Hezkuntza

Sopela: Irakaskuntza publikoan, ikasturte berria, arazo OSO zaharrak. Zipiriñe

Kategoria gurasoa: Sopela Kategoria: Hezkuntza Noiz sortua: Ostirala, 08 Iraila 2017 Argitaratua: Ostirala, 08 Iraila 2017

Sopela ZipiriñeAmaieran erdaraz: Sopela: educación, nuevo curso, viejísimos problemas: Zipiriñe

 


2017-2018 ikasturtearen hasieran gauden honetan, Sopelako irakaskuntza publikoan dauden gabeziak nabarmenak dira. Herriko ikastetxe publiko biak, Haur eta Lehen Hezkuntzako Zipiriñe eskola eta Derrigorrezko Bigarren Hezkuntzako Iberre institutua aspaldian lekurik gabe geratu ziren hezkuntza publikoaren hautua duten Sopelako ikasle guztiak hartu ahal izateko.

Zipiriñe:

2009. urtean handitze lan esanguratsuak egin ziren Zipiriñen 3 lerrotik lau lerrotara pasatzeko (alegia, lau gela maila bakoitzeko). Oso urte gutxi pasa ostean, gaur egun, handitze lan hori guztiz urria geratu da: hainbat mailatan bost gela behar dira; jantokian hiru txanda egin behar izan dira, hala nola, ikasle batzuk 14:30ean sartzen dira bazkaltzera eta 15:00etan ikasgelan egon behar dira; psikomotrizitate orduak murriztu behar izan dira…

2017-2018ko ikasturte honi hasiera eman ahal izateko (eta batek dakit zenbat urtetan mantenduko diren) Eusko Jaurlaritzak modulu aurrefabrikatu batzuk jartzea erabaki du sasi-konponbide gisa, eta Sopelako udalak 8.675,55 euro esleitu ditu modulu horiek kokatuko diren hormigoizko oinarria egiteko.

Behin betirako konponbideak behar dira. Lanari ekin diezaiogun.

Aurrefabrikatuek, epe laburrean, adabakiak baino ez dira eta hezkuntzaren kalitateari kalte egiten diote zenbait esparruren baldintzak txarragotzen baitira: liburutegiak, laborategiak etab. Epe luzean ere, ez dute ezer konpontzen: eskola erraldoi bakar bat ez da egokia Sopela osorako, eta are gutxiago herria hazten ari den bitartean. EHbilduren ustez, Sopelak Haur eta Lehen Hezkuntzako bigarren ikastetxe berri bat behar du, inolako atzerapenik gabe.

Jakin badakigu helburu hau ez dela erraza: arazoak eta korapiloak begi bistakoak dira Sopelak gaur egun ez baitu lur esparru egokirik ikastetxe berri bat egiteko. (Honek baditu arduradunak, eta luze eta zabal hitz egin liteke Sopelak izan duen hirigintza negargarriaz eta PNVk izan zuen aurreikuspen eta interes eza Sopelako Arau Subsidarioak egin zirenean).

Dena dela, arazo objektiboen aurrean, benetako konponbideak bilatu behar dira, ezin delako onartu ikasturte batetik bestera egoera bere hartan uztea “usteldu” arte. Sopelako udalean lehentasun osoa izan behar du zerbitzu teknikoak eta juridikoak buru belarri martxan jartzea behin betirako konponbidea lantzeko: lur sailak bereganatuz, lur sailak bilduz, lur sailen birkalifikazioak eginez… Jakin badakigu ez dela lan erraza eta epe motzean egitekoa, baina urtez urte gai hau alboratzen bada, konponbidea ez da inoiz helduko.


Sopela: educación, nuevo curso, viejísimos problemas. Zipiriñe


Comienza el curso escolar 2017-2018 y los problemas de falta de espacio en la educación pública de Sopela se eternizan. Los dos centros públicos del municipio, el colegio de educación infantil y primaria ZIPIRIÑE y el instituto de enseñanzas medias IBERRE, hace tiempo que se han quedado MUY pequeños para acoger a los y las alumnas de Sopela que optan por la educación pública.

Zipiriñe:

Add a comment

Gehiago irakurri: Sopela: Irakaskuntza publikoan, ikasturte berria, arazo OSO zaharrak. Zipiriñe

0
0
0
s2smodern
powered by social2s

Sopelako udalak babesa eman die Helduen Hezkuntzako kideei

Kategoria gurasoa: Sopela Kategoria: Hezkuntza Noiz sortua: Larunbata, 28 Otsaila 2015 Argitaratua: Larunbata, 28 Otsaila 2015

CEPAEusko Jaurlaritzak onartutako Helduen Hezkuntzako Ikastetxeei buruzko erresoluzioa bertan behera utz dezala eskatu du Sopelako Udalak

Hezkuntza Sailak Helduen Hezkuntzako Ikastetxeek jasotzen dituzten diru laguntzak murriztu ditu ikastetxe hauen helburuak zehazteko eta irakaskuntza mota hau tituluak lortzeko soilik bidera dadin.

Erresoluzio hau, aitzitik, ez da ondo onartua izan gaur egun jende askok ikasten baitu Helduentzako Ikastetxeetan hainbat ikasketa berri eta osagarri garatzeko (hizkuntzak, informatika, ikastaroak...) eta ez titulu bat lortzeko. Sopelan, esate baterako, 230 ikasle baino gehiago daude eta horietako bakarrik 40k dute helburutzat titulua lortzea. Eusko Jaurlaritzak hartutako erabakia ezarriko balitz 200 ikasle eta hainbat irakasle gera litezke kalean.

Udalaren proposamena: EHBildu eta PSE alde

Gauzak horrela Helduen Hezkuntzako Ikastetxeko kideek  Sopelako udalera jo zuten eta Udal Gobernu Taldearekin hitz egin ondoren, EHBilduk proposizio bat aurkeztu zuen otsailaren 24an izandako Udal Osoko Bilkuran. Propozisioa onartua izan zen EHBildu eta PSEk emandako aldeko botoen esker. PNV eta PP abstenitu ziren.

Onartutako proposamenak salatzen du helburua irakasle-kopurua murriztea dela eta gainera, eskolatik kanporatuak izango diren ikasleei ez zaiela inolako alternatibarik eskaini. Eusko Jaurlaritzako Hezkuntza Sailari eskaera argia egitenzaio: erresoluzioa  bertan behera utz dezala eta hezkuntza arloko eragileekin batera ikastetxeen beharren arabera erreforma bultzatu dezan”.

(Argazkian: Sopelako Helduen Hezkuntzako ikastexea, pilotalekuaren gainean)

Add a comment
0
0
0
s2smodern

Información sobre parques infantiles de Sopela 2015

Kategoria gurasoa: Sopela Kategoria: Hezkuntza Noiz sortua: Ostirala, 05 Abendua 2014 Argitaratua: Ostirala, 05 Abendua 2014

{youtube}jEh8i1LRksI{/youtube}

Add a comment
0
0
0
s2smodern

LOMCE legea dela eta hitzaldia

Kategoria gurasoa: Sopela Kategoria: Hezkuntza Noiz sortua: Astelehena, 11 Martxoa 2013 Argitaratua: Astelehena, 11 Martxoa 2013

 

LOMCE

 

LOMCE legearen ezarpena dela eta (Wert legea) Euskal Herriko hainbat eragilek kontrako iritzia plazaratu dute eta mobilizazioak burutu dituzte.

LOMCE legeaz eta Euskal Herriak behar duen Hezkuntz Sistema propioaz aritzeko hitzaldia antolatu da martxoaren 12an Algortako Villamonteko Kultur Etxean 19:00etan.

Hizlaria Eli Zubiaga izango da.

 

Add a comment
0
0
0
s2smodern

Lodosako ikastolarentzat euro 1

Kategoria gurasoa: Sopela Kategoria: Hezkuntza Noiz sortua: Larunbata, 28 Urtarrila 2012 Argitaratua: Larunbata, 28 Urtarrila 2012

lodosa ikastolaLodosa-Sartagudako Ikastolaren egoera ez da erraza. Eremu ez euskaldunean kokatuta dagoen aldetik, Ikastetxea egoera ekonomiko zaila bizi du eta horren aurrean Ikastolen Elkarteak laguntzeko deia luzatu du, izan ere, Euskarak Lodosako ikastola behar du. Kanpaina berezi bat jarri da martxan, eta aurreneko egitasmoa “Euro bat, marrazki bat” izenekoa izan da. Euskal Herriko ikastoletako ikasleek marrazki bana egin eta ikastetxe bakoitzak euro bat emango du matrikularik duen ikasle bakoitzeko. Horrez gain, Ibaialde Ikastolak gizarte osoari egin dio dei laguntza emateko, eta kontu korronte bat ere zabaldu du norberak bere ekarpen propioak egiteko.

Elkartasun eguna, otsailaren 5ean, Sartagudan

Nafarroa hegoaldeko ikastolak egoera larrian daudela iragarri zuen atzo Ikastolen Elkarteak, Lodosa-Sartagudako Ibaialderen egoera azpimarratuz. Hori dela-eta, datorren otsailaren 5ean, igandea, Elkartasun Festa deitu du ikastolak berak Sartagudan, zentroak dituen behar ekonomikoei aurre egiteko.

12.00etatik aurrera kontzertuak izango dira frontoian, Laket, Neu'e Buruben, Norte Apache, Ze Esatek!, Bizardunak eta Los Zopilotes Txirriaos taldeekin. Ordu berean, baina eskola gunean, Sakanako herri kirolak eta Lezaungo trontzalariak ikusteko aukera izango da, besteak beste.

Bazkalostean, berriz, Aitzol Barandiaran, Aitor Sarriegi, Andoni Egaña eta Maialen Lujanbio bertsolariak arituko dira. Aurten ikastolak 25 urte beteko ditu eta zailtasun horiek ez dute zapuztuko mende laurdena betetzeak merezi duen ospakizuna. Otsailaren 5ean, urte horietako bizipenak eta gaurko oztopoak batu egingo dira jai eta aldarrikapen kutsua izango ospakizun batean.

Lodosako Ibaialde Ikastolaren historia

1991. urtera egin behar dugu saltoa, orduantxe, sortu baitzen Ibaialde Ikastola 9 haurrekin. Lekualdaketa ugari jasan ditu ikastetxean. Urte horietan zehar, matrikulazioak gora egin dute, eta irakasle bakarra egotetik, horien kopurua ere handitu da. Mende laurdena darama Lodosako ikastolak foru administrazioaren oztopoak gainditzen eta euskararen normalizazioaren alde etengabe lanean. Datorren asteburuan, ibilbide luze eta korapilatsu horri merezitako ordaina emango diote jai handi batean.

Sopelan ere kanpaina honekin bat eginez

Sopelako Ander Deuna Ikastolan dagoeneko ekimen honekin bat egin dute eta diru biltzeko kutxa zabaldu dute. Beraz, diru ekarpena egiteko hau da bide bat. Beste bidea Lodosako Ibaialde Ikastolak zabaldu duena da. Hau da, elkartasun ekonomikoa bideratzeko kontu korrontea zabaldu dute eta norberak bere diru ekarpena egin dezake. Ekarpen guztiak ongi etorriak izango dira, txikiak zein handiak. Beraz, anima zaitezte eta zuena egizue! Hau da kontu korrontearen zenbakia: 3035 0153 46 1531026051

Add a comment
0
0
0
s2smodern
  • ¿Sopelana o Sopela?

    En torno al debate sobre la denominación de nuestro pueblo venimos a aportar un par de documentos interesantes: uno es lel propio dictamen de Euskaltzaindia al respecto y otro, la aportación de Xabier

    Gehiago irakurri...
  • Sopela.net

    “Sopela.net” ekimen xumea da, baina helburu argia du: Sopelaz informatu, Sopelaz hausnartu, Sopelako herriari zerbitzua eman eta sopeloztarroi lekutxo bat eskaini haien artikuluak, iritziak eta ekarpenak plazara ditzagun.

    Gehiago irakurri...
  • Datu batzuk

    Sopela (honelaxe esaten diogu euskaldunok gure herriari, eta honelaxe onartzen du Euskaltzaindiak) Euskal Herria osatzen duen zazpi lurraldeetariko batean kokatzen da, Bizkaian hain zuzen ere.

    Gehiago irakurri...

Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu