Euskara

Sopelako Euskaraldiaren Hamaikakoa

Kategoria gurasoa: Sopela Kategoria: Euskara Noiz sortua: Ostirala, 19 Urria 2018 Argitaratua: Ostirala, 19 Urria 2018

Sopela euskaraldia

 

Atzo, urriak 18, Sopelako Euskaraldiaren hamaikakoa osatu duten lagunen zerrenda aurkeztu da Jauregizar plazan 18:30ean.

 

 

 

Hamaika lagun hauek, 11 egun euskaraz ekimenean parte hartzea erabaki dute belarriprest eta ahobizi rolen bitartez. Aurkezpenean “Hamaika”koen argazkia ateratzeaz gain Paule Loizaga eta Unai Mendiburu bertsolariek jardun zuten eta Meñakoz taldeko trikitilariek eta pandero-joleek giroa alaitu zuten.

Hamaika lagunen artean aurpegi ezagunak eta ezezagunak zeuden, betiko sopeloztarrak eta sopeloztar berriak… Argazkian ezkerretik hasita:
Joseba Iriondo: kazetaria eta “Palestina Hotela -not american; I´m basque” liburuaren idazlea.
Nobuko: Sopelan bizi den Japongo laguna eta euskara ikaslea.
Oier Arakistain: Pilotaria eta Desobedentzizaz taldeko abeslaria.
Bene Markaida: Betiko Sopeloztarra, Sopelako “indígena”  definitu zuen bere burua.
Aida Moral: Sopelan bizi den Cadizeko laguna eta euskara ikaslea.
Xabier Saitua: Betiko Sopeloztarra, eta argazkilaria
Mikel Bizar: Musikaria Idi Bihotz eta Jare taldeetan. Orain Auritz-en
Leire Ucha: Sopeloztarra , aktorea
Aritz Aduritz: Athletiko jokalari ezaguna
Jose Anjel iribar: Athletiko atezain historikoa
Miren Dovaran: Eusko Jaurlaritzako Hizkuntza Politikako sailburuordea.

Zer da euskaraldia?

Add a comment
0
0
0
s2smodern
powered by social2s

Euskaraldia Sopelan: eman ezazu izena

Kategoria gurasoa: Sopela Kategoria: Euskara Noiz sortua: Osteguna, 11 Urria 2018 Argitaratua: Osteguna, 11 Urria 2018

Euskaraldia SopelanIzena eman Sopelan...

Eman ezazu izena Sopelan Ahobizi edo Belarriprest izateko http://izenaematea.euskaraldia.eus/ edo herriko hainbat lekutan: Kultur Etxean, liburutegian, udaletxean, turismo bulegoan, anbulategian, frontoiko tabernan, euskaltegian, Iberre institutuan, Ander Deuna Ikastolan, Zipiriñe eskolan…

baina zer da Euskaraldia?

Hizkuntza ohiturak astindu eta ohiko harremanetan euskara gehiago erabiltzeko 2018ko azaroaren 23tik abenduaren 3ra, euskaraz hitz egiten edo ulertzen dugun guztion artean euskaraz egiteko erronka.

eta nola egingo dugu?

Ondoko bi roletako bat har dezagun 11 egunez: Ahobizi: Ulertzen duenari euskaraz egingo diot, hark erdaraz erantzun arren. Ezezagunei lehen hitza, gutxienez, euskaraz egingo diet. Eta Belarriprest: Egidazu euskaraz, nik ulertzen dut eta. Agian erdaraz erantzungo dizut, baina zuk niri euskaraz egitea nahi dut.

Nork bultzatzen du Euskaraldia?

Euskaraldia babesten eta bultzatzen duten elkartearen eta eragileen zerrenda ia ia bukaezina da: Euskaltzaleen topagunea, Eusko Jaurlaritza, Nafarroko Gobernua, Kontseilua, Euskaltzaindia, Eudel, AEK, Ikastolen Elkartea, UPV…

Add a comment
0
0
0
s2smodern

Sopelako udalak ez du oraindik Hiruka euskal aldizkaria laguntzen.

Kategoria gurasoa: Sopela Kategoria: Euskara Noiz sortua: Asteartea, 24 Uztaila 2018 Argitaratua: Asteartea, 24 Uztaila 2018

Sopela HirukaUrte eta erdi pasa da

Urte eta erdi pasa da EHBilduk salatu zuenetik PNVk zuzentzen duen Sopelako udalak uko egin ziola diru-laguntza Uribe Kosta osokoa den Hiruka euskal komunikabideari. 2017ko urte hasieratik Hiruka astekarian ez da agertzen Sopelako armarria erakunde laguntzaileen artean, Hirukak horrela erabaki zuelako udalak diru laguntza ukatu zionean.

Sopela: laguntzarik ematen ez duen Udal bakarra

Sopela da laguntzarik ematen ez duen udalerri bakarra, hain zuzen ere, astekarian aipatzen dira erakunde laguntzaileak eta eskualdeko beste herri guztiak agertzen dira:  Getxo, Leioa, Erandio, Berango, Urduliz, Plentzia, Barrika eta Lemoiz. Gainera Bizkaiko Foru Aldundiaren eta Eusko Jaularitzaren ikurrak ere ikusgai daude erakunde laguntzaileen artean.

PNVk entzungor

2017ko otsailean Sopelako EHBilduk udal Komunikazio batzordean gaia mahairatu zuen azalpenak eskatuz eta PNVk egoera zuzenduko zuela adierazi zuen. HIRUKAren azken alean, (2018ko Udako Berezian) oraindik ez da agertzen Sopela erakunde laguntzaileen artean argazkian ikus daitekeenez. “HIRUKAk zerbitzu ona eskaintzen dio eskualde osoari, Sopela barne, eta lotsagarria da inguruan dugun euskarazko komunikabide bakarrari laguntzarik ez ematea. Laguntza berriro bidera dadin exijitzen dugu” eskatu zuen EHbilduk 2017ko otsailean. PNVk entzungor egin dio euskaltzaleon aldizkariari.

Add a comment
0
0
0
s2smodern

Esaera Zaharren 25. txapelketa Sopelan

Kategoria gurasoa: Sopela Kategoria: Euskara Noiz sortua: Azteazkena, 25 Apirila 2018 Argitaratua: Azteazkena, 25 Apirila 2018

Sopela esaera zaharrak

Esaera Zaharren 25. txapelketa Sopelan izango da apirilaren 28an, larunbatean, Sopelako AEKren eskutik

Urtez urte, Esaera Zaharren txapelketak Sopelako bazter guztiak euskaraz betetzen ditu giro ezin hobean. Egunak bi zati ditu: lehen fasea herrian zehar egingo da goizeko 11:00etatik aurrera, eta urtero bezala bertsoak, atsotitzak eta sekulako giro ona uztartuko da herriko kaleetan.

Eguerdian herri bazkaria Ander Deuna Ikastolan, eta bukatutakoan finalerdia eta finala izango da arratsaldez. 

Bertsoak, goizean, Algortako Bertso Eskolarenak izango dira eta arratsaldean, Oihane Enbeita eta Amets Arzallus bertsolari ezagunek parte hartuko dute.

Add a comment
0
0
0
s2smodern

Sopela: EUSKARALDIA abiatzeko prest

Kategoria gurasoa: Sopela Kategoria: Euskara Noiz sortua: Astelehena, 09 Apirila 2018 Argitaratua: Astelehena, 09 Apirila 2018

Sopela: euskaraldia

Euskaraz hitz egiten badakizu? Euskaraz hitz egiteko gaitasunik eduki ez arren, zerbait uler dezakezu? Konturatu al zara, orduan, elkarrekin euskaraz egin dezakegula? 11 egun euskaraz, egingo al dugu proba?

 

 

Euskaraldia abiatzeko saioak apirilaren 11n eta 25ean izango dira, Kurtzio Kultur Etxean 19:00etan. Bilera hauetan, eta prozesu parte-hartzaile baten bidez, ekarpenak jasoko dira Euskaraldia Sopelan era egokian antolatzeko. Baina….

Zer da Euskaraldia? Hizkuntza ohiturak astindu eta ohiko harremanetan euskara gehiago erabiltzeko ariketa bat proposatzen dizuegu: 2018ko azaroaren 23tik abenduaren 3ra, euskaraz hitz egiten edo ulertzen dugun guztion artean egin dezagun euskaraz. Euskal Herri osoan eta elkarrekin arituta, gure egunerokoan eragin genezake.

Nola egingo dugu? Ondoko bi roletako bat har dezagun 11 egunez: Ahobizi: Ulertzen duenari euskaraz egingo diot, hark erdaraz erantzun arren. Ezezagunei lehen hitza, gutxienez, euskaraz egingo diet. Eta Belarriprest: Egidazu euskaraz, nik ulertzen dut eta. Agian erdaraz erantzungo dizut, baina zuk niri euskaraz egitea nahi dut.

Zer lortu nahi dugu? Gure harremanetan hizkuntzarekin ditugun inertziak astintzea eta uste baino gehiagotan euskarazko komunikazioa posible dela frogatzea. Euskal Herrian euskara ulertzen duen jendea pentsatzen duguna baino gehiago dela jabearaztea eta euskara gehiagotan erabili dezakegula ikusaraztea. Hizkuntza ohiturak aldatzea norberaren hautua eta ariketa izan arren, bidea taldean eta batera, erosoago eta lagunduago egitea. Euskara erabiltzeko testuinguru eta egoera berriak, abegikorragoak eta babestuagoak sortzea.

Nork bultzatzen du Euskaraldia? Euskaraldia babesten eta bultzatzen duten elkartearen eta eragileen zerrenda ia ia bukaezina da: Euskaltzaleen topagunea, Eusko Jaurlaritza, Nafarroko Gobernua, Kontseilua, Euskaltzaindia, Eudel, AEK, Ikastolen Elkartea, UPV… 

IKUSI EUSKARALDIA

 

Add a comment
0
0
0
s2smodern
  • ¿Sopelana o Sopela?

    En torno al debate sobre la denominación de nuestro pueblo venimos a aportar un par de documentos interesantes: uno es lel propio dictamen de Euskaltzaindia al respecto y otro, la aportación de Xabier

    Gehiago irakurri...
  • Sopela.net

    “Sopela.net” ekimen xumea da, baina helburu argia du: Sopelaz informatu, Sopelaz hausnartu, Sopelako herriari zerbitzua eman eta sopeloztarroi lekutxo bat eskaini haien artikuluak, iritziak eta ekarpenak plazara ditzagun.

    Gehiago irakurri...
  • Datu batzuk

    Sopela (honelaxe esaten diogu euskaldunok gure herriari, eta honelaxe onartzen du Euskaltzaindiak) Euskal Herria osatzen duen zazpi lurraldeetariko batean kokatzen da, Bizkaian hain zuzen ere.

    Gehiago irakurri...

Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu