Emakumea

Emakumeen Jabekuntza Eskola abian

Kategoria gurasoa: Sopela Kategoria: Emakumea Noiz sortua: Azteazkena, 30 Iraila 2015 Argitaratua: Azteazkena, 30 Iraila 2015

jabekuntzaSopelako Emakumeen Jabekuntza Eskolan ikastaro eta dinamika berriak hasiko dira:

***Teatroa (genero ikuspegiko antzerkia) urritik maiatza bitarteko asteazkenetan

***Gimnasioa (hiruhileko txandak, eta hamabostero elkartzeko asmoz)

***Ikasgela:

1.- Nire gorputza eta biok (ibilbide bat gure gorputzean zehar nutriziotik hasita gure buruaren irudira heldu arte) Lehen hiruhilekoan

2.- Amentzako kafea (amatasunei buruzko iritziak elkartrukatu eta eztabaidatzeko taldea) Bigarren hiruhilekoan

3.- Norberarekin ezkondu aurreko ikastaroa (ibilbidea imaginario erromantikoan zehar) Hirugarren hiruhilekoan.

Urrian abiatuko diren ekimen hauetarako izena eman behar da urriaren 4a baino lehen Kurtzio Kultur Etxean.

Jabekuntza (empoderamiento) Eskola lehen aldiz 2014an jarri zen abian, urte hartan Sopelako gobernu taldearen (EHBildu) babesarekin.

Add a comment
0
0
0
s2smodern
powered by social2s

Sopelan Martxoak 8: 2tik 8ra…

Kategoria gurasoa: Sopela Kategoria: Emakumea Noiz sortua: Astelehena, 02 Martxoa 2015 Argitaratua: Astelehena, 02 Martxoa 2015

Martxoaren 8a dela eta Sopelan hainbat jarduna antolatu dira Sopelako Udala eta Itzartu elkartearen eskutik emakumeen eskubideak aldarrikatzeko asmoz. Datozen egunetan, 2tik 8ra, publiko ezberdinetako jarduera anitzak izango dira herrian osagai komun batekin: protagonista nagusiak emakumeak izango dira.

Egitaraua martxoaren 2an (astelehenean) hasiko da eta Argentinako emakume indigenen lehenengo martxa izango da lehenengo ekimena. 18:30ean Kurtzio Kultur Etxean, Saioa Asensio brigadista izango da hizlaria.

Asteartean, martxoak 3, Itzartuk urtero antolatzen duen tarta-lehiaketaren txanda izango da. 18:00etan Nagusien Etxean, bere XIX. edizioa ospatuko dute. Horren ostean, dastatzea eta dantzaldia ez da faltako.

Hilaren 4an, asteazkena,  genero ikuspegiko zineaz gozatzeko aukera egongo da, 18:00etan Kurtzio Kultur Etxean. Eskainiko den pelikula "Al encuentro de Mr. Branks" da.

5ean Itzartu emakumeen elkartearen egunik handiena izango da. 18:00etan pintura, olerkigintza eta ipuin laburren sari-banaketa egingo dute Kurtzio Kultur Etxean, luntxarekin batera.

Martxoaren 6an jarduera bi egongo dira. Alde batetik 18:30ean Kurtzio Kultur Etxean Haizea Lopez idazle sopeloztarrak bere azken liburua, "El veneno de Jane Ryan" aurkeztuko du eta ordu berean baina Itzarturen egoitzan, "Emakumeak Goyaren lanetan" berbaldia eskainiko du Adela Bueno adituak.

Igandean, martxoaren 8an, Casa de Muñecas antzezlana izango dugu ikusgai, 19:00etan Kurtzio Kultur Etxean. Sarrera, hiru euroan.

Add a comment
0
0
0
s2smodern

Emakumeen jabekuntza eskola Sopelan

Kategoria gurasoa: Sopela Kategoria: Emakumea Noiz sortua: Azteazkena, 29 Urria 2014 Argitaratua: Azteazkena, 29 Urria 2014

jabekuntza

 

 

16 emakume parte hartzen ari dira Sopelan sortu berri den Jabekuntza Eskolan (empoderamiento).

Urriaren 24an izan da ikasturte honen lehenengo eskola, 18:00etatik 21:00ak arte Kurtzio Kultur Etxean eta aurrerantzean Eskolak ostiraletan eskainiko dira.

Add a comment
0
0
0
s2smodern

Eraso matxisten kontrako hainbat jarduera Sopelan

Kategoria gurasoa: Sopela Kategoria: Emakumea Noiz sortua: Astelehena, 24 Azaroa 2014 Argitaratua: Astelehena, 24 Azaroa 2014

azaroak 25

Azaroaren 25a dela-eta, Sopelan eraso sexistak ez direla onartzen aldarrikatzeko hainbat ekintza antolatu dituzte Itzartu elkarteak eta Sopelako Udalak. Jarduera hauetariko batzuk azken egunetan burutu dira: azaroaren 15ean emakumeentzako autodefentsa feminista izan zen eta azaroaren 22an, Burbujas taldeak “Punto medio” lana antzeztu zuen.

Azaroaren 25ean, emakumeen aurkako indarkeriaren kontrako nazioarteko egunean, 19:00etan kontzentrazioa izango da udaletxe plazan eta horren ostean, manifestuak irakurriko dira eta mahai-ingurua izango da udaletxeko sarreran.

Azkenik, azaroaren 27an genero ikuspegiko zine ziklo barruan Kurtzion, 18:00etatik aurrera, “La maleta de Marta” dokumentala pantailaratuko da.

Add a comment
0
0
0
s2smodern

Aborto Legearen kontrako manifestaziora joateko autobusa Sopelatik

Kategoria gurasoa: Sopela Kategoria: Emakumea Noiz sortua: Asteartea, 25 Martxoa 2014 Argitaratua: Asteartea, 25 Martxoa 2014

apirilak 5Espainiako Gobernuak bultzatutako Aborto Legearen kontrako "Gure gorputza gure erabakia" lemapean Euskal Herriko Mugimendu Feministak deiturik manifestazioa izango da apirilaren 5ean (larunbata) Iruñean 17:30ean.

Manifestazio honetara joateko gonbitea luzatu du Sopelako Udalak eta helburu horrekin autobusa antolatu du. Autobusa doakoa izango da, eta 14:30ean irtengo da San Pedro elizatik.

Izena emateko epea apirilaren 3an amaituko da, eta hiru lekutan eman ahalko da izena: Kurtzio Kultur Etxean, udaletxean eta Sopelarin (Larrabasterra). Informazio gehiagorako: 94 406 55 05.

Sopelak ezetza eman zion  Gallardonek aurkeztutako abortuaren legeari

Ildo honetan, gogorraztea Sopelako udalbatzak Espainiar Gobernuak bultzatutako abortuaren legearen kontra agertu zela, aipatutako legea “atzerakoia eta emakumeen eskubideak modu larrian urratzen dituelako”. Mozioak EhBILDUk aurkeztu zuen eta PSE-EEk aurkeztutako emendakin bat atxikitu ondoren onartu zen EhBildu, PSE-EE eta PNVren botoekin. PP-k aurka bozkatu zuen. Mozio honen arabera Sopelako udalak eskatu egin zuen legea aldatzeko eta abortua ez sartzeko Zigor-bidezko Kodean. Emakumezkoek beraien amatasunaz erabakitzeko eskubidea dutela nahi dutenean haurdunaldia borondatez eten ahal izateko.

Add a comment
0
0
0
s2smodern

Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu