Emakumea

Eraso sexisten aurrean Sopelan tinko

Kategoria gurasoa: Sopela Kategoria: Emakumea Noiz sortua: Larunbata, 09 Ekaina 2012 Argitaratua: Larunbata, 09 Ekaina 2012
eraso sexistak Sopelan

Sopelan gertatu diren azken eraso sexistak direla medio herritar gazteen erantzuna benetan txalogarria izan da. Lehenengo elkarretaratzea deitu zuten pasa den ostiralerako eta arrakastatsua izan zen. Bertan auzokide gazte asko egon ziren eta haiekin batera Sopelako Alkatesa den Saioa Villanueva, Emakumearen arloko zinegotzia den Sonia Huidobro eta BILDU, Ezker Abertzalea, Alternatiba eta Aralarreko kideak egon ziren. Haiekin batera auzokide asko eta Mankomunitateko Genero Tekniaria ere elkarretaratzean egon ziren. Amaieran herriko bi mutilek adierazpena euskaraz eta erdaraz irakurri zuten, eraso sexista hauen aurrean tinko erantzuteko eskatzen. Txalogarria eta arrakastatsua. Zorionak eta horrela jarrai dezaten.

Add a comment
0
0
0
s2smodern
powered by social2s

Ostiralean Sopelako Plazan eraso sexisten aurkako mobilizazioa

Kategoria gurasoa: Sopela Kategoria: Emakumea Noiz sortua: Astelehena, 04 Ekaina 2012 Argitaratua: Astelehena, 04 Ekaina 2012

eraso sexistak

Azken hilabeteetan Sopelako neska gazte batzuen aurka eraso sexista gertatu dira eta herriko neska eta mutil talde bat, ixiltasuna alboan utzirik, mugimenduan jarri dira. Herriko kaleetatik afitxak ipini zituzten Batzarra burutzeko deia eginez eta arrakastatsua izan zen. Bertan neska eta mutil gazteekin batera nagusiagoak ziren emakumeak, gizonak, berdintasuna lantzen duten Mankomunitateko Teknikariak eta Sopelako Udaleko BILDUren zinegotzia ere egon ziren eraso hauen inguruan protokoloak eta ekimenak zehazteko.

Hori egin eta gero, "neska eta mutil sopeloztarrak" sinadura daramaten kartelak Sopelan zehar azaldu dira datorren ekainaren 8an eraso sexisten aurkako elkarretaratzea burutzeko deituz. Arratsaldeko 17:00etatik aurrera ekimenak burutuko dituzte eta arratsaldeko 20:00etan konzentrazioan parte hartzeko deia egin dute. Eraso sexisten aurrean mobilizazioa ezinbestekoa da.

Add a comment
0
0
0
s2smodern

Emakumeen indarra, herriaren giharra!

Kategoria gurasoa: Sopela Kategoria: Emakumea Noiz sortua: Larunbata, 03 Martxoa 2012 Argitaratua: Larunbata, 03 Martxoa 2012

martxoak8Martxoak 8, emakumeen nazioarteko eguna dela-eta jarduera, ekitaldi, saio ugari antolatu dira Sopelan

Astelehena: Kurtzio kultur etxean, 19:00etan, helduentzako ipuin kontalaria: ''Emakumeak munduan".

Asteartea: Jubilatuen elkartean: 18:00etan tarta lehiaketa eta musika.

Asteazkena: Antzerkia Kurtzio Kultur Etxean: 19:30ean, Barrikako emakumeen antzerki taldearen "Almas Ausentes" antzezlana.

Osteguna: MARTXOAK 8, Udaletxean, 18:00etan ekitaldia (adierazpenaren irakurketa), sari banaketa (ipuin labur, olerki..) eta Xabi Aburruzaga trikitilaria.

Ostirala: Mahaingurua Kurtzion: Emakumea eta Bertsolaritza mahaingurua Fredi Paia eta Miren Ibarluzearekin.

