Eusko Jaurlaritzak argitaratu berri duen azken txosten epidemiologikoaren arabera (Urtarrilak 31-Otsailak1), Sopelak 500 kutsatze 100.000 biztanleko langa gainditu du jadanik, zehatz mehatz  629,98ko tasaraino heldu baita azken zazpi egunetan 54 kutsatze berri izan ondoren.

Datu hauek aintzat hartuz, ostalaritza itxiko da eta ez da egongo eskola kirola. Ardura, seriotasuna… (W.)

Espetxe Zuzendaritzak bost euskal presoen lekualdatze berri jakinarazi du, eta horien artean Sergio Polo preso sopelostarra dago, Arabako Zaballako kartzelara ekarriko dutena.

Urruntze politika ankerra

Sakabanaketa eta urruntze politikak gogor jo du Sergio, euskal preso guztiak bezala. Sergio duela 21 urte atxilotu zuten, eta Espainiako geografiako kartzela askotan izan da, beti Euskal Herritik oso urrun: Valdemoro eta Alcala (Madrilen), Texeiro (Galizian), Picassent (Alacanten), Cordoba eta Algeciras (Andaluzian), Herrera de la Mancha (Ciudad Realen) eta beti espetxe-baldintza oso gogorretan.

Aldarrikapenak gaurkotasuna osoa du

Sergio Zaballara heltzeak ematen duen poza eta balorazio positiboa ezin du estali oraindik preso asko daudela Espainiako Estatuko kartzeletan eta “presoak etxera” aldarrikapenak gaurkotasun osoa duela oraindik ere. (W.)

Maitane Larrea eta Ander Ugarte Historian lizentziatuak dira eta arkeologian masterra egin zuten. Maitane bilbotarra da eta Ander sopeloztarra, baina gaur egun biok Sopelan bizi dira. Historia ikasten ari zirela Lemoako Arlanpeko kobazuloko indusketan parte hartzeko aukera izan zuten. Ordutik hainbat proiektutan parte hartu dute: Askondo kobazuloko arte labarren aurkikuntzan (Mañaria), Aranbaltza aire zabaleko aztarnategian (Barrika) eta Atxurra (Berriatua) eta Abittaga kobazuloetako (Amoroto) indusketetan.

Gure herriko eta inguruko iraganaz oso gutxi dakigu, horregatik haiengana jo dugu…

1.- Bizkaiko Foru Aldundiari txosten bat bidaltzea erabaki duzue Bareño auzoan egindako aurkikuntzak aurkeztuz…

“Iberdrola lapurrak”. Horrela, argi eta garbi, esan zuen Bizkaiko Pentsiodunen Mugimenduak (BPM) atzo larunbatean, urtarrilak 23, Sopelako udaletxe aurrean egindako elkarretaratzean argindar eta gas tarifen igoera eskandalagarria salatuz.

Covid tasa Sopelan: 204,93

204,93 da Sopelako Covid tasa 100.000 biztanleko  Osakidetzak urtarrilaren 11n egindako azken txostenaren arabera. Gabonen hasieran, abenduaren 23an, tasa hori 162,20koa zen.

14 positibo aste batean

Sopelan azken urteotan egin den manifestaziorik handienak hartu zituen herriko kaleak atzo (larunbatean, hilak 9) euskal presoen urrunketa politikari amaiera emateko aldarrikapenaren pean.

Deialdia SARE herri ekimenak egin zuen eta 238 euskal udalerritan gauzatu ziren mobilizazioak. Sopelan, txalaparta entzun ondoren, jendetzak herriko kaleak zeharkatu zituen zanpatzarren atzetik eta udaletxeko plazan amaitu zen ekitaldia Espainiako eta Frantziako gobernuei euskal presoen egoera gehiago ez luzatzeko eskatuz eta beren legedia bete dezaten.

Ondorengo alderdi politikoek bat egin zuten bat mobilizazioarekin: EAJ, EHBildu, Elkarrekin-Podemos eta Geroa Bai; eta sindikatuek: ELA, LAB, CCOO, UGT, Steilas, esk, Etxalde, Hiru eta CGT. (W.)

Urtarrilaren 9an, larunbata honetan, Euskal Herriko herri guztietan mobilizazioak egingo dira Euskal presoak Euskal Herrira!!! aldarrikatuz, eta orain arteko urrunketa politikari amaiera eman dakion exijituz.

Sopelako hitzordua

Urtero, urtarrilaren hasieran, manifestazio erraldoia egiten da Bilbon; baina, 2021 honetan,  pandemia saihesteko ezarritako neurriak kontuan hartuta, “ekitaldiak” herriz herri egingo da, eta Sopelan 17: 30ean izango da hitzordua, Udaletxe plazan.

Euskal gazteriak urtarrilaren 2an esan zuen bezala: “Euskal Herriko gatazka armatuaren ondorioak biziko dituen azken belaunaldia izan nahi dugu eta izan behar dugu”. Argazkian,  Sopelako Ernaiko hainbat gaztek mobilizazioekin bat eginez Sopelako bi presoen irudiarekin. (W)

Astelehenean (abenduak 28), etengabeko euripean, Sopelako jubilatu talde bat bildu zen udaletxeko plazan, eta badira ia hiru urte elkarretaratze hau egiten dutela astelehenero.