Kultura

Talo ikastaroa Sopelan

Kategoria gurasoa: Sopela Kategoria: Kultura Noiz sortua: Ostirala, 05 Otsaila 2010 Argitaratua: Ostirala, 05 Otsaila 2010

taloakOtsailaren 11n, osteguna, arratsaldeko 18:00etatik 21:00etara taloak egiteko ikastaroa egingo da Sopelan Meñakoz Herria eta Kultura elkarteak antolaturik.

Ikastaroa Akilino Arriolako lokaletan burutuko da (jubilatuen etxearen aurrean) eta euskara izango da hizkuntza nagusia, tarteka erdara erabiliko den arren.

Informazio gehiago eta parte hartzeko deitu 685 75 74 94 telefonora.
Anima zaitezte!!!

 

 

Add a comment
0
0
0
s2smodern
powered by social2s

Euskal Herriko Mus Txapelketa Sopelan

Kategoria gurasoa: Sopela Kategoria: Kultura Noiz sortua: Asteartea, 02 Otsaila 2010 Argitaratua: Asteartea, 02 Otsaila 2010

mustxapelketaPasa den larunbatean jokatu zen Sopelan Euskal Herriko Mus Txapelketaren kanporaketa Lamia tabernan.

 Bost bikotek hartu zuten parte eta partida lehiatsuen ostean, Juanjo Ormaetxe Saitua eta Gorka Ormaetxe Larrazabal nagusitu ziren. Bikote honek ordezkatuko du Sopela larunbat honetan Durangoko Plateruena Kafe Antzokian jokatuko den Bizkaiko finalaurrekoan. Txapelketaren finala, berriz, Seguran izango da, martxoaren 20an. (argazkian Sopelako hamar muslariak).

Euskal Herriko II Mus Txapelketa hau Orreaga eta Iparra-Hegoa elkarteek eta Bai Euskal Herriari ekimenak antolatu dute. Besteak beste, AEK, "Berria", "Gara", "Deia" eta Info7 irratiak laguntzen dute. Argazkian Sopelako partehartzaileak ikus daitezke. (Informazio gehiago ukberri.net-en)

Add a comment
0
0
0
s2smodern

Sopelako Agate Deunaren koplak

Kategoria gurasoa: Sopela Kategoria: Kultura Noiz sortua: Asteartea, 02 Otsaila 2010 Argitaratua: Asteartea, 02 Otsaila 2010

 

agate-deuna 

Santa Ageda, Agate Deuna edo Santa Agedako bezpera otsailaren 5aren aurreko egunean Euskal Herrian ospatzen den jaia da. Ohitura da egun honetan edo bezperan herrietan koplak kantatu eta diru edo janari eske ateratzea. Herri askotan makilekin ateratzen da kalera, lurrean joz erritmoa markatuz. Beste herri batzuetan Kintoak ospatzen dira egun horretan.

Sopelan ere Agate Deuna ospatzen dugu aspalditik. Izan ere, 1981. urtean Ion Iñaki Zunzunegik eta Agurtzane Iturregik, baita Adolfo Arejitaren laguntzarekin ere, bertoko koplak batu zituzten Santa Ageda koplak Sopela - Urduliz inguruan idazlanean.

Add a comment

Gehiago irakurri: Sopelako Agate Deunaren koplak

0
0
0
s2smodern

KURTZIO KULTUR ETXEA: akats gehiegi.

Kategoria gurasoa: Sopela Kategoria: Kultura Noiz sortua: Asteartea, 29 Abendua 2009 Argitaratua: Asteartea, 29 Abendua 2009

KurtzioKE

 

 

Azaroaren 30ean, San Andres egunean, Kurtzio Kultur Etxe berriaren irekiera ofiziala egin zen, baina Kultur azpiegitura berri batek piztu beharko zituzkeen ilusioak, ez dira oraingoan sortu; aitzitik, kritika ugari entzun dira.
 (Sopela aldatu aldizkarian argitaraturik)

 

 

 

Kokapena:
Kultur gune honen kokapenak kritika asko sortu ditu sopelostarron artean herritik, eta herriko eguneroko bizitik, urrun geratzen delako. Distantziaz gain, kultura jarduerak “baztertuak” izan dira eguneroko girotik: “haraino joan behar da”. (Larrabasterratik zer esanik ez).
Espazio gutxi:
Irekiera baino lehen herriko talde askok jadanik ezetza jaso dute lokalen bat eskatzean. Ez dagoela lekurik erantzun zaie. Kultur Etxe baten helburua ez da bakarrik kanpoko espektakuluak eskaintzea, edo Udalak eman ditzakeen zenbait zerbitzuri lekua ematea; helbururik garrantzitsuena herrian lan egiten duten taldeei babesa eta aterpea ematea izan behar da.
Ordutegia:
Kultur Etxea 19:30ean itxiko dela jakinarazi zaigu Kultura Batzordean. Itxiera ordutegi honek ez du inolako logikarik edozein ostiraletan zein larunbatetan ekitaldi bat eratzean, zalantzarik gabe, ordutegi hori gaindituko delako. Udaletxean egin genituen kritiken aurrean “malgutasuna egongo dela” erantzun ziguten, baina honek beste arazo bat sortzen du: langileak
Langileak:
19:30tatik aurrera sartuko diren orduak, aparteko ordu bezala hartuko dira kontuan lan egutegian, eta urteko ordutegia betetakoan, Kultur Etxearen zainketa azpikontratu egin beharko da.
Arazo teknikoak:
Kultur Etxe berria erabiltzeko aukera izan den egun apurretan nabarmen geratu dira zenbait eskasiak argi eta intsonorizazio zerbitzuetan.

Penagarria da instalakuntza berri batean jadanik akats hauek aurkitzea.
Arazoek inprobisazioa adierazten dute, eta zoritxarrez badugu oso gertu zer gertatu zen herrian inauguratutako azken azpiegiturarekin, igeritokiekin hain zuzen ere. Arazoak arazo, udalaren erabakia irmoa izan behar da konponbidea bilatzeko eta ez ezkutatzeko hotsandiko hitzen atzean. Arazoak argi onartuz, lortuko dugu Kultur Etxe hau benetan erabilgarria izan dadin, eta horixe da gure nahia.

Se ha inaugurado la nueva Kultur Etxea de Kurtzio, pero entre los sopelostarras se han escuchado muchas críticas por su situación, instalaciones, horario etc. Si queremos que la nueva Kultur Etxea responda a las necesidades reales de Sopela, primero hay que admitir los errores y luego arreglarlos; no esconderlos en palabrería grandilocuente.

Add a comment
0
0
0
s2smodern

Olentzeroa eta Mari Domingi Sopelara heldu ziren

Kategoria gurasoa: Sopela Kategoria: Kultura Noiz sortua: Osteguna, 24 Abendua 2009 Argitaratua: Osteguna, 24 Abendua 2009
olentzero

Espero bezala heldu ziren. Gurdiz eta konpainia onarekin. Udaletxeko Plazan Gabon enborrari sua eman zioten eta aurreko urtean gordetako egur zatiak erre zituzten Sopeloztarrok. Kimu berriak hartu zituzten eta hurrengo urtea arte gordeko dute usadio zahar honi segida emateko.

Umeak zoriontsuenak izan ziren. Bikote magikoarengana hurbildu ziren eta belarrira esan zieten barruan aspaldin gordeta zeukatena.

Etxe guztietan oparietaz gain, desioak ere dantzan ibili dira. Osasuna, urrun daudenak, preso daudenak. Olentzeroari eskatzeaz gain guztion ekimena martxan ipini beharko dugu egia bihurtzeko. Bitartean Olentzeroaren eta Mari Domingiren magiarekin geratuko gara. Ez da gutxi, ez da nahiko.

Add a comment
0
0
0
s2smodern
  • ¿Sopelana o Sopela?

    En torno al debate sobre la denominación de nuestro pueblo venimos a aportar un par de documentos interesantes: uno es lel propio dictamen de Euskaltzaindia al respecto y otro, la aportación de Xabier

    Gehiago irakurri...
  • Sopela.net

    “Sopela.net” ekimen xumea da, baina helburu argia du: Sopelaz informatu, Sopelaz hausnartu, Sopelako herriari zerbitzua eman eta sopeloztarroi lekutxo bat eskaini haien artikuluak, iritziak eta ekarpenak plazara ditzagun.

    Gehiago irakurri...
  • Datu batzuk

    Sopela (honelaxe esaten diogu euskaldunok gure herriari, eta honelaxe onartzen du Euskaltzaindiak) Euskal Herria osatzen duen zazpi lurraldeetariko batean kokatzen da, Bizkaian hain zuzen ere.

    Gehiago irakurri...