Sopela.net astiroago ibiliko da uztailean eta abuztuan. Alde batetik, herrian sortzen diren albisteak murrizten dira uda garaian eta bestetik Sopela.net-ek ere “oporrak” hartzen ditu.
Dena dela, albisteak murrizteak eta oporretan egoteak ez du esan nahi “deskonektatzea”, beraz Sopela.net adi egongo da eta suertatuko den guztia web orrian islatuko da.
Ospitalerako sarbidea: “Irtenbideak nahi ditugu, manipulaziorik ez!”
Urduliz Ospitalearen Herri-plataformaren deiari erantzunik, auzotar talde handi batek elkarretaratzea egin du gaur, hilak 27, Sopelako udaletxeko plazan “Irtenbideak nahi ditugu, manipulaziorik ez!” goiburu pean. Elkarretaratzea 19:00etan izan da eta 19:30ean Udal Osoko Bilkurara igo dira hainbat bizilagun udal agintarien aurrean ospitaleraino egin nahi duten errepidearen aurkako jarrera eta desadostasuna adierazteko.
Udal Gobernu taldeak egiteko asmoa duen Olabide – Osteiko – Ospitalea loturak ondorioak larriak eta atzeraezinezkoak ekarriko ditu sopeloztarron bizi kalitatean herri-plataformaren kideen ustez. Bertaratutakoek, gainera, Sopelak duen saihesbide baten beharra aldarrikatu dute eta Udal Gobernu taldeak egoera konpontzeko duen borondate eza salatu dute.
Inkesta, berdin manipulazioa
Honekin batera, bai udaletxeko plazan, bai pleno aretoan, argi adierazi da Sopelako udalak ospitalerainoko bide berriaren inguruan telefonoz egindako inkesta eta galdetegia azpijokoa izan dela. Inkesta horren bidez Urdulizera doan bide berria egitea justifikatu nahi izan du udalak eta horretarako “galdera nahasiak eta alderdikoiak egin ditu, trafikoaren benetako datuei buruzko informazioa ezkutatuz, bide horren legaltasunaz dauden zalantzak isilaraziz eta dauden bestelako bide aukerak desagerraraziz ”.
Atzo istripua Olabiden
Aurreikuspenik txarrenak atzo bete ziren, Olabide kalean auto batek bizilagun bat harrapatu zuen eta gaurko elkarretaratzean eta plenoan izandako adierazpenetan kasu hau aipatu da, nahiz eta alkateak “ohiko istripu estatistikan” sartzeko ahalegina egin.
Al final en castellano: La plataforma Hospital de Urduliz: queremos soluciones, no manipulaciones.
27an kontzentrazioa
Irtenbideak nahi ditugu, manipulaziorik ez! goiburupean Urduliz ospitalearen herri-plataformak deia egin du datorren ekainaren 27ko plenora joateko 19:30ean haien desadostasuna adierazteko udal agintarien aurrean eta benetako prozesu parte-hartzaile bat eskatzeko asmoz: herritarrak behar bezala informatuz eta herritarrei erabakitzeko aukera emanez.
Urduliz ospitalearen plataformak Sopelako udalaren jokabidea salatu du
Urduliz ospitalearen herri-plataformak Sopelako udalak izan duen jokabidea salatu du eta ospitalerako bide berriaren inguruan Udal Gobernuak telefonoz egindako inkesta azpijokotzat jo du. Inkesta horren bidez, Plataformaren ustez, Urdulizera doan bide berria egitea justifikatu nahi du udalak galdera nahasiak eta alderdikoiak eginez, trafiko-arazo benetako datuei buruzko informazioa ezkutatuz eta isilaraziz bide horren legaltasunaz dauden zalantzak Udalaren Idazkariak egindako txostenaren arabera.
Plataformako kideen arabera, inkesta honekin gertatutakoa aurretiaz Udal Gobernuak agindutako trafikoaren ikerketaren jarraipena baino ez da. Kasu bietan sopeloztarrei iruzurra egin nahi zaie “Berangoko megapark-era eta ospitalerako bidean gure herria zeharkatuko duten milaka kotxeekin pozik gaudela sinestaraziz eta horrexegatik Urdulizera doan bide berri hori egin behar da Sopelako trafikoa arinagoa izan dadin”
Plataformak argi salatu du, Udal Gobernuak 2016ko martxoko plenoan erabakitakoari muzin egiten diola, Udal Osoko Bilkura horretan Urdulizeko Ospitalak sortutako trafiko arazoari alternatibak aztertzeko beharra ebaitzi baitzen eta horien inguruan prozesu parte-hartzaile bat bultzatzeko hitza eman zen. Hori egin beharrean auzotarren eskariei uko egiten zaie eta diru publikoa erabiliz, manipulazio-kanpaina bat abian jarri du udalak joan den legegintzaldian egindako alternatiben ikerketa tiraderan gordeta mantentzen duten bitartean.
Plataformaren konpromisoak
Publikoa egindako komunikatuan, herriko trafiko arazoak konpontzeko lanean jarraituko duten konpromisoa adierazi dute plataformako kideek: “Sopelak saihesbide bat behar du” (beste hainbat udalerritan egin duten bezala)” eta egungo Udal Gobernuaren jarrera salatzen jarraitzeko asmoa dute ospitalerako bide horrek gure herriko bizi-kalitatean duen eragina gogor kritikatuz, hain zuzen ere informazio kanpaina bat jarriko dute abian udan ostean mobilizazioak berrindartzeko.
La plataforma “hospital de urduliz”: queremos soluciones, no manipulaciones.
Bajo el lema “QUEREMOS SOLUCIONES, NO MANIPULACIONES” la plataforma “Hospital de Urduliz” ha realizado un llamamiento para acudir al pleno del próximo día 27 a las 19:30 y expresar su malestar exigiendo un verdadero proceso participativo, donde se informe y se dé posibilidad de decidir a la ciudadanía.
La plataforma “Hospital de Urduliz” denuncia la actitud del ayuntamiento de Sopela.
La plataforma “Hospital de Urduliz” ha denunciado públicamente la actitud del ayuntamiento de Sopela y valora que la recogida de opiniones sobre el vial del Hospital encargada por el alcalde de Sopela y su equipo de gobierno es una burda maniobra para justificar la realización de este vial considerado ilegal por la propia Secretaría del Ayuntamiento. En opinión de la plataforma, en dicha encuesta se ha ocultado este hecho y la problemática del aumento del tráfico en Sopela formulando preguntas poco claras, tendenciosas y sin datos completos. Para continuar leyendo pulsar “GEHIAGO IRAKURRI”
Sopela.net agerkari digitalak bere helburu xumea betetzen jarraitzen du. 2016an hilero 2500 bisita inguruan gabiltza:
***Urtarrilean: 2660 bisita
***Otsailean: 2586 bisita
***Martxoan 2330 bisita
***Apirilean: 2611 bisita
Honez gain Facebookean 188 “Atsegin” ditugu eta Twitterren 502 jarraitzale.
Hemen duzue Sopela.net-en aurkezpena (AMAIERAN ERDARAZ)
Sopelan herri mugimendu asko daude, herri ekimenak, instituzioetatik haragoko bestelako errealitateak eta hori guztia islatu nahi dugu. Gehienetan, herrietako gertakari “xume” horiek, eguneroko gertaera eta informazio “txiki” horiek, ez dute inolako islarik komunikabide handietan. Hor dago “Sopela.net”: tarte hori eskaintzeko, gure artean ezkutuan dagoen errealitatea kontatzea da gure nahia.
Gure herrian, gauza asko gertatzen dira: batzuk txalotzeko, beste batzuk salatzeko, hainbat gainditzeko eta beste hainbat miresteko. “Sopela.net” geroari begiratzeko leihoa da, eta hedabide nagusienetan tokirik ez duen errealitatearekin bat egiteko geltokia da. Leiho apala, baina eskuragarria sopeloztarrontzat.
Eta zintzoak izan nahi dugu: informazioa interpretatu egiten da, eta “Sopela net”-ek argi eta garbi definitzen du bere burua komunikabide aurrerakoi, herritarra, ezkertiarra, gaztea, feminista eta abertzale bezala.
Zure ekimenarekin eta ilusioarekin leiho honetatik begiratzeko gonbidapena egiten dizugu.
“Sopela.net” es un medio de comunicación humilde, pero con un claro objetivo: informar y reflexionar sobre Sopela; dar un servicio a todos y todas las vecinas de Sopela y ofrecerles un espacio para que puedan publicar sus artículos, opiniones y aportaciones.
Sopela.net-ek 2733 sarrera izan ditu azaroan, datu pozgarria agerkari xume eta herri mailako batentzat.
Sopela.net-ek bestelako Sopela islatu nahi du, komunikabide ofizialetan agertzen ez diren herri mugimendu, gertaera, ekintza etab. Sopela.net-ek zintzoa ere izan nahi du: informazioa eman, baina informazioa interpretatu egiten da, eta “Sopela net”-ek argi eta garbi definitzen du bere burua komunikabide aurrerakoi, herritarra, ezkertiarra, gaztea, feminista eta abertzale bezala.
Eskerrik asko sopela.net jarraitzeagatik, eta nahi izan ezkero facebook-en eta twitterren gauzkazue. Gainera prest dugu telegram kanal bat sopela.net-en albisteak jarraitzeko
Euskaltegi: medidas urgentes (Al final en erderaz)
Azken hilabeteetan, Sopelako Udal Euskaltegiaren inguruko hainbat kexa jaso ditugu, ikasle zein ikasle ohien aldetik. Kexa horiek Euskaltegiaren egoera larriaz ohartarazi gaituzte.
Euskaltegian ikasle izandako norbait ezagutzen dugun guztiok ondo dakigu bertan dauden arazo eta irregulartasunak. Gaia larria da. Arazo guzti horiek ikasle asko beste euskaltegi batzuetan matrikulatzera bultzatzen ditu.
Arazo askori buruz ohartarazi gaituzte, baina horietatik guztietatik larrienak, EH Bilduren ustez, ikastaroak hasi eta bukatzeko epeak dira. Beste euskaltegi batzuekin alderatuta, epe oso laburrekin. Horrek zailtasun asko sortarazten die ikasleei, azterketa ofizialak prestatze aldera. Zailtasun are larriagoak seme-alabak dituzten ikasleentzat, umeen udako oporrekin bukatzen baitituzte ikastaro horiek. Oso ohikoa da ere irakasle batzuen kontratazioa hilabeteko atzerapenarekin bideratzea, behin ikastaroa hasita. Kasu horietan gela desberdinak batu egiten dira, ikasgelak masifikatuz eta ikasleen artean ezinegona sortuz. Beste irregulartasun bat IVAP/HAEE-ko ikasleei materialarengatik kobratzen zaien 100,00€-ko gainkostua, nahiz eta matrikula osoa eta ikastaroaren kostu guztiak diruz lagunduta dauzkaten. Eta bukatzeko, badira hainbat ikasle euskaltegiko administrazio langileekin arazoak izan dituztenak, tratu desegokiak jaso dituztenak eta akademikoak ez diren arrazoiengatik maila edo kurtso aldaketak izan dituztenak.
EH Bilduren asmoa Euskaltegiko zerbitzuak hobetzea da, eta horrela ikasle kopurua mantendu eta handitu. Helburua, Euskaltegiko langile gehienek egindako lan izugarria kaltetua izan ez dadin, kudeaketa oker batengatik. Horregatik, EH Bilduk beharrezkoa ikusten du Udal Gobernuak ahalik eta azkarren erantzun zehatz bat ematea aipatutako arazoei. Egoera hori ez da berria, aurreko ikasturteetan ere eman da. Jakin badakigu Udal Gobernuak egoera horren berri baduela. Hartu beharreko neurriek erabatekoak izan behar dute. EH Bilduren ustez, Euskaltegiko zuzendaritzan eta administrazioan aldaketa bat eman behar da eta horrez gain, bitartekoak jarri behar dira Udalak Euskaltegiaren kudeaketa kontrola dezan. Azkenik, ikasleen asebetetzea neurtuko lukeen inkesta bat bideratzea nahiko genuke, gerta daitezkeen arazoak identifikatu eta aurre egiteko aukera emango ligukena. Are gehiago, talde edo kurtsoen ordezkariez osatutako egitura edo organu bat sortzea ere planteatzen dugu, ikasleen proposamenak, iradokizunak eta abar jaso ahal izateko eta horiek guztiak Euskaltegiko zuzendaritzari bidaltzeko.
Sopela.net astiroago ibiliko da uztailean eta abuztuan. Alde batetik, herrian sortzen diren albisteak murrizten dira uda garaian eta bestetik Sopela.net-ek ere “oporrak” hartzen ditu.
Dena dela, albisteak murrizteak eta oporretan egoteak ez du esan nahi “deskonektatzea”, beraz Sopela.net adi egongo da eta suertatuko den guztia web orrian islatuko da.
