Sopelako udaltzain bi ikertzen ari dira Ernaiko kide baten ustezko atxiloketa irregularragatik

Sopelako Udaltzainek Ernaiko kide bat atxilotu zuten orain hiru hilabete. Atxiloketa hori eta egun horietan udaltzainek gazteei egindako beste identifikazioek ezinegona sortu zuten eta otsailaren 27an kontzentrazioa burutu zen Sopelako polizia-etxearen aurrean.

Atxilotutako gaztea Ernaiko kidea zen, eta erakunde honen arabera, udaltzainek gaztearen zenbait oinarrizko eskubide urratu zituzten atxiloketa unean; hori dela eta, parte hartu zuten agenteen aurkako kereila jarri zuten.

Ernaik jakinarazi du joan den astean, Getxoko Epaitegiak agenteen esku-hartzea ikertzeko zenbait dilijentzia zabaldu dituela. “oso berri garrantzitsua iruditzen zaigu, izan ere, guk hasieratik salatu dugu atxiloketa honen izaera arbitrarioa” baloratu du gazte erakundeak.

Sopela.net-ek sakon informatu zuen une hartan gai honetaz: Elkarretaratzea Sopelako Udaltzaingoaren bulego aurrean; Hauek dira Sopelako udaltzainen trebetasunak?; Ernai Sopelak udaltzaingoen jazarpena salatzen du

Uribe Kostako Mankomunitatea: garrantzi handiko erakunde ezezaguna

Uribe Kostako Mankomunitateak ia 3 milioi euro gestionatzen ditu Barrika, Berango, Gorliz, Lemoiz, Plentzia, Sopela eta Urduliz udalerrietan zenbait zerbitzu era komunean kudeatzeko: gizarte ongizatea (AES Ayudas de Emergencia Social…), hondakin batzuen bilketa, drogamenpekotasunaren prebentzioa, euskara zerbitzua, emakumeen berdintasuna, ingurugiroa… 

Uribe Kostako Mankomunitatean PNVk beste partidu guztiak baztertu ditu

Gaur, hilak 30, Sopelako udaletxean izandako Udal Osoko Bilkuran, alderdi guztiek aho batez haien kexa eta haserrea helarazi diote Bilbao-Bizkaia Ur Partzuergoari apirilaren 11n eta 12an izandako ur egoera kaxkarrengatik eta bizi lagunei ez abisatzeagatik.

EHBilduk mozioa aurkeztu du, eta alderdi guztiek haien ekarpenak egin dituzte testuak guztion adostasuna lortuz.

GARA egunkariari egiten ari zaion espoliazioaz aritzeko, eta batez ere “etorkizunera begira” hartu beharreko jokaeraz aritzeko, solasaldia izango da ostegun honetan, hilak 4, Sopelako Kurtzio Kultur Etxean 18:45ean. Hizlaria Iker Bizkarguenaga, Gara egunkariko kazetaria, izango da.

GARA egunkariak jasotako kolpea “espoliazioa” da: Gara-k 3 milioi eurotik gora ordaindu beharko ditu ‘Egin’en zorra kitatzeko.

Sopelako bizilagun talde batek sinadura bilketa jarri du abian sare sozialen bidez (change.org) udalak herriko nerabeei, 12 urtetik gorakoei, aukera eta egoitza egokiak eskain diezazkien.

Ekimen honen bultzatzaileen ustez Sopelak gaur egun dituen azpiegiturak urriak dira oso: gela txiki bat Kurtzio Kultur Etxean besterik ez; eta gainera, Zipiriñeko patioko argiak 19:00etan kentzen dituzte, leku arriskutsu bihurtuz. Baldintza hauetan gazteak alderrai ibiltzen dira eta beste udalerri batzuetara joan behar dute.

Sinadura bilketa abian jarri dutenek gazteengan inbertitu behar dela uste dute eta deia egiten diete alderdi politikoei gai hau seriotasunez har dezaten eta atzerapenik gabe gazteentzat plan zehatza gauzatu dezaten.

Gaur goizean, azaroak 9, EHBilduko Uribe Kostako hainbat zinegotzik eta Bizkaiko Foru Aldundiko batzarkidek haien iritzia plazaratu dute Berangon eraikitzen ari diren Megaparkaren aurka.

Agerraldia Berangon izan da eta hona hemen mahairatu duten testua:

Gaur goizean Uribe Kostako EH Bilduko zinegotziok haien erabateko desadostasuna azaldu dute Berangoko Megaparka eraikitzeko erabakiarekin.

Makroproiektu honen atzean daudenek Uribe Kostako herrien bizitza hipotekatuko dute; bizitza sozial eta kulturala desagerraraziz. Herriko merkataritza eta horrekin batera, herrien bizitza desagertzera kondenatuz. Hala, gogor salatu dugu ezarri nahi diguten herri eredua; bizitzarik gabekoa, giro sozial eta kulturalik gabekoa.

Gure herri eta hiriak lo egiteko herri soil bilakatu nahi dituzte; inolako mugimendu eta bizirik gabe. Eta gu ez gaude prest hori onartzeko.

Berangoko Udal gobernua da, EAJ, alderdi popularraren laguntzarekin, eredu hori bultzatu eta ahalbidetu duena. Ez daukagu inolako zalantzarik; Berangoko udal gobernua da Berango zein beste eskualdeko herriak hiltzera kondenatu dituena.

Horren aurrean, EH Bilduk argi eta garbi merkataritza txikia zein ertainaren aldeko apustu garbia egin izan du, IRAKURTZEN JARRAITZEKO SAKATU GEHIAGO IRAKURRI

Bihar Sopelako Udaletxe plazan eraso sexisten aurkako kontzentrazioa egingo da, arratsaldeko 20.00etan.

Sopelan gertatutako erasoaren inguruko informazioa:

Astelehen goizean, Ertzaintza Sopelan gertatutako ustezko sexu eraso bat ikertzen ari zelako berria zabaldu zen komunikabideetan.

Gertakaria zapatu goizean gertatu zen. Goizeko zortzirak aldera, Arriaterako hondartzako aparkalekuan zeuden gazte batzuek emakume bat urrunetik noraezean ikusi eta zeozer arraroa somatuta, La Triangu tabernara joatea erabaki zuten, Ertzaintzari deitu eta informatzeko (ezin izan zuten momentuan bertan deitu ez zeramatelako telefonorik). Komunikabide batzuek adierazi dutenez, hau gertatzen ari zen bitartean inguruko auzokide batek emakumea aurkitu eta beragaz berba egin ostean, honek ere Ertzaintzari deitu zion.

Momentuan bertan emakumea Gurutzetako ospitalera eraman zuten eta gertatutakoa ikertzen hasi ziren, baina ez zuen salaketarik jarri. Astelehen arratsaldean emakumea polizia etxera salaketa jartzera joan deneko zurrumurruak entzun dira komunikabideetan, baina oraingoz ez Segurtasun Sailak, ez Sopelako Udalak, ezta bestelako erakunde ofizialek ez du horrelakorik baieztatu.

Frackingaren aurkako gaitzespen soziala erakusten jarraitu nahian, giza-katea antolatu dute BIHAR Plentzian. Horretarako, 15:30etan Arkoteko ranpan elkarretaratzea egin dute.

Horretaz gain, egun osoko egitarau ikaragarria prestatu dute:
12:00 Poteo musikatua eskabetxeria
14:00 Herri bazkaria Danontzat Gaztetxean
15:30 Arkoteko ranpan olatu-hormara joateko
16:00 Giza katea olatu-horman
18:30 DJ (Reggae/Ska) Danontzat Gaztetxean

Frackingaren aurka gaude eta egongo gara!
ANIMATU ETA PARTE-HARTU!