Aitxu! euskara taldeak gonbidapen berezia egiten digu. Gure kostaldean gorderik ditugun altxor geologikoak ezagutzeko hitzaldia eta txango bat antolatu dute. Hitzaldia urriaren 23an izango da, Kurtzioko kultur etxe berrian eta 18:30etan hasiera emango diote. Hitzaldia eta gero, urriaren 25ean, igandea, kostaldeko toki esanguratsuak bisitatuko ditugu. Horretarako goizeko 10:30etan, atxabiribileko parkinean elkartuko gara.

Meñakoz kultur elkartearen eskutik, “Itsasoaren alaba” pelikula ikusgai edukiko dugu. Hurrengo urriaren 16an, ostirala, arratsaldeko 19:15etan emanaldiari hasiera emango zaio. Lekua Sopelako Kultur Etxe berrian izango da. Filma ikusi eta gero, zuzendariarekin eta filmaren beste protegonisteekin solasaldia egiteko aukera izango dugu.

 Sinopsia: Haize Goikoetxea Ugartek hogeita sei utrte dauzka. Euskal Herrian jaio zen. Errefuxiatu bikote baten bigarren alaba da eta urte bi bete gabe zituela, GALek Mikel Goikoetxea, “Txapela”,  hil zuen bere aita.

Urte guzti hauetan Haizearentzat sendatu gabeko zauri sakon bat izan da bere aitaren heriotza. Gertaera horrek bere bizitza erabat baldintzatu du, eta gainera, amarekin gaiaz hitz egitea bientzat oso gogorra izan denez beti, gauza gutxi dakizki aitari buruz.

Gaur goizean amets batek itzartu nau, hotzikara batek esnatu nau. Sentzazio gazi-geza dut gorputzean….

Eguraldi ederreko udazkeneko zapatu goiza zen ametsean, ondo lo egin ostean iratzargailurik gabe itzartzen zaren horietakoa. Logelako lehioak zabaldu eta urtaro honetako hegoaizeak aupegiko azala laztandu dit.

Eguna antolatzen hasi naiz, baina honelako egunotan, ba al dago gure herriko kostaldera hurbiltzea baino plan hobeagorik? (Ametsean originala nintzenik ez dut esan.

Jantzi, Hartza, nire txakurra, hartu eta haizeak bultzatuta hondartzarantz abiatu gara. Herria zeharkatzean, besapean ogia edota egunkaria zeramaten hainbat ezagun agurtu ditut. Betiko tabernan kafesnea tortila pintxoaz gosaldu eta tipi-tapa abiatu gara.

{youtube}GTrfP-fext0{/youtube}

{youtube}FxlQl_16wfM{/youtube}

Urte batzuk pasatu dira Sopelako Koadrilen Eguna ospatu barik. Aurten ospakizun hori berreskuratu dute eta arrakasta erabatekoa izan zen.

Goizeko poteoa, herri bazkaria eta koadrilen arteko txapelketak egunaren ospakizun nagusiak izan ziren. Arratsaldez ORKESTA taldeak izugarrizko giro alaia piztu zuen eta goizaldeko ordu txikiak arte luzatu zuten.

 Eguraldia lagun eduki zuten eta hurrengo urtean errepikatzeko beharra, parte hartu zuten gazte guztien ahoan ibili zen. Horrela gerta dadin animatzen ditugu. Sopelako koadrilak aurrera!

Korrika 16 Sopelatik igaro zen eta euskararen aldeko mezua zabaldu zen gure herrian. Hemen duzue bideoa.

Osteguna 16tik aurrera eta 19a arte Larrabasterrako jaiak martxan jarriko dira. Urtero legez, Tabernariek, Txosnek eta herriko zein kanpoko bisitariek giro alaiari ongi etorri emango diote.

Aurten Udalak prestatu duen egitarauan umeentzako jolasak, batukada, Marmitako Txapelketa Urkon eta kale antzerkia topa ditzakegu. Aipamen berezia merezi du GATIBU taldeak, larunbata 18an gaueko 23etan eskainiko duen kontzertua.