Kirolak

Helburua beteta, zapore garratzez

Kategoria gurasoa: Sopela Kategoria: Kirolak Noiz sortua: Osteguna, 19 Abendua 2019 Argitaratua: Osteguna, 19 Abendua 2019

 

Abenduak 14an jokatu zuten euskal ligarako igoera sopelako emakumezko juniorrek. Ezin izan zuten partida irabazi, baina gogor borrokatu zuten

Ametsa finalerdietaraino iritsi zen. Sopeloztarrek oso gogotsu hasi zuten partida eta 7 minututan 9 puntuko errenta lortu zuten. Baina, Nadiaren bigarren falta pertsonalak erasoan beheraldi bat ekarri zuen. Jokalari gutxik hartzen baitzuten uztai aldera joateko ardura, eta Unamunokoak  horretaz baliatu ziren partida berdintzeko.

Erasoan Libe ausart ibili zen eta Leire Alonsok defentsa ona gidatu zuen. Ugeragak partidari eusteko aukera izan zuten, erasoan motel aritu arren, eta Nadiaren bozina gaineko hiruko batek puntu bateko aldea eman zien kostaldekoei.

Atsedenaldiaren ostean, defensa baino eraso gehiago izan ziren eta Ugeragakoek 7 puntuko aldea hartu zuten berriro Nadiaren hiruko berri bati esker. Hala ere, Nadiaren hirugarren faltaren ostean, 11 eta 3ko partzial berri batek aurretik jarri zituen bilbotarrak.

Azken laurdenean, jokalari bisitariek erasoan huts egin zuten. Etxekoek lanak ondo  eginda balantza Bilbo aldera makurrarazi zuten, azken minutu zirraragarrietan.

Sopeloztarrek bikain bukatu dute lehen fasea. Helburua beteta. Nahiz eta Euskal Ligak itxaron beharko duen.

 

Add a comment

Abian 2019ko Sopelako emakume txirrindulari taldea

Kategoria gurasoa: Sopela Kategoria: Kirolak Noiz sortua: Ostirala, 25 Urtarrila 2019 Argitaratua: Ostirala, 25 Urtarrila 2019

sopela emakume txirrindulari taldeaGaur, urtarrilak 25, Sopelako emakume txirrindulari taldea aurkeztu da: Andere Basterra, Iurani Blanco, Julia Casas, Isabel Ferreres, Amaia Malatsetxebarria, Sara Martín, Maria Martins, Alexandra Moreno, Mireia Muñoz, Ariadna Nevado, Elné Owen, Sofía Rodríguez, Ariadna Trias eta Mireia Trias txirrindulariek osatuko dute 2019 plantilla Francisco Plá entrenatzailaren ardurapean. Aurkezpena Kurtzio Kultur etxean egin da eta bertan hainbat elkartek, erakundek eta lagunek babesa eman diote taldeari. 

2018. urtean izandako ibilbidea gogoratu ondoren (5000 kilometro baino gehiago eta 14 garaipen) 2019.ko erronkarik handienak aipatu dira: Espainiako eta Euskaldun kopak eta hainbat froga Frantzian, Belgikan… osotara 60 egunetan frogak eta horietariko 30 nazioarteko mailan.

Aurtengo babeslea: Telxius

Aurtengo babeslea iazko bera izango da: Telxius. Enpresa honek itsaso azpitik Sopela eta Estatu Batuetako Virginia hiria lotzen duen 6.600 kilometroko zuntza kudeatzen du.

Add a comment

Abian Sopelako emakume txirrindulari taldea

Kategoria gurasoa: Sopela Kategoria: Kirolak Noiz sortua: Astelehena, 05 Otsaila 2018 Argitaratua: Astelehena, 05 Otsaila 2018

Sopela txirrindulariak

Asteburu honetan, Sopelako emakume txirrindulari taldea aurkeztu da: Olatz Agorria, Maialen Aramendia, Esther Cañete, Bea Gomez, Ziortza Isasi, Enara Lopez, Sara Martin, Maria Martins, Mireia Muñoz, Sofia Rodriguez, Soraia Silva eta Aridna Trias izango dira txirrindulariak, Francisco Pla entrenatzailearen ardurapean.

Denboraldi hau 10.a izango da eta otsailean hartuko dute parte aurtengo lehen frogan “Setmana ciclista valenciana”. Hortik aurrera, urtean zehar, hainbat frogatan lehiatuko dute txirrindulariek Estatu eta Europa mailan.

Aurkezpena larunbatean, hilak 3, egin zen Sopelako udaletxean eta Sopelako PNV eta EHBilduren ordezkariak izan ziren taldeari babesa emanez.

Aurtengo babeslea: Telxius

Aurten babesle berria izango du Sopelako emakume txirrindulari elkarteak: Telxius. Enpresa honek itsaso azpitik Sopela eta Estatu Batuetako Virginia hiria lotzen duen 6.600 kilometroko zuntza kudeatzen du.

Add a comment

Gazte sopeloztar bat Euskadiko txapelduna

Kategoria gurasoa: Sopela Kategoria: Kirolak Noiz sortua: Astelehena, 07 Maiatza 2018 Argitaratua: Astelehena, 07 Maiatza 2018

Sopelako txapelduna JON

ZORIONAK JON

11 urte duen Jon Estefane Turrez gazte sopeloztarrak Euskadiko txapela lortu du haur kategorian asteburu honetan Bilbon izandako Euskadiko Irristaketa artistiko lehian. Bertan 30-35 lagunek hartu dute parte hainbat kategoriatan. Jon Sopelako Irristaketa taldekidea da eta orain dela bi urte hasi zen kirol honetan. 

Irristaketa Taldea Sopela

Sopelako Irristaketa taldean 51 haurrek eta gaztek hartzen dute parte, 4 urtetik 18ra bitartean eta gehienak sopeloztarrak dira. Jonek lortutakoa guztiz txalogarria bada, Sopelako Irristaketa Taldeak burutzen duen lana ere, azpimarratzekoa da, Sopelan ez baitago irristaketan aritzeko instalakuntza egokirik.

ZORIONAK Jon eta, zailtasunak zailtasun, zorionak ere Sopelako Irristaketa Taldeari

Add a comment

Ugeraga emakume txirrindulari taldearen aurkezpena

Kategoria gurasoa: Sopela Kategoria: Kirolak Noiz sortua: Osteguna, 02 Otsaila 2017 Argitaratua: Osteguna, 02 Otsaila 2017

Sopela emakume txirrindulari

 

Ostiral honetan, hilak 3, Ugeraga Lointek emakume txirrindulari taldea aurkeztuko da Sopelako Kurtzio Kultur Etxean  17:00etan. Aurkezpenean Ugeraga Lointek taldeak 2017an zehar zein frogatan hartuko duen parte eta erabiliko duen materiala aurkeztuko da.

Sopelako Ugeraga emakume taldeak goi mailako da, UCI mailakoa, eta 2016an Italiako Giroan hartu zuen parte beste froga askoren artean. Aurten Belgikan emango dio hasiera denboraldiari.

Add a comment

Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu