Euskara

Asteartean, martxoak 24, helduko da Korrika Sopelara!

Kategoria gurasoa: Sopela Kategoria: Euskara Noiz sortua: Asteartea, 17 Martxoa 2015 Argitaratua: Asteartea, 17 Martxoa 2015

Martxoaren 24an helduko da Korrika Sopelara 13:15ean gutxi gorabehera Barrika aldetik EuskAHALdun lelopean. Gure herriko kaleetatik hainbat kilometro egin ondoren eta herri-elkarte askoren laguntza eta babesa jaso ostean Berango aldera joko du atsedenik gabe; hain zuzen ere, Korrika, euskararen aldeko lasterketa erraldoia, martxoaren 19an hasiko da Urepelen martxoaren 29an Bilbora heldu arte.

Korrika Kulturala ere...

Sopelan, Korrikaren egun handia 24a bada, 27a ere agendan apuntatzeko modukoa da, Korrika Kulturalak antolatutako jardueren artean Eñaut Elorrieta Ken 7ko taldeko abeslari ezaguna Kurtzio Kultur Etxean egongo baita 20:00etatik aurrera “desertuko kantak” aurkezteko. Proiektu honetan Aresti, Sarrionandia, Benedetti, Cano poeten testuak musikatzen ditu. Sarrera 6 euro.

Larunbatean, martxoaren 28an, Bilboko azken egunaren besperan, 12:30ean Udaletxeko plazan Erromeria izango da Trikilekuren eskutik. Bertan ere Korrika arropa salgai egongo da.

Add a comment
0
0
0
s2smodern
powered by social2s

Berba-txangoa Intxortara

Kategoria gurasoa: Sopela Kategoria: Euskara Noiz sortua: Larunbata, 14 Martxoa 2015 Argitaratua: Larunbata, 14 Martxoa 2015

intxorta

 

 

 

Eskualdeko euskararen aldeko zenbait taldek (Erandioko Berbots, Sopelako Aitxu eta Getxoko Egizu) berba-txangoa antolatu dute Elgetara, Intxorta mendiaren magalera, memoria historikoan murgiltzeko. Horrela Memoria Historikoaren Euskal interpretazio zentrora bisita egingo diote eta Intxorta mendian 1937ko frontearen kokaleku eta lubakiak ezagutuko dituzte.

Sopelatik 08:30ean irtengo da autobusa eta bisita-gidatua 10:30etik 14:00etara izango da. Prezioa 5 euro (busa eta mokadua) helduentzat eta doan umeentzat. Leku mugatua denez, izena aurretiaz eman behar da aipatutako elkarteetan, gurean: aitxuizuba@gmail.com / 603 894 364.

Add a comment
0
0
0
s2smodern

Korrika 19… gero eta gertuago

Kategoria gurasoa: Sopela Kategoria: Euskara Noiz sortua: Ostirala, 30 Urtarrila 2015 Argitaratua: Ostirala, 30 Urtarrila 2015

19. Korrika Urepeletik abiatuko da martxoaren 19an, Bilbon bukatzeko 29an. Sopelatik 24an pasako da, asteartean, 13:00etan gutxi gorabehera.

Korrika Batzordea

Korrika ondo antolatzeak suposatzen duen erronkari aurre egiteko, datorren astean abian jarriko da Korrika Batzordea gure herrian. Hitzordua asteartea izango da, Kurtzio Kultur Etxean 19:00etan.

“Motorrak” berotzeko, hona hemen Korrika 18a Sopelatik pasa zenean egindko erreportaia. Korrikaren historian, lehen aldiz Sopelako Alkate batek (EHBildu) hartu zuen lekukoa.

{youtube}HRIqkGt0rgQ{/youtube}

Add a comment
0
0
0
s2smodern

Korrikaren aurkezpena Uribe Kostan

Kategoria gurasoa: Sopela Kategoria: Euskara Noiz sortua: Asteartea, 24 Otsaila 2015 Argitaratua: Asteartea, 24 Otsaila 2015

Korrika aurkezpena

 

 

 

Ostiralean, otsailak 27, XIX. Korrikaren aurkezpena egingo da Uribe Kostan. Hitzordua 18:00etan izango da Larrabasterrako (Sopela) Urkoko polikiroldegian.

19. Korrika Urepeletik abiatuko da martxoaren 19an, eta Euskal Herriko hainbat herri eta txokotatik pasa ondoren, 29an amaiera izango du Bilbon. Ibilbide honetan 24an, asteartean, Uribe Kostatik pasako da, zehatz-mehatz Sopelatik 13:00etan gutxi gorabehera.

Korrika 19ren kilometroren bat erosteko aukera zabalik dago jadanik, hortaz, interesa nahi izanez gero, Korrikaren arduradunekin harremanetan jartzea eskatzen da.

Add a comment
0
0
0
s2smodern

Euskararen eguna Sopelan: Erabilera da erronka…

Kategoria gurasoa: Sopela Kategoria: Euskara Noiz sortua: Astelehena, 01 Abendua 2014 Argitaratua: Astelehena, 01 Abendua 2014

lingua NabajorumAbenduaren 3an Euskararen Eguna ospatuko da, eta Sopelan hainbat jarduera prestatu dira. Data hau aprobetxatuz, gomendagarria da Sopelako errealitate soziolinguistikoa gogoraraztea, eta daturik gaurkotuenak 2014ko apirilean argitaratu ziren Araba, Bizkaia eta Gipuzkoako V. Mapa Soziolinguistikoan 2011ko erroldan oinarrituz.

Datu horietan nabarmentzekoa da Sopelako biztanleen %41,82a euskalduna dela, alegia, 4.928 herritar euskaraz egiteko gai direla, eta gainera gehienak alfabetatuak (4.017). Honez gain %32,82 “ia-euskaldunak” taldean kokatzen dira, alegia 3.864 sopeloztar “ia euskaldun” kontsidera daitezke. Erdaldunak, 2.977 pertsona dira, %25,30. Datu hauetaz guztiez eta beste askotaz Sopela.net-ek artikulu interesgarria argitaratu zuen.

“Ia-euskaldun” zer den zehaztea zaila bada ere, euskaldun eta ia-euskaldunen baturak (%41,82 + %32,82= %76,64) argi uzten du 4 sopeloztarretatik hiruk euskarazko oinarrizko maila baduela, eta inolako zalantzarik gabe esan daiteke oinarrizko gaitasuna badagoela euskaraz aritzeko oinarrizko elkarrizketetan.

Testuinguru honetan garrantzia gehiago hartzen du euskara egunaren ospakizuna, argi baitago Sopelako kaleetan erabiltzen den euskara kopurua oso urrun dagoela aipatutako ehuneko horietatik.


Euskararen eguna:

Azaroak 28an, ostiralean Mikel Markez kantagileak sekulako kontzertua eskaini zuen Kurtzio Kultur Etxean “Indar bat dabil hor” diskoaren aurkezpena eginez.

Abenduaren 3an, asteazkena, udal pilotalekuan, 19:00etan Mintzodromoa izango da.

Abenduaren 4an, osteguna, Kurtzion bertso saio musikatua “Ez da kasualitatea” Uxue Alberdi, Oihana Bartra, Alaia Martin eta Jone Uria bertolariekin.

Abenduaren 5ean, Patxo Telleria eta Mikel Martinezen eskutik “Lingua Navajorum”, une honetan arrakasta ezin hobea izan duen eta euskaraz sari gehien jaso duen antzerki- lana ikusgai izango da Kurtzion 20:00etan. (sarrera 3 euro)

Add a comment
0
0
0
s2smodern

Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu