III. argazki rallya

Ekainaren 26an, larunbata, Uribe Kostako Argazki Elkarteak Sopelako Udalarekin batera antolatutako III. Argazki Rallya egingo da Sopelan.

Rallyari hasiera emango zaio goizeko 08:30etik 10:00etara, eta 13:00etatik 14:30era bitartean egindako argazkiekin amaituko da. Lehiaketaren helburua 5 argazki aurkeztea da, bat gai bakoitzeko eta lehiaketako 5 gaiak izena ematerakoan jakinaraziko dira. Argazkiak kameratik atera diren bezala aurkeztu behar dira, eta ezin da horiekin inolako ediziorik egin.

Informazio gehiago nahi izanez gero, edo lehiaketaren oinarriak deskargatu nahi izanez gero, jo webgune honetara: https://uribekostafotograf.wixsite.com/ukfoto

Uribe Kosta Argazkia

Aurrefabrikatu gehiago, gutxienez bi urterako

Eusko Jaurlaritzak Zipiriñe handitzea proposatu du aurrefabrikatu gehiago jarriz behin-behineko neurri gisa. Gaur egun badaude beste bi aurrefabrikatu, eufemismoa “barrakoia” esateko.

“Aurrefabrikatu” berrien kokapena oraindik erabakitzeke dago, baina Goiene kalean koka litezke patio-eremuari leku gehiago ez murrizteko. Neurri hori gutxienez bi urterako proposatu dute, eta bien bitartean, “matrikulazioak aztertuko dituzte, bigarren eraikina Loroñon egin ala ez erabakitzeko”.

Eusko Jaurlaritzak muzin egin dio Zipiriñeko hezkuntza-komunitateari

“Izadi. Espetxean jaiotako atzera kontaketa” dokumentalaren emanaldia izango da ostiral honetan, ekainak 18, 18:30ean hasita, Kurtzio Kultur Etxean. Ikus-entzunezkoa ikusi ostean, solasaldia egiteko aukera egongo da Joseba Elorriagarekin (Izadi Gurasoekin Etxera plataformaren kidea) eta Rosa Carrillorekin, Izadiren amama.

Dokumentalak Maria Lizarraga eta Iñigo Gutierrez euskal presoak eta haren alaba Izadi pairatzen ari diren egoera azaltzen du; izan ere, Aranjuezeko espetxean bizi da Izadi egun, baina haurrak 3 urte beteko ditu datorren urtarrilean eta espetxetik atera beharko da bere amarengandik urrunduz.

Izadi 2019ko urtarrilean jaio zen eta urte horren amaieran “Izadi gurasoekin etxera” dinamika sortu zuten: dokumentalean Izadiren gurasoen nahiz haien gertuko zenbait pertsonaren testigantzak jasotzen dira.

Abaron 500 etxebizitza eraikitzeko proiektuak aurrera jarraitzen du, baina alegazio asko espero dira behin betiko onarpenaren aurretik.

Auzotarren eta udal oposizioaren alegazioak

Alde batetik, auzotar talde bat sinadurak biltzen ari da, Abaroko gunean hainbat hobekuntza bideratzeko: etxebizitzetara zuzenean sartzeko biribilgune bat eraikitzea; Gobela ibaiaren ubidean konponketak uholdeak saihesteko; oinezkoentzako gunea edo oinezkoei lehentasuna eman institutuaren eremuan; oinezkoentzako eta bizikletentzako 3 pasabide igogailuekin Abaro udalerriko gainerako guneekin lotuz; bidegorria Olabide-Ikastola bidegorriarekin bat egitea; berdegune gehiago eta etxebizitza guztiak BOE izatea.

Bestalde, ildo berean, Udaletxeko oposizio-talde nagusiak ere, EHBilduk, zenbait alegazio aurkeztu zizkion gobernu-taldearen proiektuari (EAJ eta PSE) urrian, behin-behineko onarpenaren unean, eta baten bat onartua izan zen, hala nola Abaro herrigunearekiko lotura arrapala baten bidez. Urrian onartuak izan ez zirenak, berriro ere aurkeztu ditu EHBilduk nabardura berri eta zehatzagoekin: lotura gehiago arrapalen eta igogailuen bidez anbulatorioaren inguruan eta Etxebarri kalean; Enrique Urrutikoetxean aurreikusitako lotura bakarraz gain, beste bat egitea Gobelondo kaletik; Larrabasterra auzoarekin lotura Gatzarriñetik; bidegorria lotu egungo Enrique Urrutikoetxean dagoenarekin; auzoko saltoki txiki berriak sustatu 150m karratuko azalera gainditu gabe; genero-ikuspegia espaloietan, argiztapen-puntuetan, etxabeetan, etab.

22 urteko proiektu arazoduna

EHBilduk hamar urte bete ditu eta urteurrena aprobetxatuz, koalizio soberanistak “hamar urte baino ez” dokumentala egin du. Hiru Damatxo ekoiztetxeak egindako lanak EHBilduren historiako 26 pertsona garrantzitsuri egindako elkarrizketak biltzen ditu.

Dokumentala gaur, ekainak 17 osteguna, 18: 00etan izango da ikusgai Kurtzio Kultur Etxean.

Ostegunean, hilak 10, Joseba Azkarraga eta Aitor Lexartza SAREko kideak Kurtzio Kultur Etxean egongo dira 19:00etan

Josebak Azkarragak  SARE Herritarrak egindakoaz eta helburuei buruzko hausnarketa egingo digu: espetxe politikari buruzko gaur egungo lehentasunak, espetxeen transferentziaren aurrean baliabide, kudeaketa eta Eusko Jaularitzak egiteko aukerei buruz…

IZAN BIDEA, urte bateko dinamika

Urtebete  igaro da pasa den maiatzean Izan Bidea Ibiltarien sarea dinamika aurkeztu zenetik. Tarte honetan, pandemia dela-eta, hilabete gogorrak pasa ditugu guztiok; hala ere, duela gutxi 15.000 lagun Euskal Herriko mendi esanguratsuenen gora jarri dituen ekimen ederra egin da, Sopelan Munarrikolanda igo genuen; eta orain fase berri bati eman behar zaio abiada kale aktibazioa eta presoen etxerako bidea ahalbidetzen jarraitzeko. Aitor Lexartzak aurtengo udako kanpaina aurkeztu eta hemendik urrira bitarte martxan jarriko diren ekimenen berriak plazaratuko ditu. (W.)

Dugun segurtasun ereduak egungo gizarteari erantzuten dio? Askotan ikusten ditugun polizien jokabideak egokiak dira beti? Ezin da ezer zalantzan jarri?

EHBilduk segurtasun ereduaren inguruko jardunaldiak egin ditu zenbait adituekin, Euskal herrikoak eta nazio artekoak; eta hausnarketa horren berri ematera eta horretan sakontzera Julen Arzuaga, EHBilduko legebiltzarkidea, Kurtzio Kultur Etxean izango da gaur, astelehenean, ekainak 7, 18:30ean.

Sopelako udaltzain bi ikertzen ari dira Ernaiko kide baten ustezko atxiloketa irregularragatik

Sopelako Udaltzainek Ernaiko kide bat atxilotu zuten orain hiru hilabete. Atxiloketa hori eta egun horietan udaltzainek gazteei egindako beste identifikazioek ezinegona sortu zuten eta otsailaren 27an kontzentrazioa burutu zen Sopelako polizia-etxearen aurrean.

Atxilotutako gaztea Ernaiko kidea zen, eta erakunde honen arabera, udaltzainek gaztearen zenbait oinarrizko eskubide urratu zituzten atxiloketa unean; hori dela eta, parte hartu zuten agenteen aurkako kereila jarri zuten.

Ernaik jakinarazi du joan den astean, Getxoko Epaitegiak agenteen esku-hartzea ikertzeko zenbait dilijentzia zabaldu dituela. “oso berri garrantzitsua iruditzen zaigu, izan ere, guk hasieratik salatu dugu atxiloketa honen izaera arbitrarioa” baloratu du gazte erakundeak.

Sopela.net-ek sakon informatu zuen une hartan gai honetaz: Elkarretaratzea Sopelako Udaltzaingoaren bulego aurrean; Hauek dira Sopelako udaltzainen trebetasunak?; Ernai Sopelak udaltzaingoen jazarpena salatzen du