Azaroaren 20tik, abenduaren 4ra arte Euskaraldia abian egongo da hizkuntza ohitura aldatzeko eta ondorioz euskara “gehiago, gehiagorekin, gehiagotan” erabiltzeko.

Sopelako Ariguneak

Euskaraldian, AHOBIZI edo BELARRIPREST izanik har daiteke parte, baina honez gain aurten herrietan “ARIGUNEAK” egongo dira: Euskaraz lasai aritzeko guneak,  euskaraz hitz egiteko aukera bermatzen duten guneak; eta Sopelan ondorengo egongo dira: Aitor frutadenda; Ander Deuna ikastola; BBVA; Caixabank; Kutxabank; Laboral Kutxa; Laubide Pinturak; Popepon; udaleko hirigintza eta ogasun saila; Udaleko itzultzaileak; udaleko sarrera eta Völker. (argazkian)

Eskuratu zure txapa

Euskaraldiaren txapa oraindik ez baduzu eskuratu, goizez udal euskaltegian har daiteke eta arratsaldez, 18:00etatik Aurrera Kurtzio Kultur Etxean. (W.)

Informazio guztia: Euskaraldia Uribe Kostan

Herritar talde batek elkarretaratzea egin du gaur, azaroak 11, 19:00etan Sopelako anbulatorioaren aurrean osasun publikoaren alde.

Hau bezalako beste elkarretaratze batzuk egin dira Euskal Herriko udalerri askotan, eta Osakidetzako greba-deialdiaren bezperan egin da. Osakidetzako greba deialdi hau sektorean ordezkaritza duten sindikatu guztiek batera egin dute: SATSE (erizainen sindikatua), ELA, LAB, SME (Euskadiko medikuen sindikatua), CCOO, UGT, ESK, SAE (erizaintzako teknikarien sindikatuak) eta UTESE (osasun-teknikarien sindikatu profesionala).

Osasun arloko langileen ordezkari guzti-guztiek aho batez salatu dituzte azken urteetan osasun arloan izandako murrizketak eta osasun publikoaren defentsa aldarrikatzen dute. (W.)

Gaur, azaroak 10, elkarretaratzea egin da Sopelako udaletxearen aurrean, “SOS OSTALARIZTA eta DENDAK” lelopean.

Udalerriko merkatariek eta ostalariek egin dute deialdia, eta salatu dituzte saltokiak igarotzen ari diren krisi-egoera eta horrek maila pertsonalean dituen ondorioak: enplegu-galerak, merkataritza-itxiera, familia aurrera ateratzeko zailtasun ekonomikoak….

Elkarretaratzean ehun lagun inguruk hartu dute parte eta laguntzeko neurriak eskatu dizkiete erakunde guztiei, baita Sopelako Udalari ere. (W.)

Lizar Begoña Madariaga gazte sopeloztarrak sona handiko Donostia Kultura Poesia lehiaketa  irabazi du aurten eta bere lan saritua “Aro beilegia” argitaratu du. Lizar gaztea da, idazlea,  Arte Ederretan lizentziatua, eta solasaldi atsegina izan du sopela.net-ekin. Batez ere  literaturaz eta bere lanaz aritu gara, baina Sopelako kultur biziaz zertzelada batzuk ere eman  dizkigu. Eskerrik asko Lizar eta bene-benetan zorionak!!!

Sopela.net: Aro beilegia “ezagun” bihurtu zaitu, lan saritua izan da, eta hasierako poeman zera diozu:

 Letra hauek besteen artean hartzen duten izaera,  
 Letra hauek eta sukaldetik komunerako airea,  
 Letra hauek idazteko faktoreak,  
 Letra hauek eta, zergatik ez sexuak,  
 Letra hauek autobidetik, jubilatuen autobus batean,  
 Letra hauek okupa (ezin) dezaketena  
 Letra hauek datu basean,  
 Letra hauek batzean; semper fidelis,  
 Letra hauek eta ni.   

“letra hauek” sortzen dira edo sortzen dituzu? Alegia berez, erraz, irteten zaizkizu, bat-batekoak dira zure  poemak, edo lantzen dituzu, behin eta berriro berridazten eta txukuntzen dituzu olerkiak?

Euskaraldia azaroaren 20tik abenduaren 4ra arte egingo da, euskara gehiago, jende gehiagorekin eta egoera gehiagotan erabiltzeko. Euskaraldiaren helburu nagusia herritarren hizkuntza ohiturak aldatzea da euskararen erabilera handitzeko: Euskara gehiago, gehiagorekin, gehiagotan.

Sopela oso euskalduna da, ematen duena baino askoz gehiago

Sopelako Arrigorri joko-aretoak duen azalera erabilgarria bikoiztuko du, gaur egun 108,49 m2-ko azalera du eta 229,16 m2-ra handituko da. Horretarako ondoko lokala erabiliko da, orain arte “MEC MEC” jatetxearena izan dena, une honetan itxita.

Uztailean proiektua geldiarazi zen, urrian onartu da

2020. urtearen hasieran, “Recreativos Uribe Costa SLk” Arrigorri joko-aretoa handitzeko eskaera bana aurkeztu zuen Eusko Jaurlaritzan eta Sopelako Udalean. Uztailaren 30eko osoko bilkuran, handitze hori kautelaz geldiarazi zen EHBilduren mozio bati esker: mozio horren oinarria zen Eusko Jaurlaritzako Segurtasun Saila Jokoen Araudi Orokorra berrikusten ari zela.

Kautelazko etetea onartu zen uztailean, baina orain, urrian, Sopelako Udal Gobernu Taldeak, eskaera berriro aztertu ondoren, “oniritzia” eman dio handitze lanei.

Oier “Erroia” kafetegiaren jabea da, Sopelan erreferentea den kafetegi ezaguna. Osasun egoeragatik ezarritako neurri murritzaileekin Erroia gaizki pasatzen ari da, Sopelako ostalaritza guztia bezala; baina berezitasun batekin: Erroia Sopelako terrazarik gabeko establezimendu bakarra da.

Erroiak terraza bat jarri ahal izateko eskaera egin dio Udalari, baina honek ukatu egin dio. Oierrek, Erroiako arduradunak, sinadura bilketa bati ekin dio eta Sopela.net Oierrekin elkartu da.

Zer kontatu ahal diguzu Erroia tabernaz?.

Hile bakoitzeko azken ostiralean egiten den bezalaxe, bihar, urriak 30, elkarretaratzea egingo da Sopelan, herriko presoak eta iheslariak herriratzeko asmoz.

SARE herri ekimenak bultzaturik, hitzordua 20:00etan izango da udaletxeko plazan, DENOK BATERA, PRESOAK ETXERA! goiburupean.

KALEAK, ETA TABERNAK HUTSIK, PLAZA BETE !