Euskara

Sopelako udalak ez du oraindik Hiruka euskal aldizkaria laguntzen.

Kategoria gurasoa: Sopela Kategoria: Euskara Noiz sortua: Asteartea, 24 Uztaila 2018 Argitaratua: Asteartea, 24 Uztaila 2018

Sopela HirukaUrte eta erdi pasa da

Urte eta erdi pasa da EHBilduk salatu zuenetik PNVk zuzentzen duen Sopelako udalak uko egin ziola diru-laguntza Uribe Kosta osokoa den Hiruka euskal komunikabideari. 2017ko urte hasieratik Hiruka astekarian ez da agertzen Sopelako armarria erakunde laguntzaileen artean, Hirukak horrela erabaki zuelako udalak diru laguntza ukatu zionean.

Sopela: laguntzarik ematen ez duen Udal bakarra

Sopela da laguntzarik ematen ez duen udalerri bakarra, hain zuzen ere, astekarian aipatzen dira erakunde laguntzaileak eta eskualdeko beste herri guztiak agertzen dira:  Getxo, Leioa, Erandio, Berango, Urduliz, Plentzia, Barrika eta Lemoiz. Gainera Bizkaiko Foru Aldundiaren eta Eusko Jaularitzaren ikurrak ere ikusgai daude erakunde laguntzaileen artean.

PNVk entzungor

2017ko otsailean Sopelako EHBilduk udal Komunikazio batzordean gaia mahairatu zuen azalpenak eskatuz eta PNVk egoera zuzenduko zuela adierazi zuen. HIRUKAren azken alean, (2018ko Udako Berezian) oraindik ez da agertzen Sopela erakunde laguntzaileen artean argazkian ikus daitekeenez. “HIRUKAk zerbitzu ona eskaintzen dio eskualde osoari, Sopela barne, eta lotsagarria da inguruan dugun euskarazko komunikabide bakarrari laguntzarik ez ematea. Laguntza berriro bidera dadin exijitzen dugu” eskatu zuen EHbilduk 2017ko otsailean. PNVk entzungor egin dio euskaltzaleon aldizkariari.

Add a comment
0
0
0
s2smodern
powered by social2s

Esaera Zaharren 25. txapelketa Sopelan

Kategoria gurasoa: Sopela Kategoria: Euskara Noiz sortua: Azteazkena, 25 Apirila 2018 Argitaratua: Azteazkena, 25 Apirila 2018

Sopela esaera zaharrak

Esaera Zaharren 25. txapelketa Sopelan izango da apirilaren 28an, larunbatean, Sopelako AEKren eskutik

Urtez urte, Esaera Zaharren txapelketak Sopelako bazter guztiak euskaraz betetzen ditu giro ezin hobean. Egunak bi zati ditu: lehen fasea herrian zehar egingo da goizeko 11:00etatik aurrera, eta urtero bezala bertsoak, atsotitzak eta sekulako giro ona uztartuko da herriko kaleetan.

Eguerdian herri bazkaria Ander Deuna Ikastolan, eta bukatutakoan finalerdia eta finala izango da arratsaldez. 

Bertsoak, goizean, Algortako Bertso Eskolarenak izango dira eta arratsaldean, Oihane Enbeita eta Amets Arzallus bertsolari ezagunek parte hartuko dute.

Add a comment
0
0
0
s2smodern

Sopela: EUSKARALDIA abiatzeko prest

Kategoria gurasoa: Sopela Kategoria: Euskara Noiz sortua: Astelehena, 09 Apirila 2018 Argitaratua: Astelehena, 09 Apirila 2018

Sopela: euskaraldia

Euskaraz hitz egiten badakizu? Euskaraz hitz egiteko gaitasunik eduki ez arren, zerbait uler dezakezu? Konturatu al zara, orduan, elkarrekin euskaraz egin dezakegula? 11 egun euskaraz, egingo al dugu proba?

 

 

Euskaraldia abiatzeko saioak apirilaren 11n eta 25ean izango dira, Kurtzio Kultur Etxean 19:00etan. Bilera hauetan, eta prozesu parte-hartzaile baten bidez, ekarpenak jasoko dira Euskaraldia Sopelan era egokian antolatzeko. Baina….

Zer da Euskaraldia? Hizkuntza ohiturak astindu eta ohiko harremanetan euskara gehiago erabiltzeko ariketa bat proposatzen dizuegu: 2018ko azaroaren 23tik abenduaren 3ra, euskaraz hitz egiten edo ulertzen dugun guztion artean egin dezagun euskaraz. Euskal Herri osoan eta elkarrekin arituta, gure egunerokoan eragin genezake.

Nola egingo dugu? Ondoko bi roletako bat har dezagun 11 egunez: Ahobizi: Ulertzen duenari euskaraz egingo diot, hark erdaraz erantzun arren. Ezezagunei lehen hitza, gutxienez, euskaraz egingo diet. Eta Belarriprest: Egidazu euskaraz, nik ulertzen dut eta. Agian erdaraz erantzungo dizut, baina zuk niri euskaraz egitea nahi dut.

Zer lortu nahi dugu? Gure harremanetan hizkuntzarekin ditugun inertziak astintzea eta uste baino gehiagotan euskarazko komunikazioa posible dela frogatzea. Euskal Herrian euskara ulertzen duen jendea pentsatzen duguna baino gehiago dela jabearaztea eta euskara gehiagotan erabili dezakegula ikusaraztea. Hizkuntza ohiturak aldatzea norberaren hautua eta ariketa izan arren, bidea taldean eta batera, erosoago eta lagunduago egitea. Euskara erabiltzeko testuinguru eta egoera berriak, abegikorragoak eta babestuagoak sortzea.

Nork bultzatzen du Euskaraldia? Euskaraldia babesten eta bultzatzen duten elkartearen eta eragileen zerrenda ia ia bukaezina da: Euskaltzaleen topagunea, Eusko Jaurlaritza, Nafarroko Gobernua, Kontseilua, Euskaltzaindia, Eudel, AEK, Ikastolen Elkartea, UPV… 

IKUSI EUSKARALDIA

 

Add a comment
0
0
0
s2smodern

Gaur ez da Euskara eguna, Sopelako errealitate gogorra

Kategoria gurasoa: Sopela Kategoria: Euskara Noiz sortua: Astelehena, 04 Abendua 2017 Argitaratua: Astelehena, 04 Abendua 2017

Sopela gaur ez da abenduaren 3aEuskara egunaren inguruan, abenduak 3,  oso asmo oneko agiri ederrak onartu dira eta hainbat ekitaldi eder eta erakargarri antolatu dira herri askotan, Sopelan ere; baina eguneroko errealitatea oso bestelakoa da.

“Euskaraz atseginez” diagnostikoa Uribe Kostako Mankomunitatean

“Euskaraz atseginez” izeneko diagnostikoa argitaratu zuen 2017ko martxoan Uribe Kostako Mankomunitateak, Labayru Fundazioarekin batera. Diagnostiko honetan Sopela, Urduliz, Plentzia, Gorliz, Barrika eta Lemoizeko establezimenduetan euskararen erabilera aztertzen da.

Mankomunitateko merkataritza eta ostalaritza establezimenduetan euskararen egoera: galdetegia

Diagnostikoan, aipatu diren herrietako merkataritza eta ostalaritza establezimenduetan euskararen erabileraz galdetegi bat pasatu da haien jabe edo arduradunekin hitz egin ondoren. Galdetegian hainbat atal islatu dira: langileak eta euskara (euskara maila…); bezeroak eta euskara (harreman hizkuntza…); denda edo taberna euskalduntzen (kanpoko eta barneko errotulazioa…); ekimenak (sektorea euskalduntzeko egindako ekimenen balorazioa…). Galdetegia ez zen anonimoa eta hainbat aldagai aintzat hartzen ziren: adina, sexua, jatorria…

Sopela

Sopela.net-ek Sopelako datuak ezagutzera eman nahi du, hona hemen aipagarrienak

  • Diagnostiko honen arabera Sopelako 227 establezimenduetatik pasa zen eta 146tan gogo onez erantzun zuten.
  • Langile gehienek ez dakite euskara: aztertutako 381 langileetatik, 185ek ez dakite euskara, 148 gai dira euskaraz egiteko, eta 48k ulertzen dute, baina ez dira gai euskara hitz egiteko.
  • Nabarmena da gaztelaniaren presentzia hizkuntza paisaian: 146 establezimenduetatik 25ek bakarrik dute errotulua euskaraz, eta 52tan bakarrik daude barneko kartelak euskaraz edo elebitan, 74tan gaztelania hutsean.
  • Bezeroak nagusiki gaztelaniaz sartzen dira establezimenduetan, establezimenduen %65ek dio hizkuntza nagusia gaztelania dela, nahiz eta hainbat bezero umeekin euskaraz egin, dendan erdaraz egiten dute.

Ekimenak

Establezimenduek diote ez dituztela sektorea euskalduntzeko egindako ekimenak ezagutzen, baina 118k “prest daudela etorkizunean ekimenetan parte hartzeko”.
70 establezimenduk positiboki baloratzen dute bezeroek euskaraz egin dezaten “pegatina – txarteltxo”  bat ikusgai izatea. (hala eta guztiz ere, beste batzuek diru galera dela uste dute). Establezimendu gehienek ez dute “Itzulpen zerbitzua” ezagutzen. Eta dendariak euskalduntzeko ikastaroak direla-eta, bakarrik 64k ezagutzen zituzten ikastaro hauek. Horrek ez du esan nahi parte hartu dutenik (55k ez dute parte hartu)

Diagnostikoak datu hauek eta gehiago ematen ditu… errealitatea honi aurre egiteko neurriak hartuko dira?

Add a comment
0
0
0
s2smodern

“Ez dok Hiru” antzezlana Sopelan

Kategoria gurasoa: Sopela Kategoria: Euskara Noiz sortua: Ostirala, 01 Abendua 2017 Argitaratua: Ostirala, 01 Abendua 2017

Sopela ez dok hiru


Euskal musikaren benetako istorioa

“Zenbat euskal kanta ezagutzen dituzu, zahar edo berri? Kalkulua egin duzu inoiz? Ziur gaude uste duzuna baino askoz gehiago direla” horrela aurkezten du Mikel Martinez eta Patxo Telleria bikote artistikoak ikuskizun hau.

“Ez dok Hiru”, kantutegian oinarritutako ikuskizun teatrala da eta larunbata honetan, abenduak 2, Sopelan izango da Kurtzio Kultur Etxean 20:00etan. Sarrera 8 €.

Add a comment
0
0
0
s2smodern
  • ¿Sopelana o Sopela?

    En torno al debate sobre la denominación de nuestro pueblo venimos a aportar un par de documentos interesantes: uno es lel propio dictamen de Euskaltzaindia al respecto y otro, la aportación de Xabier

    Gehiago irakurri...
  • Sopela.net

    “Sopela.net” ekimen xumea da, baina helburu argia du: Sopelaz informatu, Sopelaz hausnartu, Sopelako herriari zerbitzua eman eta sopeloztarroi lekutxo bat eskaini haien artikuluak, iritziak eta ekarpenak plazara ditzagun.

    Gehiago irakurri...
  • Datu batzuk

    Sopela (honelaxe esaten diogu euskaldunok gure herriari, eta honelaxe onartzen du Euskaltzaindiak) Euskal Herria osatzen duen zazpi lurraldeetariko batean kokatzen da, Bizkaian hain zuzen ere.

    Gehiago irakurri...

Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu