Justizia Soziala

Sopela: 30eko Grebaren aurrean GREBA KALEJIRA

Kategoria gurasoa: Sopela Kategoria: Justizia Soziala Noiz sortua: Osteguna, 23 Urtarrila 2020 Argitaratua: Osteguna, 23 Urtarrila 2020

Sopela U-30Gaur, urtarrilak 23, “Greba kalejira” izan da Sopelan urtarrilaren 30ko grebari begira. Lagun talde handia batu da udaletxe atzeko ainguran 20:00etan eta herriko zenbait tokitatik joan dira kartelak jartzen eta esku-orriak banatuz trikiaren doinuez lagundurik. Sopelan urtarrilaren 10ean antolatu zen greba batzordeak deitu du gaurko ekintza hau eta datozen egunetan burutuko diren beste batzuk.

Urtarrilean 30ean greba

Urtarrilaren 30ean greba izango da Euskal Herrian “LAN, PENTSIO, BIZITZA DUINA…Denok ondo bizitzea da xedea” goiburuarekin. Hego Euskal Herriko pentsiodunen mugimenduak bi urte daramatza pentsio duinen alde astero mobilizatzen eta bide horretan “planto” egiteko beharra plazaratu dute. Honez gain, duela sei urte, sindikatu eta eragile sozial ugarik herritarren eskubide sozialak biltzen dituen Karta osatu zuten.Urtarrilaren 30eko greban mugimendu bi horien arteko konfluentzia eman da. Egoera ikusita beharrezkoa ikusi dute jauzi bat ematea lan baldintza, pentsio eta bizitza duinaren aldeko borrokan.

Informazio guztian: eskubide sozialen karta.

G.V.

Add a comment

Sopelako kiroldegiko langileak greban

Kategoria gurasoa: Sopela Kategoria: Justizia Soziala Noiz sortua: Osteguna, 23 Urtarrila 2020 Argitaratua: Osteguna, 23 Urtarrila 2020

Sopelako kiroldegiko langileak borrokan daude beraien lan baldintzak hobetzeko eta ondorioz bezeroentzako zerbitzu hobea eta kalitatezkoa eskaini ahal izateko. Helburuak lortzeko asmoz antolatutako mobilizazioen artean aste honetan, hilak 23, dantza, combat eta balance erakustaldia egin zuten udaletxeko plazan eta gaur (hilak 24) manifestazioa egin dute kiroldegitik udaletxeraino.

Ikusi 23an egindako jardunaren bideo laburra

 

Mobilizazio orokorrak

Kiroldekiko langilean borrokanMobilizazioak ez dira Sopelan bakarrik kokatzen, Bizkaiko kiroldegi eta kirol zelaien hitzarmena duintzeko borrokan daude eta Administrazio publikoak bermatu behar duela zerbitzua eta bertan lan egiten dutenen lan baldintzak aldarrikatzen ari dira. Langileok lan-etenak egin zituzten ekainean, 27an greba egun batean bukatzeko eta egun hauetan berriro ere greban daude.

Kiroldegiko langileen egoera plenora heldu zen

 

Uztaileko plenoan langileen aldeko mozioa onartu zen EHBildu eta Elkarrekin-Podemosen baiezko botoekin. PNVk kontra bozkatu zuen eta DB-TU eta PSE abstenitu ziren. (Ikusi plenoaren eta mozioaren informazio zabala). Mozioan Sopelako Udalak eskatzen zien CEBEKeko ordezkariei Bizkaiko igerilekuetako eta kirol zentroetako langileei lan baldintza duinak bermatuko dizkien Lan Hitzarmena adosteko langileen ordezkariekin. Gainera, Udalak bere borontatea mahairatzen zuen etorkizunean zerbitzua publifikatzeko”.

G.V.

Add a comment

Sopela: urtarrilaren 30eko GREBA abian

Kategoria gurasoa: Sopela Kategoria: Justizia Soziala Noiz sortua: Astelehena, 30 Abendua 2019 Argitaratua: Astelehena, 30 Abendua 2019

Sopela 30eko greba abianUrtarrilaren 30ean greba: LAN, PENTSIO, BIZITZA DUINA…“Denok ondo bizitzea da xedea”

Krisiaren aitzakian, azken hamarkadetan azkartu den lan eta bizi baldintzen prekarizazioari mugak jarri behar dizkiogu. Bizitza duina bermatuko duten neurrien aldeko mobilizazio dinamikaren hasiera da urtarrilaren 30eko greba.

Hego Euskal Herriko pentsiodunen mugimenduak bi urte daramatza pentsio duinen eta sistema publikoaren alde astero mobilizatzen, eta  gainerako talde zein mugimendu sozialei “planto” egiteko beharra plazaratu die.

Eskubide Sozialen Karta sindikatu eta eragile sozial ugarik osatzen dugu.  Orain, pentsiodunen aldarrikapenekin bat eginez, jauzi bat eman dugu eta urtarrilaren 30ean greba orokorrera deitu

Mugimendu Feministak eta gazte zein ikasle eragile askok ere bat egin dute aldarrikapen horiekin: pentsioa denon eskubidea; lan baldintza duinak eta eskubide sozialak (etxebizitza, enplegua…).

Guztion xedea ekoizpen eredu egokia eraikitzea da: jendea, bizitza eta natura erdigunera erakarriz. Eredu honen ardatz nagusiak hauek dira: ondasunen banaketa justua, sektore publikoaren lidergoa, oinarrizko zerbitzuen sistema (publikoa, unibertsala, doakoa), euskaltasunaren normalizazioa, lurraldeen arteko oreka eta jendartearen beharren araberako antolaketa (lehen sektorea, azpiegiturak, salgaiak eta garraio...). Bizitza erdigunean jartzeak zaintza lana ikusaraztea, duintzea eta bermatzea eskatzen du.

Greba batzordea prest

Horregatik, Urtarrilaren 10ean, 19:00etan, Sopelako Kurtzio Kultur Etxean lehen greba batzordea deitu da, elkarte eta pertsona ezberdinen artean greba eguna antolatu eta ezagutzera emateko.

Add a comment

Sopelan: %9,4 langabezian 2019an

Kategoria gurasoa: Sopela Kategoria: Justizia Soziala Noiz sortua: Asteartea, 14 Urtarrila 2020 Argitaratua: Asteartea, 14 Urtarrila 2020

Sopela langabeziaSopela.net-ek hiruhilero argitaratzen ditu langabeziaren datuak Sopelan; horrela, 2019. urtearen amaieran gure herrian 637 langabetu zeuden. Honek suposatzen du biztanleon %9,4; eta iaztik hona eman den murrizketa langabezian oso-oso txikia izan da: 2018. urtearen amaieran, tasa %9,7koa baitzen.

Emakume gehiago: %10,2a; eta adinenekoak
Langabetu hauetatik, 336 (%10,2) emakumeak dira eta 301 (%8,7) gizonak. Adinari erreparatuz, gizon eta emakume guztien artean, alegia 637 langabetu hauetatik, 339 lagunek 45 urtetik gorakoak dira, alegiak langabetuen %50 baino gehiago.

Kontratazioan prekarietatea nagusi
Kontratazioan prekarietatea nagusitzen da argi: 2019eko abenduan 169 lan kontratu gauzatu dira Sopelan, eta horietatik 9 bakarrik izan dira behin betikoak eta aurretiaz zeuden behin behinekoen artean 11 soilik bihurtu dira behin betikoak; beste guztiak, alegia 149, behin behinekoak izan dira. Sektoreka aztertzen badugu, 126 kontratu zerbitzuetan izan dira, industrian 26 eta eraikuntzan 17.

Bizkaia eta EAEn

Ezinbestekoa da Bizkaiko eta EAEko datuak kontuan izatea, Bizkaiko langabezia data %11,7koa eta EAEn % 10,7; eta esanguratsua da oso, hemen ere emakumeek gehiago jasaten dugula langabezia gizonek baino, emakumeen artean langabezia % 12,1 da EAEn, eta gizonen artean %9,4.

Datu hauek guztiak Espainiako Ministerio de Empleo y Seguridad Social-ak emandakoak dira.(SEPE, Sevicio Público de Empleo Estatal) eta Euskal Enplegu Zerbitzua LANBIDE

G.V.

Add a comment

Sopela: Erreferenduma konponbidea

Kategoria gurasoa: Sopela Kategoria: Justizia Soziala Noiz sortua: Astelehena, 25 Azaroa 2019 Argitaratua: Astelehena, 25 Azaroa 2019

Sopela erabakitzako eskubideaEkitaldia: azaroaren 26an Gure Esku Dago-ren eskutik

"Erreferenduma konponbidea da" goiburupean ekitaldia antolatu du Sopelako Gure Esku Dago bihar, azaroak 26, Kurtzio Kultur Etxean 19:00etan. Ekitaldia irekia da eta bertan hartuko dute parte Irantzu Perellok eta Josu Etxaburuk.

Irantzu Perello abokatua da, Abokatu Erabakizaleak erakundeko kidea, eta Proces-aren inguruko epaiaz, euro-aginduaz eta eskubideen urraketaz Catalunya-n arituko da. Josu Etxaburu  Gure Esku-en bozeramailea da eta Gure Esku-ak datozen hilabeteetan abian jarriko duen herri ekimenaren aurkezpena egingo du. Bertaratutako herritarrei hitza emango zaie.

Gure Esku-ren ustez 2019an une historiko bat bizitzen ari gara, aurten Erabakitze Eskubidea guztion agenda politikoetan dagoelako. Espainiako testuinguruan ere, agerikoa da egungo estatu ereduak lurraldetasunaren aferari irtenbide demokratiko bat emateko urteetan izan duen ezintasuna gatazka hori iraunkortuz eta ezin izan dio Calalunyan gatazkari erantzun demokratikoa eman.

Erronka: erreferendum bidez erabakitzea posible egitera

Mehatxuak mehatxu, aukerak ugariak dira, eta demokrazian sakontzeko abagunea ireki dela sinetsita dago Gure Esku eta etapa berria erreferendum bidez erabakitzea posible egitera lortu behar da, erabakitzeko ordua delako. Horregatik Sopelako Gure Esku Dagok datozen hilabetetan gauzatuko den herri ekimenaren aurkezpena egingo du eta etorkizunerako proiektu honetan parte hartzeko deia luzatzen du.

Add a comment

Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu