Euskal Herria

Sopela: Giza kate erraldoia antolatzen

Kategoria gurasoa: Euskal Herria Kategoria: Euskal Herria Noiz sortua: Osteguna, 12 Apirila 2018 Argitaratua: Osteguna, 12 Apirila 2018

Sopela Gure esku dago

Ekainaren 10ean erronka handia dugu: Euskal Herrian inoiz egin den giza katerik handiena osatzea, Donostiatik Bilbora eta Bilbotik Gasteizera, osotara 201,9 kilometro eskuz esku loturik “Herri bat garela, erabakitzeko eskubidea dugula eta herritarron garaia dela aldarrikatuz".

Eta sopeloztarrok zer? 

Sopeloztarrok ere gure kilometroa (k) bete beharko dugu (ditugu), oraingo honetan Amurrio parean, eta horretarako 1000 lagun baino gehiago behar izango dira.

Helburu hori lortzen hasteko eta informazioa emateko  Sopelako Gure Esku Dago taldeak mahaiak jarriko ditu apirileko ostiraletan (13an, 20an eta 27an) 19:00etatik 21:00era udaletxeko plazan.

Add a comment
0
0
0
s2smodern
powered by social2s

Sopelan erabakitzeko eskubidea ez du etenik.

Kategoria gurasoa: Euskal Herria Kategoria: Euskal Herria Noiz sortua: Osteguna, 22 Otsaila 2018 Argitaratua: Osteguna, 22 Otsaila 2018

Sopela Gure esku dago

Sopelako Gure Esku Dago herri ekimenak datorren asteartean, otailak 27, 19:30ean Kurtzio Kultur Etxean, 2018. urteko egitasmoaren aurkezpena egingo du.

Donostia-Bilbo-Gasteiz giza katea, eta Herri ituna

Erabakitzeko eskubidearen bidean erronka haundiei aurre egin izan die Gure Esku Dago herri ekimenak, eta haien artean aipagarriak dira 2014an izandako giza katea Durangotik Iruñeraino eta 2017 Sopelan izandako kontsulta.

Zalantzarik gabe “Donostia-Bilbo-Gasteiz giza katea” izango da aurtengo erronka eta horretarako 100.000 lagun behar izango dira ekainaren 10ean eskuz esku loturik. Giza kate honek, 2014ko giza katearekin alderatuta 75km gehiago lotu beharko ditu.

Katea, aitzitik, hausnarketa prozesu baten amaiera izan behar da eta horretarako herrietan “Herri Ituna” hasiko da lantzen. Honetaz guztietaz aritzeko gonbidapen zabala egiten du Gure Esku dago interesatuta dauden guztiei hurrengo 27an Kurtzio Kultur Etxean 19:30ean

Add a comment
0
0
0
s2smodern

Sopelako EHBilduren Herri Batzarra

Kategoria gurasoa: Euskal Herria Kategoria: Euskal Herria Noiz sortua: Ostirala, 19 Maiatza 2017 Argitaratua: Ostirala, 19 Maiatza 2017

Sopela Jasone Agirre

Gaur, hilak 19, (ostirala) Sopelako Kurtzio Kultur Etxean EHBilduk herri batzarra egingo du eta bertan Jasone Agirre Bizkaiko Legebiltzarkideak parte hartuko du. Batzarra 18:30ean izango da eta irekia da interesa duten guztiontzat.

EHBilduren prozesu eratzailea

EHBilduk bost urte bete ditu eta lau alderdien elkarlanean oinarritu da (EA, Aralar, Alternatiba eta Sortu). Urte hauen esperientzia baloratuz eta aurrera begira EHBilduk izango dituen erronkei era eraginkorrago batean erantzuteko EHBilduk prozesu eratzailea batean murgilduta dago.

Prozesu honen nondik norakoez hitz egiteko, zalantzak argitzeko, iradokizunak eta ekarpenak jasotzeko Jasone Agirrek hartuko du parte gaurko Sopelako batzar irekian. Bilera aprobetxatuz, Sopelako EHBilduren zinegotzi batek, herriko zenbait gai komentatuko ditu.

Add a comment
0
0
0
s2smodern

2.088 sopeloztarrok hartu dute parte herri kontsultan

Kategoria gurasoa: Euskal Herria Kategoria: Euskal Herria Noiz sortua: Astelehena, 08 Maiatza 2017 Argitaratua: Astelehena, 08 Maiatza 2017

Sopela maiatzak 7Atzo, maiatzak 7, Sopela eta Euskal Herriko 52 herritan Gure Esku Dago herri ekimenak bultzaturik herri kontsulta egin ziren erabakitzeko eskubideaz.

Sopela

2.088 sopeloztarrok hartu zuten parte atzoko herri kontsultan herrian izandako 2 gune elektoraletan, udaletxeko plazan eta Urgitxieta plazan. Kopuru hau erroldaren %18,78 da, kontuan hartuz 16 urtetik gorako 11.116 sopeloztarrek aukera zutela bozka emateko.

Iluntzeko 9etan, Gure Esku Dagoko kideok bat-bateko balorazioa egin zuten eta haien poztasuna adierazi zuten positiboki baloratuz partaidetza hau eta herrian egun osoan zehar izandako giro paregabeagatik.

2.088 boto hauetatik 1.990 herritarrok BAI erantzun zioten egindako galderari “Euskal Estatu burujabe bateko herritarra izan gura dozu?. 67 lagunek EZ erantzun zuten eta honez gain 23 zuri egon ziren eta 8 baliorik gabeko bozkak izan ziren.

Uribe Kosta

Eskualdeko partaidetza %19,56koa izan zen: Barrika %22,61, Gorliz %17,76, Lemoiz % 39,25, Plentzia % 16,72, Urduliz % 20,56 eta esan bezla Sopela % 18, 78

Euskal Herria

Atzo Euskal Herriko 247.812 herritarrek izan zuten aukera bozka emateko 52 herritan eta osotara 63.237 pertsonek eman zuten botoa. Honek %25,52ko partaidetza adierazten du. Gaur egunean zehar sakontasun gehiagoko balorazioa egingo dute antolatzaileek, baina atzo poztasuna nabaria zen “uholde honek ez du etenik eta jadanik 148.000 herritarrek hartu dute parte herri kontsulta hauetan”

Add a comment
0
0
0
s2smodern

Sopelan gaur Herri Galdeketa. Parte Hartu

Kategoria gurasoa: Euskal Herria Kategoria: Euskal Herria Noiz sortua: Larunbata, 06 Maiatza 2017 Argitaratua: Larunbata, 06 Maiatza 2017

Sopela Ugeraga maiatzak 7Sopela surf maiatzak 7Gaur Sopelan herri galdeketa izango da Gure Esku Dago herri ekimenak bultzaturik; sopeloztarrok “Euskal Estatu burujabe bateko herritarra izan gura dozu?” galderari erantzuteko aukera izango dugu.

Ordutegia eta lekuak

Goizeko 9etatik arratsaldeko 8ak arte epea izango dugu bozka emateko udaletxeko plazan, bertan hiru mahai egongo direlarik, eta Larrabasterrako Urgitxieta plazan.

Baliozko agiriak

Nortasun agiria nazionala; pasaportea; EHNA; Gidabaimena eta Atzerritarren identifikazio zenbakia. Agiri ofizialean helbidea ez bada agertzen Errolda ziurtagiria beharrezkoa izango da.

Eguneko egitaraua

Txupin baten jaurtiketarekin batera zabalduko dira mahaiak 9etan. Egun osoan zehar artisauak, txosna, taloa, pintxoak etab izango dira. Honez gain 11:00etan Tai Txi erakusketa, 12:00etan joaldunak, 13:00etan ekitaldia udaletxeko plazan, 18:00etan erromeria Ezetz taldearekin eta 20:00etan itxiko dira hautestontziak.

20:30ean espero da emaitzak jakinaraztea eta talde sustatzaileak lehen balorazioa egingo du.

52 lagun herritan izango dute
Orain arte Gure Esku Dagok bultzaturik 91 herritan egin dira herri kontsultak. Gaur, Sopelarekin batera beste 52 herritan egingo da herri kontsulta eta 250.000 lagunek izango dute aukera parte hartzeko. Aipatzekoa da Sopelarekin batera, Uribe Kostako Barrika, Gorliz, Plentzia, Lemoiz eta Urdulizen ere herri kontsulta izango dira, eta udazkenean prest daudela Berango, Erandio, Getxo eta Leioa.

Argazkian, Sopelako Ugeraga futbol taldea eta surfariak

Add a comment
0
0
0
s2smodern
  • ¿Sopelana o Sopela?

    En torno al debate sobre la denominación de nuestro pueblo venimos a aportar un par de documentos interesantes: uno es lel propio dictamen de Euskaltzaindia al respecto y otro, la aportación de Xabier

    Gehiago irakurri...
  • Sopela.net

    “Sopela.net” ekimen xumea da, baina helburu argia du: Sopelaz informatu, Sopelaz hausnartu, Sopelako herriari zerbitzua eman eta sopeloztarroi lekutxo bat eskaini haien artikuluak, iritziak eta ekarpenak plazara ditzagun.

    Gehiago irakurri...
  • Datu batzuk

    Sopela (honelaxe esaten diogu euskaldunok gure herriari, eta honelaxe onartzen du Euskaltzaindiak) Euskal Herria osatzen duen zazpi lurraldeetariko batean kokatzen da, Bizkaian hain zuzen ere.

    Gehiago irakurri...