Larunbata: Arriatera hondartzan 09:00etan Nesken III. Open Surf Txapelketa.

Igandea: Emakumea eta kirola, hainbat jarduera: Uribekostako III. Mendi Ibilbidea, Uribekostako III. Txirrindularitza Martxa, surf txapelketaren sari banaketa, eta goiz osoan zehar, Arrietara hondartzan: Tai Txi eta eskubaloi taldeen erakusketa. Umeentzako ipuin kontalaria Kurtzion, 17:30ean 'Klik Klak' umeentzako ipuin kontalaria Apika taldearen eskutik

Add a comment
0
0
0
s2smodern

Sopelan eraso sexistarik ez!

Kategoria gurasoa: Sopela Kategoria: Emakumea Noiz sortua: Astelehena, 21 Maiatza 2012 Argitaratua: Astelehena, 21 Maiatza 2012

Eraso sexistarik ez

Azken egun hauetan Sopelan eman diren zenbait emakumeenganako erasoen aurrean, hainbat emakume zein gizon bildu dira gertakari hauei erantzun bat emateko. Herrian bolo bolo dabiltzan informazioen arabera lau edo bost eraso sexista gertatu dira azken hilabete hauetan eta honen aurrean planto egiteko dinamika herritarra martxan ipini nahi dute.

Honen inguruan jarrerak adosteko eta martxan ipini nahi duten protokoloa zehazteko aipatutako Sopeloztarrek deia zabaldu dute datorren ostegunean, maiatzak 24, osteguna, arratsaldeko 17:00etan Kurtzio Kultur etxean batzarra irekian parte hartzeko.

Deialdi honekin bat egin dute Jai Batzordean parte hartzen ari diren auzokideek eta eragileek. Haien ustez "kontutan izanik jaiak gertu ditugula eta egun hauetan zehar, zoritxarrez, sexu erasoak ugaritzen direla, hauek ekiditeko ekimenak bultzatzea ere bada gure betebehar nagusienetariko bat; denon kontzientziazioan eragitea, gune beltzen seinalizazioa, … "

Add a comment
0
0
0
s2smodern

Emakumeen aurkako indarkeriari egunero aurre egin behar diogulako

Kategoria gurasoa: Sopela Kategoria: Emakumea Noiz sortua: Azteazkena, 14 Abendua 2011 Argitaratua: Azteazkena, 14 Abendua 2011
indarkeri sexista

Azaroak 25a pasatu berri da eta pentsa daiteke egun hori berriro heldu arte edota zerbait larria gertatu arte ez dugula berriro salaketa egin behar. Errealitateak argi eta garbi erakusten digu emakumeen aurkako indarkeria eguneroko eraso bat dela. Beraz, lehen mailako arazo politiko, sozial eta kulturala da.

Arazo hau botere harremanak daudelako gertatzen da eta gizonek emakumeenganako duten zapalketa harremanen emaitza da. Indarkeria honek ondorio lez emakumeen herritartasun jarduera oztopatzea eta gure gorputzen kontrola du.  

Guzti honegaitik, Euskal Herriko mugimendu feministak, indarkeria sexistak eta honek aurkezten dizkigun milaka aurpegiak salatzeko, emakume eta gizon guztioi hurrengo abenduak 17an kaleak okupatzeko deialdia egiten du. Hori dela eta, BILBON Manifestazioa burutuko dute arratsaldeko 18:30etan eta Arriaga plazatik hasita. Indarkeria sexista patriarkatuaren ondorioa da egunero era desberdinetan isladatzen dena, ez da salpuespeneko zeozer, lan-desberdintasuna, laneko jazarpena, publiziztate sexista, emakumeen gutxiespena, justiziaren aurreko zigorgabetasuna, bikote edo familiaren kontrola... dana indarkeria da. Beste gizarte eredu bat eraiki nahi badugu, lehentasuneko eta ezinbesteko aldaketa da hau.

Add a comment
0
0
0
s2smodern

Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu