Hezkuntza sistema barruan PSOE eta PP bultzatzen ari diren “indarkeriari legitimazioa kentzeko” egindako planari kritika eta ezezko ugari egin dizkiote euskal eragile gehienek: politikoek, sozialek,  sindikalek, komunitate eskolarrak...

Erantzunen artean LAB sindikatuak argitaraturiko hausnarketa argitaratzen dugu:

Indarkeriari legitimazioa kentzea eta bizikidetza demokratikoa (2010-2011). Bakearen eta giza eskubideen aldeko Hezkuntzako planaren (2008-2011) birformulazioa.
Inposizioari  eta doktrinamenduari ez!

Dokumentua aztertuta, lehenik eta behin, LABetik azpimarratu nahi dugu dokumentuak duen izaera, dokumentua erabat politikoa delako, ez hezkuntzakoa, eta PPSOEren irizpide politikoei erantzuten die. Are gehiago, dokumentua terrorismoaren aurkako lanabestzat jotzen dute. LABen ustez, lehenago UPNk egin zuen bezala, PPSOE ongi jabetu dira Hezkuntzak duen balore estrategikoaz, eta beste hezkuntza ekimenekin bezala, plan hau euskal herritarrak Espainiako ereduan asimilatzeko erabili nahi dute. Dokumentua gure iturrien bidez jaso dugu, eta aurki buletinean argitaratuko duten curriculum dekretuarekin bezala, duen adostasuna da Gobernu horrek duen gehiengoarena, gehiengo horrekin “dekretazoak” ateraz. Mozorro guztiak kendu dituzte eta beste garai bateko moduak erabiltzen ari dira, inposizioa,  Diktadurei dagozkien moduak hain zuzen. 

Ikasle Abertzaleak, LAB, Sortzen-Ikasbatuaz, Ezker Abertzalea, Eusko Alkartasuna, Elkartzen, Euskal Herrian Euskaraz, Euskal Herriko Bilgune Feminista, Euskaria Fundazioa, Bai Euskal Herriari, Segi eta Gazte Abertzaleak deia egiten dute datorren larunbatean, MARTXOAK 13, EGOERARI BUELTA EMATEKO eta MOBILIZAZIO HANDIA EGITEKO BILBON

Ander Deuna ikastolakoentzat inauteriaren eguna oso egun zaila izan da. Urtero bezala dena prest zegoen inauteriaren jaia ospatzeko baina atzo egun tamalgarria izan zen. Trafiko istripu batek ikastolako ama bat hil zuen eta azken ordu hauek oso gogorrak izan dira.

Azkenean aurrera egitea erabaki zuten. Bizitza aurrera doa eta berarekin batera joateko beharra dagoela azpimarratu zuten. Ekitaldiaren hasieran Yolanda Ezpeleta gogoan izan zuten eta haien gertukoei babes osoa adierazi zieten. "Xalbadorren heriotza" abestu zuten eta segituan prestatutako ekitaldia burutu zuten.

Ekitaldiaren hiru bideo hauek eskaintzen dizkizuegu.

1. Batxilergoko eta 4. DBHko zenbait ikasle Mihiluze ETBko lehiaketa programara joan ziren. Grabatu den programa gainera 500garrena izan zen. Hori dela eta, Kike eta Illazki aurkezleez gainera, Aimar Olaizola eta Oinatz Bengoetxea pilotariak, Tessa Andonegi, Klaudio Landa eta Jose Luis Korta izan ziren bertan. Oso interesgarria izan zen plato bat zer den ikustea.

Urriak 31an denak adi telebistan agertuko bait dira!