekoen artean 6 bakarrik bihurtu dira behin betikoak; beste guztiak, alegia 141, behin behinekoak izan dira. Sektoreka aztertzen badugu, 104 kontratu zerbitzuetan izan dira; industrian 32, eraikuntzan 15 eta 6 lehen sektorean.

Langabetuen kopuruan hobekuntza gutxi.

2016. urtearen amaieran (abenduan) 769 langabetu zeuden Sopelan, urtarrilean 795 eta otsailean 786. Ikus daitekeenez gorabeherak egon arren, oso zenbaki (persona kopurua) egonkorra da langabeziarena gure herrian.

Add a comment
0
0
0
s2smodern
  • ¿Sopelana o Sopela?

    En torno al debate sobre la denominación de nuestro pueblo venimos a aportar un par de documentos interesantes: uno es lel propio dictamen de Euskaltzaindia al respecto y otro, la aportación de Xabier

    Gehiago irakurri...
  • Sopela.net

    “Sopela.net” ekimen xumea da, baina helburu argia du: Sopelaz informatu, Sopelaz hausnartu, Sopelako herriari zerbitzua eman eta sopeloztarroi lekutxo bat eskaini haien artikuluak, iritziak eta ekarpenak plazara ditzagun.

    Gehiago irakurri...
  • Datu batzuk

    Sopela (honelaxe esaten diogu euskaldunok gure herriari, eta honelaxe onartzen du Euskaltzaindiak) Euskal Herria osatzen duen zazpi lurraldeetariko batean kokatzen da, Bizkaian hain zuzen ere.

    Gehiago irakurri...

Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu