Justizia Soziala

Sopelan: %9,7 langabezian 2018.an

Kategoria gurasoa: Sopela Kategoria: Justizia Soziala Noiz sortua: Astelehena, 14 Urtarrila 2019 Argitaratua: Astelehena, 14 Urtarrila 2019

Sopela langabeziaSopela.net-ek hiruhilero argitaratzen ditu langabeziaren datuak Sopelan; horrela, 2018. urtearen amaieran gure herrian 655 langabetu zeuden. Honek suposatzen du biztanleon %9,7 eta iaztik hona, zertxobait murriztu dela langabezia, 2017. urtearen amaieran, tasa %10,2koa baitzen.

Emakume gehiago: %11,3ko langabezia emakumeen artean

655 langabetu hauetatik, 373 (%11,3) emakumeak dira eta 282 (%8,2) gizonak. 2017. urtearekin alderatuz, Sopelan, emakumeen artean %11,2ko langabezia zegoen eta gizonen artean %9,2. Ikus daitekeenez, emakumeen artean iazko langabezia tasa errepikatu da, eta gizonena puntu oso bat jeitsi da.

Kontratazioan prekarietatea nagusi
Kontratazioan prekarietatea nagusitzen da argi: 2018eko abenduan 114 lan kontratu gauzatu dira Sopelan, eta horietatik 11 bakarrik izan dira behin betikoak eta aurretiaz zeuden behin behinekoen artean 3 soilik bihurtu dira behin betikoak; beste guztiak, alegia 100, behin behinekoak izan dira. Sektoreka aztertzen badugu, 82 kontratu zerbitzuetan izan dira, industrian 25 eta eraikuntzan 7.

Datu hauek guztiak Espainiako Ministerio de Empleo y Seguridad Social-ak emandakoak dira.(SEPE, Sevicio Público de Empleo Estatal) eta Euskal Enplegu Zerbitzua LANBIDE

Add a comment
0
0
0
s2smodern
powered by social2s

Sopela: 9 gazte epaituak izango dira

Kategoria gurasoa: Sopela Kategoria: Justizia Soziala Noiz sortua: Azteazkena, 09 Urtarrila 2019 Argitaratua: Azteazkena, 09 Urtarrila 2019

Sopela, mural politikoakDatorren asteartean, hilak 15, Getxoko epaitegian 9 gazte epaituak izango dira Sopelan mural politikoak egiteagatik. Hori salatzeko eta gazteei babesa adierazteko zenbait ekimen antolatu dira. 

 

Hitzaldia eta elkarretaratzea

Hitzaldia: GAUR, hilak 9, arratsaldeko 19:30ean hitzaldia izango da Plaza Beltza kulturgunean (Loiola Ander Deuna  40) eta bertan aurkeztuko da “Afrontar la ley mordaza: errepresioaren aurkako gida”. Hitzaldian Gizartearen kriminalizazioaren aurkako plataformako kidea den Carlos E. Hernandezek “Pote-k” hartuko du parte

Elkarretaratzea: urtarrilaren 15ean, goizeko 09.30ean, epaiketa egunean eta epaitegiaren aurrean elkarretaratzea“Adierazpen askatauna ez da delitoa” goiburupean.

Mozal legea ezarri zaie gazteei

Joan den maiatzaren bostean bederatzi gazte identifikatu zituzten Sopelako hondartzan mural politikoen topaketak egiten ari ziren bitartean. Identifikatuoi Herritarren Segurtasunerako Legea, "mozal legea", ezarri zieten eta  isunak eta epaiketarako zitazioak jaso zituzten. Udalak muralok berehala ezabatu zituen. Gertaera hauek direla eta, irailaren 29an, “zentsuraren aurkako eguna” antolatu zen, eta, bestelako ekintzen artean, muralak egin ziren berriro leku berean. Egun hartan, udaltzainek beste gazte bat identifikatu zuten hondartzatik igotzen ari zela, muralekin zerikusia zuelakoan. Kasu honetan ere udalaren jarrera berdina izan zen, eta pertsona honek ere isuna eta epaitegirako zitazioa jaso zituen. 

Eztabaida eta elkartasuna Sopelako plenoan

Udalaren jarrera zentsuratzailea salatzeko eta adierazpen askatasuna defendatzeko, gazte kolektiboak elkarretaratze batzuk egin ditu eta mozioa aurkeztu zuen azaroko Udal Osoko Bilkuran. EHBilduk bideratu zuen gazteon mozioa eta plenoan, aldeko botoan bat egin zuten EHBilduk, Orain Sopelak eta atxiki gabeko zinegotziak: osotara 8 boto alde. PNVk kontrako boto eman zuen (7 boto) eta DB-TU abs zen. Ezustean, PSEko ordezkaria ez zegoelako aretoan, mozioa onartua izan zen.

Mozioaren onarpenak ez du balore praktikorik, Sopelako PNVko udal ordezkariak argi utzi zuelako epaiketek aurrera segituko zutela; baina badu balore sinbolikoa Gobernu Taldeak ez duelako Udal Osoko Bilkuraren babesa. Hain zuzen ere, onartutako mozioaren arabera Sopelako udalak konpromisoa hartzen du adierazpen askatasunari eraso egiten dion ekinbiderik ez hartzeko eta Eusko Jaurlaritzari eskatzeko ez dezala aplikatu Mozal Legea edo adierazpen askatasuna mugatzen duen antzeko legedi errepresiborik.

Add a comment
0
0
0
s2smodern

Sopela: %10eko langabezia, 669 bizilagun

Kategoria gurasoa: Sopela Kategoria: Justizia Soziala Noiz sortua: Ostirala, 12 Urria 2018 Argitaratua: Ostirala, 12 Urria 2018

Sopela langabeziaSopela.net-ek hiruhilero argitaratzen ditu langabeziaren datuak Sopelan; horrela, 2018. hirugarren hiruhilabetekoaren amaieran, irailaren amaieran hain zuzen ere, gure herrian 669 langabetu zeuden. Honek suposatzen du biztanleon %10.

Azken hiru hilabete hauetan langabezia-tasan oso aldaketa gutxi eman dira, horrela ekainean 662 lagun zeuden langabezian, 685 uztailean eta 707 abuztuan.

Emakume gehiago: %11,7ko langabezia emakumeen artean

669 langabetu hauetatik, 386 (%11,7) emakumeak dira eta 283 (%8,3) gizonak. Adin tarteari dagokionez, 38 lagunek 25 urte baino gutxiago dute, 279 lagunak 25 eta 44 urte bitartekoak dira, eta azkenik 352 pertsonek dute 45 urte baino gehiago. Honek ere, argi adierazten du langabeziak eragin gehiago duela adina aurrera joan ahala.

Kontratazioan prekarietatea nagusi: 10 behin betiko lan-kontratu soilik

2012-2014 urteen artean langabeturik kopururik handiena eman zen herri guztietan “krisia” deitutakoak gogor jo zuelako. Egia da, geroztik, apurka-apurka langabeziaren tasa murrizten ari dela, baina ukaezina da kontratazioan prekarietatea nagusitzen ari dela argi eta garbi, lanaren eta kontratuen “kalitatea” urri dela oso; horrela: 2018ko irailean 238 lan kontratu gauzatu dira Sopelan, eta horietatik 10 bakarrik izan dira behin betikoak eta aurretiaz zeuden behin behinekoen artean 9 soilik bihurtu dira behin betikoak; beste guztiak, alegia 219, behin behinekoak izan dira. Sektoreka aztertzen badugu, 161 kontratu zerbitzuetan izan dira, industrian 54, eraikuntzan 22 eta kontratu bi nekazaritzan.

Bizkaian eta Autonomi Erkidegoan

Bizkaian langabeziaren tasa %12,7koa da; emakumeen artean % 14,6 eta gizonezkoen artean %10,9. EAE, langabeziaren tasa % 11,5 da; emakumeen artean % 13,6 eta gizonezkoen artean %9,5

Datu hauek guztiak Espainiako Ministerio de Empleo y Seguridad Social-ak emandakoak dira.(SEPE, Sevicio Público de Empleo Estatal) eta Euskal Enplegu Zerbitzua LANBIDE.

Add a comment
0
0
0
s2smodern

Hilero 225 sopeloztarrek behar dute DBE-RGIa

Kategoria gurasoa: Sopela Kategoria: Justizia Soziala Noiz sortua: Igandea, 30 Abendua 2018 Argitaratua: Igandea, 30 Abendua 2018

Sopela RGI

RGI (Renta de Garantía de Ingresos), euskaraz DBE (Diru-sarrerak Bermatzeko errenta)

Sopeloztarron ia %2ak behar du DBEa.

2018an, batez beste, hilero 225 sopeloztarrek DBEren diru laguntza behar izan dute. Zenbaki honek  sopeloztarron ia %2a da.

Behar kronikoa eta emakume gehiago

Langabezian gertatzen den bezalaxe, emakume gehiago behar dute DBEa gizonak baino, hilero, batez beste 145 emakumek jaso dute DBEa eta 80 gizonek. Batez besteko hileroko datua eman dugu hilabete batetik bestera aldaketak daudelako; dena dela, 2018an zehar Sopelan izandako gorabeherak txikiak dira oso: apirilean eman zen DBE kopururik handiena (233) eta urrian gutxiena, 212. Aldaketa txiki hauek argi adierazten dute DBEren beharra kronikoa dela eta egoera honetan murgildu ondoren, oso zaila dela baliabide ekonomiko nahikoak lortzea lan munduan.

Datu hauek guztiak LANBIDE emanak dira eta bertan datu gehiago azter daitezke: ikasketa maila, adinak, eskatzaileen jatorria etab.

Zer da DBE? (RGI=Renta de garantía de Ingresos)

DBE oinarrizko behar pertsonal eta familiarrei aurre egiteko prestazio ekonomikoa da eta hilero ematen zaie baliabide nahikoak ez dituztenei, lan munduan irtenbide bat bilatzen laguntzeko.

Oinarrizko beharrak estaltzeko baliabide ekonomikorik ez duten edo baliabide ekonomiko nahikoa ez duten eta baldintza jakin batzuk betetzen dituzten pertsonentzat da. Lanik ez duten pertsonak, baliabide gutxi dituzten langileak, pentsiodunak, bestelako pentsio batzuen onuradunak, bizileku-baimenik ez duten atzerritarrak eta abar izan daitezke.

Add a comment
0
0
0
s2smodern

"Orain Presoak" Sopelan

Kategoria gurasoa: Sopela Kategoria: Justizia Soziala Noiz sortua: Astelehena, 01 Urria 2018 Argitaratua: Astelehena, 01 Urria 2018

Sopela SARESopelan

Datorren igandean, urriak 7, “Orain presoak” jardunaren barnean, SAREk aurkezpena egingo du Sopelako udaletxeko plazan 13:00etan. Ekitaldian Joseba Azkarraga, Ainhoa Etxeberria eta Arantza Aldezabal hizlariek hartuko dute parte. Ikusi: Sopela: “ez gaude ados urruntze espetxe-politikarekin” aho batez

Uribe Kostan

Sopelako ekitaldiak itxiera emango dio Uribe Kosta osoan antolatu diren zenbait ekitaldiri, horrela urriaren 3-4 eta 5ean “Motxiladun umeen erakusketa” izango da Algortako kultur etxean. 5ean eta gai honen inguruan ere, Itzulbatzeta-Romoko kultur Etxean, solasaldia batean Olatz Barrenetxea, Maialen Zuazo eta Ibon Larrinaga arituko dira. Motxiladun Umeen erakusketa abian jarri da Exprai artista nafarraren laguntzaz ume hauen errelitatea eta testigantzak jasotzeko. Erakusketan Exprai artistak eginiko marrazkiak, errealitatea era grafikoan agertzen duten irudiak eta gune interaktibo bat dago (audiobisuala, bixita simulatzen duen kristala eta telefonoak, haur bat eta bere amaren arteko telefono deia, …).

Donostian

Uribe Kostan eta Euskal Herrian zehar burutzen ari diren ekimen hauek guztiek bat egingo dute urriaren 20an Donostiako manifestazioan “Orain presoak” aldarrikatzeko.

Add a comment
0
0
0
s2smodern

Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu