Sopelako Turismo Zerbitzuak, bisita gidatuen egitarauarekin aurrera jarraitzen du, oraingo honetan inguruko itsaslabarretara joango da abuztuaren eta irailaren hainbat asteburutan.

Aurrekoan hauen moduko bisitaldiak egin ziren Sopela inguruetan gelditzen diren Burdin Gerrikoaren hondarretara eta izandako arrakasta aintzat hartuz, oraingo honetan herriko kostaldeko marearteko zabalgunea eta labarretako geruza, flysch berezitasunarekin e.a. ikusteko aukera egongo da.

Bisita hauek plaza mugatuak izango dituzte, beraz, interesatuek aldez aurretik izena eman beharko dute turismo bulegoan eta prezioa hiru eurokoa izango da.

Gaur arratsaldez BILDU SOPELAk bere bigarren Batzarra Irekia burutu du. Udaletxeko Plazan 200 auzokide elkartu dira eta Alkatesaren zein beste zinegotzien azalpenak jarraitu dituzte.

Azken egunetan BILDU SOPELA osatzen ari den sarekideen artean, informazio buletin bat banatu du eta geroago etxe guztietan aldizkari bat buzoneatu du, Udala martxan ipintzeko gainontzeko alderdiei luzatu dien proposamena ezagutarazten.

Batzarran azalpen hauek emateaz gain, BILDU SOPELAk auzokideen parte hartzea bermatzeko eta aktibatzeko pentsatu duen oinarrizko egitura eta bideak aurkeztu ditu. BILDUren asmoa sare herritarra suspertzea da. Udal Gobernutik hasi eta herrian arlo ezberdinetan mugitzen diren pertsonekin eta eragilekin amaituz. Galderak eta ekarpenak egon dira. Eredu parte hartzaile honi hasiera emateko, aurreko batzarrean egin zuten bezala, honetan ere datu bilketa egiteko paperak banatu dituzte. Helbideak, telefonoak eta helbide elektronikoak jaso dituzte informazioak eta deialdiak zabaltzeko asmoarekin.

Hainbat izan dira txosna batzordeak Sopelako jaietan zehar antolatutako ekimenak ( txosna apainketa, V.eskupilota txapelketa, herri bazkaria, ska dantzaldia, …) eta eskertzekoa izan da Sopelako kuadrilak bertan parte hartzeko jarri duten gogoa. Beraz, Sopela eta Larrabasterrako Txosna Batzordeak pozik dago jaitan bizi izan den giro paregabearekin.

Azken urteotan bezalaxe txosna apaingarriena Gazte Asanblada Sopeloztarrak irabazi du “belar txarrak mozten” leloarekin.

V. eskupilota txapelketan aldiz, pasadan urteko irabazleek finalean galdu zuten, aurtengo irabazle berrien kontra, Josu eta Lander.

Bederatzi tortila aurkeztu ziren barikuan ospatutako patata tortila txapelketan eta denek itxura ezin hobea zuten arren epaileen iritziz Txaloka kuadrila eginikoa gozoena izan zen.

Larunbateko herri bazkarian 82 lagun bildu ziren. Aurten herrian sortutako kontsumo taldeak sukaldatu zuen, inguruko baserrietan hasitako elikagai ekologikoekin.

Atsedenaldirako denbora barik Txosna Batzordea Larrabasterrako jaien prestakuntzan dabil, jai herrikoi eta parte hartzaile batzuen alde.  

Argazki batzuk ikusteko sakatu hemen

BILDU SOPELAk bigarren Batzarra Irekia deitu du. Uztailaren 8an Batzarra Udaletxeko plazan eta arratsaldeko 19:30etan ospatuko dute. BILDU SOPELAK alkatetza lortu duenetik herritarren informazioa eta parte hartzea etengabe landuko duela iragarri zuen. Dagoeneko informazio buletina banatu du eta aldizkari bat ere buzoneatu du martxan jarri dituen azken proposamenak aurkezteko. Ostiraleko Batzarrean informazio horretan sakonduko dute eta dauden azken berriak konpartituko dituzte.

Ostiraleko Batzarrak hiru puntu izango ditu:

1.- Udala osatzeko alderdiei aurkeztu dien batzordeen eta liberazioen inguruko porposamena.

2.- Herri sarea osatzeko landu duen proposamena. Sare honekin udal kudeaketa ahalik eta era parte hartzaileen egiteko asmoa dute.

3.- Irailatik aurrera landu beharreko ildoak, aurrekontuak eta parte hartzea gauzatzeko bestelako proposamenak.

Duela hilabete bat lehenengo Batzarra Irekia deitu zuten eta erabat arrakastatsua suertatu zen. Bertan 300 bat auzokideak egon ziren eta BILDUren sarea osatzeko lehenengo datuak bildu zituzten. Bigarren batzar honetan ere emailak eta bestelako helbideak jasotzeko paperak banatuko dira. Hona hemen azken Batzarraren irudi bat.

Pasa den larunbatetik BILDUk alkatetzaren ardura bere gain hartu du. Lehenengo urratsak ematen ari dira eta daogeneko Alkatesak bere lehenengo funtzioak bete ditu.

Hau horrela izanda BILDU Sopelak hurrengo osoko bilkura prestatzeko lanketa burutzen ari da. Osoko bilkura horretan Udal Batzordeen inguruko antolaketa eta beste neurri zehatzen inguruko erabakiak hartu behar dira. Lehenengo unetik, adierazi zuten moduan, gainontzeko talde politikoekin harremanak landuko dituzte Udalaren martxa aurrera eramateko eta abian dagoen aldaketari bultzada emateko.

Bide horretan, auzokide guztiei mezua helarazi die eta datozen asteetan berriro informazioa eta ekimen baten inguruko deialdia egingo die. Egun hauetan herriko atarietan orriak ipini dituzte lehenengo urratsen oinarriak zeintzuk izango diren iragartzen. Hona hemen, BILDU Sopelak atarietan zabaldu duen mezua.

Auzokide guztiei

{youtube}DIdTXjQ1y2k{/youtube}

Hona hemen gaur goizean Sopelako Udalean ospatu duten inbestidura saioaren bideo laburpena. Aurreko berrian komentatu dugunez, BILDUren zerrendaburua den Saioa Villanuevak alkatetza lortu du.

Goizeko 9:00etan Sopelako Udalean inbestidurarako osoko bilkura ospatu dute eta zalantza guztiak argitu dira. PSEk bere buruari bozka eman dio eta PNVk PPren botuarekin ez du nahikorik izan alkatetza mantentzeko.

Gauzak horrela BILDU Sopelaren Saioa Villanueva Zarandona Sopelako lehenengo Alkatesa izendatu dute, azken hauteskundetan BILDUk bozka gehien lortu zituelako. Poza, emozioa eta ardurari aurre egiteko ilusioa Sopelako Udaletxeko Plazan egon diren sentipen nagusiak izan dira.

Alkatesak aldaketa martxan ipintzeko eta Sopeloztar guztien partehartze benetakoa bermatzeko urratsak emango dituztela esan du. Tentuz eta ausardiaz lan egingo dutela argitu du. Baina gehien errepikatu duten ideia hau izan da: “Herritar guztion protagonismoa etengabe landuko dugu. Inola ere ez inoren kontra, baizik eta sentsibilitate aurrerakoi eta herritar guztiak kontutan hartzeko borondate irmoarekin.” Goizean zehar osoko bilkuraren bideoa argitaratuko dugu. Hona hemen BILDU Sopelaren zinegotzi eta Alkatesa berriak.

Gaur arratsaldez BILDU Sopelak bere lehenengo batzarra irekia deitu du eta erabat arrakastatsua izan da. 300 auzokide inguru Udaletxeko Plazan bildu dira. Megafonia, aulkiak borobilean ipinita, aktak hartzeko mahaia eta ordenagailua, sarea osatzeko datu bilketa, mikrofono inalanbrikoa jende guztiak hitza har dezan eta ikusmin handia.

Borobilaren buruan hautatu berri izan diren zazpi zinegotziak jarri dira eta batzarrari hasiera eman diote. Azken hauteskundetan lortutako emaitzei errepasoa egin eta gero balorazio arina egin dute. Hau egin ostean, Alkatetza lortzeari begira haien prestutasun osoa adierazi dute.

Azken egun hauetan egindako kontaktuen berri eman dute. EB, Aralar eta Berdeak alderdiekin egon direla azaldu dute eta hiru indar hauek lortutako 700 botuak aldaketaren aldekoak direla argi uzti dute. Sopelako hiru alderdi hauek alkatetzari eta aldaketari buruzko adierazpen bateratu bat lantzen ari direla informatu dute. Batzarra irekian alderdi hauen ordezkariak ere egon dira.

Hau esanda, Sopelako alkatetzarako hautagaia den Saioa Villanuevak datozen egunetan iniziatiba politikoa mantentzeko prestatu duten proposamenaren inguruan azalpenak eman ditu. BILDU Sopelak PNVri enplazamendu argi eta sendo bat egingo dio aldaketaren alde egin dezan, norabide horretan konpromisoak har ditzan eta horrela eginez gero aldaketaren aldeko gobernu konpartitu bat osatzeko. Gobernu horren lidergoa BILDUk edukiko luke eta herritarren parte hartzean oinarrituta egongo litzateke. Logika horrekin, PNVri bere hautagaia ez aurkezteko eskatuko diote.

Gobernu akordio horretara heltzeko onartu beharko lituzketen eta negoziaezinak izango diren puntuen artean BILDU Sopelak hauek kokatu ditu: