Euskara

Sopelan, Kantu-bira Korrikaren alde

Kategoria gurasoa: Sopela Kategoria: Euskara Noiz sortua: Igandea, 26 Martxoa 2017 Argitaratua: Igandea, 26 Martxoa 2017

Sopela Korrika Kantu bira

 

Badator 20. Korrika: gero eta gutxiago falta da Korrikak Sopelako kaleak alaitzeko euskararen alde. Korrika martxoaren 30ean abiatuko da Otxandiotik apirilaren 9an Iruñean bukatzeko eta gure herritik apirilaren 6an, gaueko ordu batean, pasatuko da.

Sopelako “Korrika”zaleok berotzen hasteko, martxoaren 31n, datorren ostiralean, Kantu-bira egingo da 19:00etan Sopelako Frontoitik abiatuz. Korrikaren leloak dioen bezala “Zuk” ere egin “bat” eta Sopelako Korrika Batzordeak parte hartzeko animatzen ditu sopeloztar guztiok.
 

Add a comment
0
0
0
s2smodern
powered by social2s

Sopelako udalak ez dio laguntzarik ematen HIRUKA astekari euskaldunari

Kategoria gurasoa: Sopela Kategoria: Euskara Noiz sortua: Azteazkena, 22 Otsaila 2017 Argitaratua: Azteazkena, 22 Otsaila 2017

Sopela Hirukari ezPNVk zuzentzen duen Sopelako udalak uko egin dio laguntza Uribe Kosta osokoa den Hiruka euskal komunikabideari. Jakin izan dugunez, Hiruka eta Sopelako udalaren arteko urrunketa aspaldikoa da, eta une honetan HIRUKA astekariak ez du laguntzarik jasotzen Sopelako udalaren aldetik.

Sopelako armarria kanpora
Hiruka astekariaren azken aleetan ez da agertu Sopelako armarria: udalaren laguntzarik ezean, Hirukak Sopelako armarria kentzea erabaki du erakunde laguntzaileen ataletik.

Sopela: laguntzarik ematen ez duen Udal bakarra
Sopela da laguntzarik ematen ez duen udalerri bakarra, hain zuzen ere, astekarian aipatzen dira erakunde laguntzaileak eta eskualdeko beste herri guztiak agertzen dira:  Getxo, Leioa, Erandio, Berango, Urduliz, Plentzia, Barrika eta Lemoiz. Gainera Bizkaiko Foru Aldundiaren eta Eusko Jaularitzaren ikurrak ere ikusgai daude erakunde laguntzaileen artean.

Hirukak Sopelan jarraituko du
Nahiz eta Sopelako udalak laguntzarik ez eman, Hiruka normaltasunez jarraituko da banatzen Sopelan eta herriko albisteak jasoko dira Hiruka agerkariaren arduradunen esanetan.

Galdera eta kexak
Sopelako EHBilduk otsaileko udal Komunikazio batzordean gaia mahairatu du, azalpenak eskatu ditu eta bere kexa helarazi dio PNVri zuzentzen duen Gobernu Taldeari: “HIRUKAk zerbitzu ona eskaintzen dio eskualde osoari, Sopela barne, eta lotsagarria da inguruan dugun euskarazko komunikabide bakarrari laguntzarik ez ematea. Laguntza berriro bidera dadin exijitzen dugu”

Add a comment
0
0
0
s2smodern

Sopelako Korrika batzordea prest

Kategoria gurasoa: Sopela Kategoria: Euskara Noiz sortua: Astelehena, 30 Urtarrila 2017 Argitaratua: Astelehena, 30 Urtarrila 2017

Sopela Korrika

 

 

Badatooor… 20. Korrika!

“Zuk ere bat egin dezakezu” goiburuarekin abian jarriko da Sopelako Korrika batzordea datorren ostegunean, hilak 2, 18:30ean Kurtzio Kultur etxean.
Gonbidapena irekia da laguntza eman nahi duten guztientzat.

Korrika martxoaren 30ean abiatuko da Otxandiotik apirilaren 9an Iruñean bukatzeko eta gure herritik apirilaren 6an, gaueko ordu batean, pasatuko da.

Add a comment
0
0
0
s2smodern

Korrika Sopelan, apirilaren 6an

Kategoria gurasoa: Sopela Kategoria: Euskara Noiz sortua: Osteguna, 12 Urtarrila 2017 Argitaratua: Osteguna, 12 Urtarrila 2017

Korrika Sopelan

Apirilaren 6an, gaueko ordu batean, Korrika Sopelara helduko da.

Datorren udaberrian zeharkatuko ditu KORRIKAk Euskal Herri osoko bideak eta errepideak, martxoaren 30etik apirilaren 9ra bitartean. Korrikaren 20. edizio hau Otxandiotik abiatuko da Iruñean bukatzeko, eta oraingo honetan Sopelatik gauez pasatuko da: ordutegi ofizialaren arabera asteazken - ostegun bitarteko gauean 01:06an da hitzordua.

Denbora dago Korrikaz aritzeko, baina garaiz agendan apuntatzeko ezinbesteko data dugu.

Add a comment
0
0
0
s2smodern

Sopelan azaroaren 25ean euskarari mesprezurik ez

Kategoria gurasoa: Sopela Kategoria: Euskara Noiz sortua: Larunbata, 26 Azaroa 2016 Argitaratua: Larunbata, 26 Azaroa 2016

Sopela azaroak 25 eta euskara“Solamente vamos a leer el manifiesto en erdera para no alarganos demasiado”… horrela eman zitzaion hasiera Sopelan Azaroaren 25eko ekitaldi instituzionalari.

Emakumeenganako indarkeriaren aurkako Nazioarteko Egunean esandakoaren aurrean Sopelako EHBilduk bere desadostasunik handiena helarazi du euskarari egindako mesprezua salatuz. “Gogorra egiten da azaroaren 25-k duen esanahia eta sinbolismoan hau bezalako gaia atera behar izatea” dio Sopelako EHBilduk, baina euskararekiko eta euskaldunekiko errespetu falta hau onartezina da.

"Azaroak 25i EHBilduk dion errespetuagatik, ekitaldian geratu ziren EHBilduko ordezkariak bukatu arte” jakinarazi du EHBilduk, dena dela, kexa aurkeztuko duela ofizialki hurrengo  Gizarte Ekintza, Emakumea eta Berdintasuna udal batzordean ohartarazi du.  

Add a comment
0
0
0
s2smodern
  • ¿Sopelana o Sopela?

    En torno al debate sobre la denominación de nuestro pueblo venimos a aportar un par de documentos interesantes: uno es lel propio dictamen de Euskaltzaindia al respecto y otro, la aportación de Xabier

    Gehiago irakurri...
  • Sopela.net

    “Sopela.net” ekimen xumea da, baina helburu argia du: Sopelaz informatu, Sopelaz hausnartu, Sopelako herriari zerbitzua eman eta sopeloztarroi lekutxo bat eskaini haien artikuluak, iritziak eta ekarpenak plazara ditzagun.

    Gehiago irakurri...
  • Datu batzuk

    Sopela (honelaxe esaten diogu euskaldunok gure herriari, eta honelaxe onartzen du Euskaltzaindiak) Euskal Herria osatzen duen zazpi lurraldeetariko batean kokatzen da, Bizkaian hain zuzen ere.

    Gehiago irakurri...

Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu