Otsailaren 22an, Larrabasterrako zenbait bizilagunek kolore zurixka zuen ur isurketa ikusi zuten Lemotza ibaian Iberrota plazaren parean eta Urgitxieta kalearen aurrean. Bizilagunek artikuluaren argazkia atera zuten: ur isurketa ikusten da ahate batek jatekoa bilatzen duen bitartean.

Informazio eskaera

Sopelako udaletxeko balkoi nagusian Athletic-en  bandera erraldoia jarri da gaur, martxoaren 4an, Espainiako Kopan Granadaren aurka jokatuko duen partidua dela eta.

Eztabaidagarria da erakunde publiko batean hau bezalako “aldarria” egin daitekeen ala ez, baina eztabaida guztietatik kanpo dago Athletic-en bandera erraldoiak martxoaren 8ko ikurra estaltzea. Esan daitekeen gutxiengoa da sentsibilitatea falta ikaragarria dagoela.

Athletic-en bandera jartzea onartzen badugu… (nahikoa hori onartzea) hain zaila zen  mugimendu feministaren ikurra begi-bistan uztea?

Otsailak 28an elkartu zen Sopelako Mugimendu Feminista asanblada irekian, Kurtzio kultur etxean. Besteak beste Martxoak 8aren egitaraua adostu zuten bertan.

Ostiraletik hasi eta igandera arteko ekintzak antolatu dituzte. Sare herritarrak antolatutako mahai-inguruan Emakumea eta Kartzela izango dute ardatz. Martxoak 6an izango da arratsaldeko 19:30an, Kurtzion. Martxoak 7an Udaletxe plazan 18:00tatik hasita, Serigrafia tailerra egingo dute eta bertan poltsak eta kamisetak egiteko aukera egongo da.

Berriro irtengo dira kalera Zipiriñeko familiak

Zipiriñeko familiak berriro mobilizatuko dira ikastetxeak dituen leku-arazoengatik. Mobilizazio hauen bidez udalari exijitu nahi diote lehenbailehen lor eta eskain diezaion lur-sail bat Eusko Jaurlaritzari, honek bigarren ikastetxe bat eraiki dezan.

Zipiriñe herri eskolak ez du leku nahikorik ikasle guztiak era duinean hartzeko eta honek mobilizazio asko eragin ditu azken urte hauetan. Egoera honi konponbidea eman nahian Sopelako bigarren indar politikoak, EHBilduk, aurreproiektu bat aurkeztu du. EHBilduk proposatu egin du eraikin berri bat egitea Loroñoko lursailean, gaur egun aldirietako aparkalekua dagoen tokian.

Proposamenaren ezaugarriak

Hile bakoitzeko azken ostiralean egiten den bezalaxe, gaur, hilak 28, elkarretaratzea egingo da Sopelan, herriko presoak eta iheslariak herriratzeko asmoz.

Hitzordua 20:00etan izango da udaletxeko plazan, DENOK BATERA, PRESOAK ETXERA! goiburupean.

Gogoan izan martxoaren 19n NI ZU BI herri ekimena izango dela Bilbon 12:00etatik larri dauden presoak etxera etor daitezen aldarrikatzeko.

Inauteriak gure artean izateko egun gutxi falta diren honetan, Sopelako Kuadrillok mozorroen azken ukituak ematen gabiltza, datorren zapatuan dena ezin hobeto atera dadin!

Gorde zita: zapatuan, otsailaren 22an

Gorde zita: zapatuan –otsailaren 22an–, Udaletxeko plazan, eguerdiko 13:30etan. Aurtengo gaia ematen duena baino zailagoa da: Udako kantak. Luze egiten zaigun negu honetan udari keinu bat egin nahi izan diogu, nostalgiaz gogoratzen ditugun Caribe Mix garai horiek bueltan ekarriz.

Datorren otsailaren 19an, Larrabasterrako Plaza Beltza Kulturgunean hitzaldia izango da. Hitzaldiaren izenburua “Ildo Feministak” da, eta bertan feminismoan eragina duten hainbat ikuspuntu aztertuko dira. Hitzaldia irekia da interesa duten guztiontzat feminismo teoriko, dituen ikuspegi anitzetan eta gaur egungo gizartearen egoeran feminismoak duen estatusa soziopolitikoa aztertuko direlarik.

Hizlaria Olatz Barbier dugu, Sopelako bizilaguna, erizaina, eta une honetan antropologia ikerketa doktoratu aurreko lanak burutzen ari da, batez ere gorpuztasun, feminismo eta prostituzio arloetan. Sopela.net-ek Olatzekin hitz egin du hitzaldiaren gako nagusiak aipa eta aurrera diezazkigun.