Patricia Alonso Elkarrekin-Podemoseko balizko zinegotziaren egoerak ezustekoak ematen jarraitzen du.

Atzoko (ekainak 30) Osoko Bilkuran aztertu behar zen haren liberazioa; izan ere, gai-zerrendaren barruan zegoen auzia, baina Osoko Bilkuran bertan Patriciak gaia gai-zerrendatik ateratzea eskatu zuen, “jaso dituen presio eta kritikengatik”, eta alderdi guztiek onartu zuten eskaera hau.

EAJ eta PSE balizko transfugaren liberazioaren alde agertu ziren Batzordean

Azken unean atal hau gai-zerrendatik kendu bada ere, ekainaren 23an egindako Osoko Bilkuraren aurreko Udal Administrazio Batzordean EAJ eta PSE alderdiek Patricia Alonsoren % 60ko liberazioa 28.000 euroko soldatarekin babestu eta BAI bozkatu zuten. Horregatik zihoan gaia Plenora.

Elkarrekin-Podemosen transfuga

Sopelan, Elkarrekin-Podemosek bi zinegotzi ditu, ala zituen? Patricia Alonso eta Eder Garcia. Ederrek argi eta garbi gaitzetsi zituen bere kidearen ekintzak, “justifikaezinak eta inolako oinarririk gabeak”. Elkarrekin-Podemosen ustez, Patriciarena “ordezkatzen duen koalizioari bizkarra emanda hartutako erabaki pertsonala da eta jarrera horren aurkako gaitzespen irmoa” adierazi zuen, eta Osoko Bilkuran liberazioa onartuz gero, “erabaki horren aurkako neurriak eskatuko zituela Transfugismoaren aurkako Itunean ezarritakoari jarraituz”.

Presio mediatikoa, gaia bertan behera uzteko

Gertakariak azkartu egin dira: Sopelako Gobernu taldeak Elkarrekin-Podemoseko zinegotzia liberatzea proposatu du urtean 28.000 euroko soldatarekin. Zinegotzi honek Sopelako kirol instalazioen 15 urterako lizitazioa gehi 5 urteko luzapena ahalbidetu zuen.

Maiatzaren 27ko plenoan Sopelako Gobernu Taldeak (EAJ eta PSE, 8 zinegotzi) kirol instalazioen 15 urterako lizitazioa gehi 5 urteko luzapena auzkeztu zuen; baina proposama ez zela onartua izango ematen zuen gainerako talde guztiak (EHBildu, Elkarrekin Podemos eta DB-TU, 9 zinegotzi) kontzesio honen aurka baitzeuden. Kasualitatez bozketaren unean Patricia Alonso Elkarrekin-Podemoseko zinegotziak “arazo teknikoak izan zituen eta konexio telematikoa galdu zuen”. Egoera horretan, oposizioko alderdiek bozketa atzeratzea proposatu zuten eragozpen horiek konpondu arte. Gobernu taldeak, aldiz, bozketari eutsi zion eta zinegotzi baten faltaz baliatu zen puntua aurrera ateratzeko alkatearen kalitatezko botoaren bidez.

Lehen susmo txarrak

“Konexio telematikoaren akats” honek susmoak piztu zituen oposizioko talde guztiek osoko bilkura hori inpugnatzea erabaki zutenean “baliogabetzat jotzea eskatuz, Udaleko Osoko Bilkurako zinegotziek politikan parte hartzeko eta botoa askatasun osoz emateko duten eskubidea urratzeagatik” eta Patricia Alonso zinegotziak, boto eskubidea galdu zuenak, uko egin zionean inpugnazio hori sinatzeari. (argazkian Elkarrekin-Podemos aurkezpena Sopelan, Patricia txalotzen ari den emakumea da)

Transfugismoa?

Ordu gutxira, Gobernu Taldeak zinegotzi horren % 60ren liberazioa aurkeztuko duela ekaineko osoko bilkuran jakinarazi da, urtean 28.000 euroko soldatarekin. Koalizio morearen erantzuna espero da, baina transfugismoaren itzal luzeak hedatu da Sopelako Udalean. (W.)

Abaron 500 etxebizitza eraikitzeko proiektuak aurrera jarraitzen du, baina alegazio asko espero dira behin betiko onarpenaren aurretik.

Auzotarren eta udal oposizioaren alegazioak

Alde batetik, auzotar talde bat sinadurak biltzen ari da, Abaroko gunean hainbat hobekuntza bideratzeko: etxebizitzetara zuzenean sartzeko biribilgune bat eraikitzea; Gobela ibaiaren ubidean konponketak uholdeak saihesteko; oinezkoentzako gunea edo oinezkoei lehentasuna eman institutuaren eremuan; oinezkoentzako eta bizikletentzako 3 pasabide igogailuekin Abaro udalerriko gainerako guneekin lotuz; bidegorria Olabide-Ikastola bidegorriarekin bat egitea; berdegune gehiago eta etxebizitza guztiak BOE izatea.

Bestalde, ildo berean, Udaletxeko oposizio-talde nagusiak ere, EHBilduk, zenbait alegazio aurkeztu zizkion gobernu-taldearen proiektuari (EAJ eta PSE) urrian, behin-behineko onarpenaren unean, eta baten bat onartua izan zen, hala nola Abaro herrigunearekiko lotura arrapala baten bidez. Urrian onartuak izan ez zirenak, berriro ere aurkeztu ditu EHBilduk nabardura berri eta zehatzagoekin: lotura gehiago arrapalen eta igogailuen bidez anbulatorioaren inguruan eta Etxebarri kalean; Enrique Urrutikoetxean aurreikusitako lotura bakarraz gain, beste bat egitea Gobelondo kaletik; Larrabasterra auzoarekin lotura Gatzarriñetik; bidegorria lotu egungo Enrique Urrutikoetxean dagoenarekin; auzoko saltoki txiki berriak sustatu 150m karratuko azalera gainditu gabe; genero-ikuspegia espaloietan, argiztapen-puntuetan, etxabeetan, etab.

22 urteko proiektu arazoduna

Maiatzeko azken egunotan, Sopelako Udalak gutuna bidali die hainbat ostalariri, euren terrazak murrizteko eskatuz eta Covid19 baino lehenagoko egoerara egokitzeko, hau da, “lehengo normaltasunera” itzultzeko. Aitzitik, maiatzaren 28ko Gobernu Batzordean, EAJk eta PSEk Batzokiko terraza handitzeko baimena eman dute.

Terrazak murriztu

“Auzotarren arteko bizikidetzari, aisialdiari eta espazio publikoen erabilerari eusteko, Sopelako Udalak gogorarazi nahi dizu terrazak mahai eta aulki kopurura eta udal-lizentzian ezarritako kokapenera mugatu behar direla… beraz, Udaltzaingoaren eta Ertzaintzaren kontura aldizkako ikuskapenak egingo ditugu, egoera hau egiaztatzeko”. Horrela dio, hitzez hitz, sopela.net-ek eskuratu ahal izan duen udalak bidalitako gutun batek.

Gutun hauek maiatzaren amaieran bidali dira: tabernen barnealdeko gehienezko edukiera % 50ekoa denean; ezin denean barran kontsumitu; mahai bakoitzeko lau pertsonako kopurua errespetatu behar denean eta lokalak 22: 00etan itxi behar direnean, alegia, “normaltasunatik” oso urruneko egoeran aurkitzen direnean ostalariak.

Batzokiko terraza handitzea

Sopelako Udalak, maiatzaren 27an egindako Osoko Bilkuran, herriko kirol instalazioen 15 urterako lizitazioa eta beste bost urtez luzatzeko aukera onartu zuen.

Proposamenak EAJ eta PSEren babesa izan zuen; eta EHBildu, DB-TU eta Eder Garcia Elkarrekin Podemos-IUko zinegotzia aurka azaldu ziren. Elkarrekin Podemos-IU koalizioko beste zinegotziak, Patricia Alonsok, “ezin izan zuen bozketan parte hartu konexio telematikoarekin izandako arazo teknikoengatik”.

EAJk bozketa galduta zuen, baina ezustekoa gauzatu zen

Teorian, Gobernu Taldeak (EAJ eta PSE, 8 zinegotzi) bozketa galdua zuen, gainerako talde guztiak (EHBildu, Elkarrekin Podemos eta DB-TU, 9 zinegotzi) kontzesio honen aurka baitzeuden, baina bozketaren unean Patricia Alonso Elkarrekin Podemoseko zinegotziak “arazo teknikoak izan zituen eta konexio telematikoa galdu zuen”.

Joan den asteko maiatzaren 20an zabaldu zen Sopelako Olabide kalea eta Urdulizko Ospitalea lotzen dituen Osteiko bidea. Errepide honen amaierak urtetako atzerapena izan du eta Olabide inguruko bizilagunek kritika handiak egin dizkiote.

Ospitalerako sarbidea eta auzokideon kezkak

“Oso urrats garrantzitsua da osasun zentroarekin lotura hobetzeko”, adierazi du Josu Landaluze Sopelako alkateak; eta hori da, hain zuzen ere, herritarren kezka, Olabide eta Larrabasterrako Gatzarriñe kaleetako trafikoa nabarmen handituko dela.

Bide polemikoa.

Sopelako Zipireñe eskola publikoaren hezkuntza-komunitatea mobilizatu zen atzo ostirala, maiatzaren 21ean, “Eskola berria orain, Un nuevo colegio ya” lelopean.

Zipiriñek urteak daramatza masifikazioak eragin duen leku falta salatzen. Masifikazio horren ondorioz gune pedagogiko komunak kendu behar izan dira eta gela “normal” bihurtu, barrakoiak jarri dira, jolas-orduetan talde kopurutsuegiak daude, jantokian denbora murriztu da etab.

Ostiral honetan, 16:30ean, eserialdia egin nahi zuten kalean eta guztiok elkarrekin askaria hartu, baina euriak planak aldatu ditu, eta eserialdia ordu erdiko kontzentrazio bihurtu da.

Pandemiaren aurretik mobilizazio ugari egin ziren, eta Zipiriñeko hezkuntza-komunitateak komenigarritzat jo du mobilizazioei orain berriro ekitea; izan ere, ekainaren 1ean bilera garrantzitsua dago Eusko Jaurlaritzarekin, eta honek, oraindik ere, ez du bete Zipiriñe Azpiegituren Planean sartzeko konpromisoa. (Bilera, hasiera batean, maiatzaren 26an zen egitekoa).

Galdera Eusko Legebiltzarrean

Lan arloko mobilizazioak

Sopelako kiroldegian 42 beharginek lan egiten dute eta haietariko asko ABEEE egoeran aurkitzen dira (Aldi Baterako Enplegu Erregulazioko Espediente, erdaraz ERTE) eta azken egunetan hainbat mobilizazio egin dituzte haien lan arloko eskubideen alde ELA eta LAB sindikatuen babesarekin.

Langileek 1.575 orduko lanaldia eskatzen dute urtean; 2021ean 270€/hileko soldata-osagarria  eta 405 €/ hilean 2022tik aurrerantzean; 2023an %2ko igoera gehi KPIa; medikuarengana joateko orduak norberarentzat eta lehen mailako familiarrak laguntzeko eta,azkenik, soldata mantenduko den ziurtasuna instalazioak itxiz gero.

Sopelako udal kirol zerbitzuak BE ONE enpresa kudeatzen ditu “enpresa pribatu honek onura ekonomikoak zerbitzu publikoaren kalitateari lehenesten dizkio eta lan baldintzen prekarizazio handia sortu du”. Langileek adibide bat ematen dute: BE ONE enpresak ez du ikastarorik edo antzeko jarduerarik burutu pandemia garaian errentagarriak ez direlako, beste udalerri batzuetan egin badira ere.

Kiroldegiaren kudeaketa

BE ONE kiroldegiaren kudeaketa 2020ko apirilean amaitu behar zen, baina Sopelako Udal Gobernu Taldeak, EAJk, legezko luzapenetan oinarritu da zerbitzua BE ONE eskuetan mantentzeko lizitazio berririk atera gabe alarma egoerak eragindako legearen arabera.