Al final en castellano: La plataforma Hospital de Urduliz: queremos soluciones, no manipulaciones.

27an kontzentrazioa

Irtenbideak nahi ditugu, manipulaziorik ez! goiburupean Urduliz ospitalearen herri-plataformak deia egin du datorren ekainaren 27ko plenora joateko 19:30ean haien desadostasuna adierazteko udal agintarien aurrean eta benetako prozesu parte-hartzaile bat eskatzeko asmoz: herritarrak behar bezala informatuz eta herritarrei erabakitzeko aukera emanez.

Urduliz ospitalearen plataformak Sopelako udalaren jokabidea salatu du

Urduliz ospitalearen herri-plataformak Sopelako udalak izan duen jokabidea salatu du eta ospitalerako bide berriaren inguruan Udal Gobernuak telefonoz egindako inkesta azpijokotzat jo du. Inkesta horren bidez, Plataformaren ustez, Urdulizera doan bide berria egitea justifikatu nahi du udalak galdera nahasiak eta alderdikoiak eginez, trafiko-arazo benetako datuei buruzko informazioa ezkutatuz eta isilaraziz bide horren legaltasunaz dauden zalantzak Udalaren Idazkariak egindako txostenaren arabera.

Plataformako kideen arabera, inkesta honekin gertatutakoa aurretiaz Udal Gobernuak agindutako trafikoaren ikerketaren jarraipena baino ez da. Kasu bietan sopeloztarrei iruzurra egin nahi zaie “Berangoko megapark-era eta ospitalerako bidean gure herria zeharkatuko duten milaka kotxeekin pozik gaudela sinestaraziz eta horrexegatik Urdulizera doan bide berri hori egin behar da Sopelako trafikoa arinagoa izan dadin”

Plataformak argi salatu du, Udal Gobernuak 2016ko martxoko plenoan erabakitakoari muzin egiten diola, Udal Osoko Bilkura horretan Urdulizeko Ospitalak sortutako trafiko arazoari alternatibak aztertzeko beharra ebaitzi baitzen eta horien inguruan prozesu parte-hartzaile bat bultzatzeko hitza eman zen. Hori egin beharrean auzotarren eskariei uko egiten zaie eta diru publikoa erabiliz, manipulazio-kanpaina bat abian jarri du udalak joan den legegintzaldian egindako alternatiben ikerketa tiraderan gordeta mantentzen duten bitartean.

Plataformaren konpromisoak

Publikoa egindako komunikatuan, herriko trafiko arazoak konpontzeko lanean jarraituko duten konpromisoa adierazi dute plataformako kideek: “Sopelak saihesbide bat behar du”  (beste hainbat udalerritan egin duten bezala)” eta egungo Udal Gobernuaren jarrera salatzen jarraitzeko asmoa dute ospitalerako bide horrek gure herriko bizi-kalitatean duen eragina gogor kritikatuz, hain zuzen ere informazio kanpaina bat jarriko dute abian udan ostean mobilizazioak berrindartzeko.

La plataforma “hospital de urduliz”: queremos soluciones, no manipulaciones.

Bajo el lema “QUEREMOS SOLUCIONES, NO MANIPULACIONES” la plataforma “Hospital de Urduliz” ha realizado un llamamiento para acudir al pleno del próximo día 27 a las 19:30 y expresar su malestar exigiendo un verdadero proceso participativo, donde se informe y se dé posibilidad de decidir a la ciudadanía.

La plataforma “Hospital de Urduliz” denuncia la actitud del ayuntamiento de Sopela.

La plataforma “Hospital de Urduliz” ha denunciado públicamente la actitud del ayuntamiento de Sopela y valora que la recogida de opiniones sobre el vial del Hospital encargada por el alcalde de Sopela y su equipo de gobierno es una burda maniobra para justificar la realización de este vial considerado ilegal por la propia Secretaría del Ayuntamiento. En opinión de la plataforma, en dicha encuesta se ha ocultado este hecho y la problemática del aumento del tráfico en Sopela formulando preguntas poco claras, tendenciosas y sin datos completos. Para continuar leyendo pulsar “GEHIAGO IRAKURRI”

10 egun falta dira Sopelako jaiei hasiera emateko eta Jai Batzordeak aurtengo Sopelako eta Larrabasterrako jaien pregolariak jakinarazi du:

Sopelan: emakume kirolariei gorazarre
Sopelako San Pedrotan emakume kirolariek hasiera emango diote jaiari eta pregoai irakurriko dute. Ekitaldi honen bidez, Jai Batzordeak gorazarre egin nahi die emakume kirolariei parekidetasunaren alde egiten duten lan eskergarengatik; hori dela, eta hainbat kirol-talde eta adin guztietako emakume kirolariak biltzen saiatu dira pregoian.

Larrabasterran: Koadrilei protagonismoa
Larrabasterran, aldiz, koadrilek eskuratuko dute protagonismoa eta haien esku egongo da pregoia. Larrabasterrako jaiak biziberritzeko, koadrilen barre algarak ezin bestekoak izango dira.

Jai parekide, euskaldun eta herrikoiak lortzeko Sopelako Jai Batzordearen aldarrikapenak argia dira: “Errespetua gorde; herri-gunea garbi mantendu eta gerta daitezkeen eraso guztiak ozen gaitzetsi”. Jai koloretsu eta dibertigarriak izatea espero du Jai Batzordeak eta urruti dauden lagun guztiei ere hel dakien herriko alaitasuna desio dute.

Jaien egitaraua

Sakatu lotura hau: Hona hemen jaien egitaraua

Uribe Ospitalea plataformak deitua

Sopelako udalak martxan jarritako prozesu parte-hartzailea dela eta, bihar (hilak 14) batzarra egingo du Uribe Ospitalea plataformak. Batzarra Kurtzion Kultur Etxean izango da 19:00etan eta gonbitea egiten zaie interesatu guztiei batzarrean bertaratzeko.

Kurtzion, bihar asteazkena, 19:00etan

Sopela, borrokaren lekukoa

Gaur, ekainak 3, Bizkaiko Egoitzetako eta Eguneko Zentroetako langileek haien borroka ekarri dute Sopelara Bizkaiko Nagusien II Eguna gure herrian ospatu dela baliatuz. Langile hauek urtebete baino gehiago daramate gatazka honetan murgildurik eta 130 egun baino gehiago greban Bizkaiko egoitzetako lan-duintasunaren eta arretaren kalitatearen alde.

Langileon eskakizunak: oinarrizkoak

Langileon aldarrikapenek Bizkaiko Gizarte Ekintzako Foru Diputatua den Isabel Sánchez Roblesen hitzaldia “estali” dute Sopelako udaletxeko plazan, eta berriro ere eskatzen dituzten lau puntu nagusiak gogorarazi dizkiete plazan bildutakoei: 35 orduko lanaldia, eta horrek lan-kargak eta arreta-kalitatea hobetuko ditu; pertsonal gehiago (ratioak hobetu), kontuan hartuz egoitza publikoetan pertsonal bikoitza dagoela, pribatuetan baino; 1.200 euroko soldatara iristea, txandaka eta jai-egunetan lan eginez; eta bajetan estaldura hobetu.

Arazoaren muina: emakumeak izatea

Langileok gatazka honek emakume-aurpegia duela salatu dute behin eta berriro “gure lana, zainketak, gutxi baloratua egotea, eta batzuetan ikusezina ere izatea, ez da txiripa hutsa. Erakundeek aho betean aldarrikatzen dute berdintasuna, parekotasuna, zuzentasuna, kontziliazioa… baina gero, egiaren orduan, demagogia baino ez dela ikusten da”.

Konponbidea Aldundiaren esku

Langileon ustez Bizkaiko Aldundiak du giltza gatazka luze honi amaiera emateko. Bizkaiko Foru Aldundiak Bizkaiko egoitza-plazen %70 baino gehiago finantzatzen du, Diputazioak  jartzen ditu lizitazio-baldintzak, berak markatzen ditu zerbitzua emateko oinarriak, berak -familiekin batera- ordaintzen du zerbitzua, berak -Eusko Jaurlaritzarekin batera- ezartzen ditu pertsonal/erabiltzaile ratioak… beraz “arduragabekeria galanta da Aldundia iheska ibiltzea, horregatik guztiagatik Unai Rementeria da – ahaldun nagusia denez- egoera honen erantzulea, eta exijitzen diogu akordio bat negoziatzeko”.

Aurtengo Bizkaiko Nagusien Eguna Sopelan ospatuko da larunbatean (hilak 3). “Zahartze Aktiboko Programan” sartutako ekintzen artean Nagusiak Elkarteak, parte-hartzea handitzeko eta eskualde desberdinetako adinekoen arteko harremanak eta bizikidetza sustatzeko antolatzen du egun hau.

Aurtengoa, egun honen II. edizioa izango da, (iaz Balmasedan ospatu zen) eta ekintza ugari burutuko dira Sopelan.

Ekintzen egitaraua

10:00etan helduko dira autobusak eta 11:00etan udaletxeko plazan Ohore Aurreskua izango da Sopelako Eguzki Lore taldearen eskutik. Goizean, 14:30 arte, nekazal produktuen erakusketa eta dastatzea… txistulari, trikitilari eta dultzaineroen emanaldiak izango dira… Txu-txu trena… Pailazoak Jauregizar plazan eta izena aurretiaz eman dutenentzat Sopelako kostaldetik bisita gidatua. Bitartean, pilotalekuan, 11:30 -13:30 bitartean, pilota partidak izango dira Sopelako Pilota Eskolaren eskutik: eskuz, pala eta emakumezkoen goma-paleta.

Bakaria 15:00etan izango da Zipiriñe eskolan (Prezioa 15€) eta 17:00etatik aurrera dantzaldia. 20:00etan itxiko da ekitaldia.

Plaza Beltza Kulturguneak egitarau oparoa prestatu du ekainerako Loiola Ander Deuna kaleko 40. atariko lokalean.

Ekainak 1 (osteguna) 19:30ean solasaldia “Politizazioa euskararen irakaskuntzan”

Ekainak 2 (ostirala) 21:00etan kontzertua Joseba B. Lenoir-ekin

Ekainak 8 (osteguna) 19:30ean solasaldia, Etxeko Langileen Elkarteak azalduko du etxeetan beharrean dabiltzan emakumeek pairatzen duten eskubide-urraketak.

Ekainak 9 (ostirala) 22:00etan antzerkia. Bang! lana taularatuko dute.

Ekainak 10 (larunbata) 21:00etan kontzertua Kinto Contenedor eta Kalera-rekin.

Ekainak 16 (ostirala) 21:00etan kontzertua Barre Ikara eta Tritón-ekin.

Ekainak 17 (larunbata) 21:00etan kontzertua Artaza Combat eta Hexen-ekin.

Ekainak 22 (osteguna) 19:00etan solasaldia, Askapenako kideek kontatuko dute zein den gaur egun Kurdistango egoera soziopolitikoa.

Ekainak 24 (larunbata) 22:00etan kontzertua Deceiver-ekin

Hile bakoitzeko azken ostiralean egiten den bezalaxe, gaur, hilak 26, elkarretaratzea egingo da Sopelan, herriko presoak eta iheslariak herriratzeko asmoz.

Hitzordua zortzietan izango da udaletxeko plazan: KALEAK, ETA TABERNAK HUTSIK, PLAZA BETE! goiburuarekin eta oraingoan aipamen berezia egingo zaio Espetxe Zaintzak argitaratutako I-3/2017 instrukzioari, zeinak argi utzi baitu espainiar Gobernuak larri gaixo diren preso politikoekiko duen mina egiteko borontatea

Hona hemen testua hitzez hitz: (amaieran erdaraz)

Espetxe Zaintzak argitaratutako I-3/2017 instrukzioa baliatuta, argi utzi du espainiar Gobernuak larri gaixo diren preso politikoak soilik kaleratuak izango direla beraien bizitza arriskuan dagoenean, eta hau “bizitza arriskuan dagoela agerikoa denean, heriotza aurreikusten den egoera bat denean, bi hilabeteko epe batetik behera eta ziurtasun handia dagoenean” aplikatuko da.

Sopela eta Larrabasterrako Jai Batzordeak antolaturik zelai errea txapelketa jokatuko da Sopelan ekainean zehar. Partidak, igande arratsaldeetan izango dira (11n, 18an eta 25ean) eta 6 lagunez osatuko taldeek izango dute aukera parte hartzeko.

Ekainaren 4 arte egongo da zabalik epea apuntatzeko eta 610 999 117 telefono zenbakian edo wasapean egin daiteke. “Lotu taldea, adostu taldearen izena eta apuntatu” diote Jai Batzordeko kideek.