Inauteriak gure artean izateko egun gutxi falta diren honetan, Sopelako Kuadrillok mozorroen azken ukituak ematen gabiltza, datorren zapatuan dena ezin hobeto atera dadin!

Gorde zita: zapatuan, otsailaren 22an

Gorde zita: zapatuan –otsailaren 22an–, Udaletxeko plazan, eguerdiko 13:30etan. Aurtengo gaia ematen duena baino zailagoa da: Udako kantak. Luze egiten zaigun negu honetan udari keinu bat egin nahi izan diogu, nostalgiaz gogoratzen ditugun Caribe Mix garai horiek bueltan ekarriz.

Datorren otsailaren 19an, Larrabasterrako Plaza Beltza Kulturgunean hitzaldia izango da. Hitzaldiaren izenburua “Ildo Feministak” da, eta bertan feminismoan eragina duten hainbat ikuspuntu aztertuko dira. Hitzaldia irekia da interesa duten guztiontzat feminismo teoriko, dituen ikuspegi anitzetan eta gaur egungo gizartearen egoeran feminismoak duen estatusa soziopolitikoa aztertuko direlarik.

Hizlaria Olatz Barbier dugu, Sopelako bizilaguna, erizaina, eta une honetan antropologia ikerketa doktoratu aurreko lanak burutzen ari da, batez ere gorpuztasun, feminismo eta prostituzio arloetan. Sopela.net-ek Olatzekin hitz egin du hitzaldiaren gako nagusiak aipa eta aurrera diezazkigun.

Sopela-net: Zergatik izendatu duzu hitzaldia “Ildo feministak”?

Olatz B.: Hitzaldian egile eta lan teoriko batzuk azaldu nahi ditut. Egile eta lan hauek barnebiltzen dituzte feminismoan sortu diren hainbat ildo: hortik datorkio izenburua “Ildo feministak” hitzaldiari. Gaur egun dauden feminismo mota ezberdinak azaltzen saiatuko naiz, aintzat hartuz egungo mugimendu sozial, politiko, kultural, ekonomiko eta espiritualak oso heterogeneoak direla. Umore-garratz ukipen bat eman nahian, eta batez ere ezagutza sakonago eta feminis Feministakmoaz hausnarketa kritika sortu nahian, historian zehar  emakumearen egoeraren azterketan oinarrituko naiz.

10 urte eta 2.500 artikulu baino gehiago

Sopela.net jaio zenean, gure herriaren izen ofiziala Sopelana zen; baina, garai hartan jadanik, guk argi genuen zein zen gure herriaren euskal izena eta argi genuen zein zen gure helburua. Horregatik orain dela hamar urteko aurkezpenean esan genituen hitzak bizi-bizirik daude: Sopela.net ekimen xumea da, baina helburu argia du: Sopelaz informatu, Sopelaz hausnartu, sopeloztarroi zerbitzua eman… Sopelan herri mugimendu asko daude, herri ekimenak, instituzioetatik haragoko bestelako errealitateak eta hori guztia islatu nahi dugu… Gehienetan informazio “txiki” horiek, ez dute inolako islarik komunikabide handietan, hor dago “Sopela.net” tarte hori eskaintzeko…

Ugeraga Sernior A-ren Kronika:

Indautxu 0-1 Ugeraga

Zapatu honetan Ugeragak lortutako garaipena, pazientziazko garaipena izan da, partiduko gol bakarra azkenengo minutuan ailegatu baitzen. Sopelako taldeak ez zuen pazientzia galdu eta azken minutuan saria lortu zuen. Badirudi Ugeragak barriro be sentsazino onak aurkitu dituela, partidu oso konpletua egin baitzuen zelaiko zonalde guztietan eta aurkariari ez zion aukerarik emon bere jokua egiteko.

Lehenengo zatian Ugeraga oso ondo ibili zen, partiduaren kontrola eukiz. Baloiaren jabetza kanpoko talderena zen, Sopelako taldearena alegia. Posesino hori ez zen posesino antzua izan eta Ugeragak hainbat gol aukera sortu zituen lehenengo berrogeita bost minutuetan. Beste alde batetik, Indautxuk kontraeraso eta faltak bilatzen zituen gol aukerak sortzeko, hala ere, ez zituen aurkitu ez kontraerasorik ez faltarik. Sinestezina zen Ugeragak atsedenaldira abantailagaz ez joatea, baina futbolak horrelako gauzak ditu.

Ugeraga Sernior A-ren Kronika:

Ugeraga 2-1 Acero

Zapatu honetan Urko futbol zelaian ikusitako partidua oso txarra izan da bi taldeen partetik. Ugeragak azkenengo partiduetan ez du bere joko dinamikoa aurkitzen eta gehiago kostatzen zaio partiduak aurrera ataratzea, hala ere hiru puntuak etxean geratu dira. Sopelako taldeak beste aste bat lehenengo postuari eutsi dio eta igoerako helburua gero eta gertuago dago.

Lehengo zatia txarra izan zen bi taldeen partetik. Ugeragak baloiaren jabetza euki zuen baina gola aukerak sortu barik. Adierazgarria da ligan erasoan hobekien dagoen taldea lehenengo zati osoan jaurtiketarik ez egitea. Acerok bere zelaian itxoin zuen jokaldi batean ea golen bat sartzen zuen eta horrela ba, hogeita bosgarren minutuan eta falta baten ostean Acerok 0-1koa jarri zuen markagailuan. Ugeragak jarraitzen zuen baloiaren jabetza eukitzen baina gol aukera sortu barik. Horrelaxe partidua atsedenaldira ailegatu zen.

Ugeraga Sernior A-ren Kronika:

Ugeraga 3-1 Larramendi

Bigarren itzulia hasi egin da eta Ugeragak ez du oina azelerazino pedaletik kentzen. Esan behar da Sopelako taldeak ez duela partidu ona jokatu, hala ere beharrezko garaipena eta hiru puntuak eskuratu ditu sailkapeneko lehenengo postuan mantentzeko. Ugeragak inertziaz irabazi du, eta sailkapenean bi taldeen artean dagoen aldea islatu da, nahiz eta Larramendik itxura ona emon duen.

Lehenengo zatiko lehenengo minutuetan Sopelako taldea oso ondo sartu zen partiduan eta bosgarren minuturako gitxi gorabehera aurretik jarri zen penalti garbi baten ondorioz. Hogeita bosgarren minutuan Ugeragak 2-0koa jarri zuen markagailuan. Hametik aurrera Ugeragak bi martxa jeitsi zituen eta Larramendik hori baliatu zuen partidua kontrolatzeko, gol aukera gitxi batzuk sortuz. Emaitza honegaz partidua atsedenaldira ailegatu zen.

Ugeraga Sernior A-ren Kronika:

2015garren urtea, Gabonetako afariak eta bazkariak atzean itzita, barriro be futbol erregionala ailegatu da geure futbol zelaietara. Urte barriagaz Sopelako taldeak etxetik kanpo zeroan bolada txarra hautsi du garaipen batekaz. Haizeak erabat baldintzatu du domeka honetan jokatutako partidua. Ugeragak oso partidu serioa jokatu du aurkari zuzen baten aurka.

Lehenengo zatian Ugeraga jaun ta jabe izan zen, oso ondo jarrita egon zen zelaian eta lehenengo 45 minutuak kontrolatu zituen. Bosgarren minutuan, penalti garbi baten ondorioz Sopelako taldea markagailuan aurreratu zen. Nahiz eta Ugeragak partidua kontrolpean eduki, Gurutzetak 1-1koa jarri zuen markagailuan falta batean. Hala ere, Sopelako taldea jasotako kolpea handia izanda be, txikitu beharrean handitu egin zen eta gol aukerak sortzen hasi zen. Horrela ba, Gurutzetako golatik bost minutura Ugeragak barriro be partiduan aurreratzea lortu zuen, 1-2koa markagailuan jarriz. Emaitza honekaz partidua atsedenaldira heldu zen.

Unai del Burgok (@unai_delburgo)sinatzen du (Sopelako EHBilduko Ekonomia taldeko kidea)

Zergatik izan behar dute zergek progresiboak?

Udalek eskumen gutxi dauzkate zergen alorrean. Hego Euskal Herriaren kasuan, eskumen gehienak Foru Ogasunek dauzkate. Hala ere, udaletatik gauzak egin daitezke eta ikuspegiak argi. Zergen progresibitatearen alde egin behar dugu. Zergatik? Zergek ezin dutelako kaltetu errenta maila apalagoa dauzkaten pertsonak. Errenta­maila eta erosteko gaitasun altuena dutenek gehiago ordaindu behar dute. Gaur egungo sisteman, udalek zergen eta tasen bitartez finantzatzen dute beraien burua. Gehiago daukatenek ekarpen handiagoa egin behar diote herri ogasuneri. Hori da gure planteamendua.