Sopelatik Aranjuezera

Kategoria: Euskal Herria Noiz sortua: Osteguna, 18 Otsaila 2016

Aranjuezera

 

Larunbatean, hilak 20, euskal preso politikoak dauden Espainia eta Portugalgo espetxe guztietara martxak egingo dira. Frantziar estatuan, aldiz, Lorentxa Guimon preso politiko gaixoa  dagoen espetxera joango da.

Aranjuezera
Sopelako bizilagunei Aranjuezerako espetxera joatea egokitu zaie, Oier (oraindik 3 urte ez duen mutikoa), Olga eta Txabi dauden kartzelera hain zuzen ere. Sopelatik 05:15ean irtengo da eta 18:00etan bueltatuko dela kalkulatzen da. Kartzela batera edo bestera joanda prezio berdina jarri da: 10€. Kontuan izan behar da Burgosera, Aranjuezera edo Algecirasera joateak kostu ekonomiko ezberdina duela, baina Euskal Herri mailan prezio berdina jartzea adostu da. Bidaira izena emateko  abiansopela@gmail.com  edo 620475431 telefonoan duzue aukera.

Bono laguntza
“10€ Bonoa” jarri da martxan, osasun arazoengatik, adinagatik edo edozein arazo dela medio, Aranjuezera joaterik ez duen baina laguntza emateko prest dagoenari aukera emateko.

Add a comment
0
0
0
s2sdefault

Askapenako auzipetuak, absolbituta

Kategoria: Euskal Herria Noiz sortua: Azteazkena, 03 Otsaila 2016

askapenaEspainiako Auzitegi Nazionalak absolbitu egin ditu auzipetutako Askapenako bost kideak: Gabi Basañez, Unai Vazquez, David Soto, Walter Wendelin eta Aritz Gamboa. Fiskaltzak bost urteko kartzela zigorra eskatzen zuen "talde terrorista" batekin elkarlanean aritzea leporatuta, baina epaileak ez du halakorik berresten duen frogarik aurkitu: "Ez dago ETAk Askapenari zuzendutako zuzeneko agindurik, ez eta haren erantzun mezurik ere".

Gabi Basañez “sopeloztarra”
Askapena-ko kideen artean Gabi Basañez dago, Sopelarekin harreman handia duena hainbat urtetan gure herrian bizi izan delako eta herriko kultur eta euskararen aldeko mugimenduetan gogor egin baitu lan. Gainera, sopela.net agerkari digital honetan ere noizbehinkako kolaborazioak egin ditu.

Sopelatik oso aspaldiko elkartasuna
Bost lagun hauek 2010ean atxilotu zituzten lehen aldiz, eta jadanik une hartan, 2010eko azaroko plenoan hain zuzen, Sopelako Udal Osoko Bilkurak Gabi eta Askapenako beste kideen askatasuna aldarrikatu zuen sumario horren zentzugabekeria salatuz.

Orain dela 5 urteko proposizio horrek garai hartako udalean ordezkaritza zuten ANV, EA, Ezker Batua eta Sopela Los Verdes babesarekin egin zuen aurrera (PNV abstenitu zen, eta PSE eta PP kontra bozkatu zuten). Proposizioak gaur egun gaurkotasun osoa du, horregatik merezi du gogoraraztea testu hartan esandako zenbait baieztapen: “Gabi Basañezen eta bere kideen lan publikoa, zilegia eta demokratikoa ez daiteke delitutzat har, beraz hauen askatasuna eskatzen dugu… ...Udal Bilkura honek, Gabiren askatusuna eskatzeko eta errepresioa etetearen beharra eskatzeko azaroaren 28an  burutuko den manifestazioarekin bat egiten du eta Sopelako herritarrei parte hartzeko gonbidapena luzatzen die…  ...Erabaki hauek Gabiren familiari helarazteaz gain, Espainiako eta Frantziako barne Ministerioari eta Gobernu Lehendakaritzei helaraziko zaizkie...

Add a comment
0
0
0
s2sdefault

Sopelanetek Telegram Kanal bat sortu du

Kategoria: Euskal Herria Noiz sortua: Azteazkena, 23 Abendua 2015

telegram

Sopelanet herramienta komunikatzaile aurrerakoia, herritarra, ezkertiarra, gaztea, feminista eta abertzalea izaten jarraitzea nahi dogu. Horretarako beharrezkoa ikusten dogu, bai sare sozialetan zein sakelako telefonoetan egotea. 2009 Hasitako proiektua gero eta saretuago egoteko "Telegram Kanala" sortu dugu. Kanal horretan sartzeko telegram aplikazio beharrezkoa da. https://telegram.me/sopelanet .

Zer da telegram?
Berehalako mezularitza-aplikazio bat da Telegram. Software askea eta doakoa da, hau da, Whatsapp antzerako aplikazioa. Aplikazioa euskaraz izateko aukera eta askoz ere segurugoa ere dala esan daiteke dudarik gabe.

Add a comment

Gehiago irakurri...

0
0
0
s2sdefault

Hauteskundeak direla eta, solasaldia Sopelan

Kategoria: Euskal Herria Noiz sortua: Ostirala, 11 Abendua 2015

solasaldia

 

Datorren asteazkenean, hilak 16, Sopelako Kurtzio Kultur Etxean, hauteskunde giroko solasaldia izango da Onintza Enbeitarekin eta Leire Pinedorekin 19:00etan.

Onintza gaur egun diputatua da eta Kongresurako Bizkaiko EHBilduko zerrendaburua; Leire Pinedo legebiltzarkidea da Gasteizen, eta hirugarrena EHBilduko zerrendan Kongresorako. Honez gain Leire oso ezaguna da Sopelan aurreko legealdian EHBilduko zinegotzia izan zelako.

Add a comment
0
0
0
s2sdefault

Eskura agiria eztabaidagarri Sopelan

Kategoria: Euskal Herria Noiz sortua: Azteazkena, 04 Azaroa 2015

eskura

 

 

 

 

 

 

 

 

 

 

Sopelako Gure Esku Dago taldeak “Eskutik ESKURA erabakitzeko bidean” dokumentuari buruzko hausnarketa gauzatuko du Sopelan. Eztabaida bihar, hilak 5, izango da Kurtzio Kultur Etxean 19:00etan.

Gure Esku Dagok gonbidapena egiten die interesatu guztiei "guztion iritzia ezinbestekoa baita".

Add a comment
0
0
0
s2sdefault