Sopelan hipermerkatu bat eraikitzeari buruzko informazioa emateko joan den uztailaren 5ean egindako batzarraren ondorioz, auzokide talde bat sortu da: adinekoak, gazteak eta gizarte-eragileetako pertsonak.

Talde hau Sopelako hipermerkatuaren aurka sortu da, helburu argi batekin: Bareñon eraiki nahi den hipermerkatua geldiaraztea, eta herritarren parte-hartze masiboa bultzatzea.

Udaletxean egia ezkutatzen dute

“Hipika” edo “albaiteritza klinika bat“… horrelako erantzunak eman zituzten alkateak eta alkate ordeak martxoko plenoan egitasmo honen “Zehaztasun plana” bozkatu zenean (irudiak plenoko bideotik hartuta daude eta sare sozialetan jasoak izan dira)

Merkataritza guneren kontrako taldearen jarduerak jarraitzeko eta harremanetan jartzeko:

Sopeloztarrok martxoaren bukaeran jakin genuenez, gure herrian hipermerkatu bat eraikitzekoproiektua martxan jarri da. Sopelako Udalak, konfinamendu egoeraz baliatuz, martxoko Udal Osoko Bilkuran xehetasun-azterlana onartu zuen, eta horren ondorioz, instituzioen barruan eta legalki ezer gutxi egin daiteke makroproiektu hau geldiarazteko.

Hori dela eta, duela aste pare bat, Sopelako hainbat auzokidek, herriko merkatariekin batera, asanblada ireki baterako deialdia egitea erabaki zuten. Helburua ahalik eta herritar gehien parte hartzea da, hipermerkatuaren kontrako mugimendu sendo bat sortuz, kalean presioa eginez eta proiektua geldiaraziz.

Larunbat gauean, Sopelako jai eta Covid 19ak eragindako osasun krisiaren giroan, jende pilaketa izan zen. Komunikabide batean agertutako informazioen aurrean, Sopelako Kuadrillen Elkarteak bere iritzia plazaratu du. Honako hau dio, hitzez hitz:

Zapatu gauen Sopelan izandako gertaeren inguruan hainbat hedabidek ateratako adierazpenen aurrean, Sopelako Kuadrillen elkarteak honako hau erantzun nahi du:

Hala da. Aurreko uda garaietan Sopelako hondartzetan 4 komun publiko gune egon dira; aurten, aldiz, bi baino ez dira egongo.

Itxialdiaren osteko “normaltasun berrian”, erakunde guztiek higienearen garrantzia azpimarratzen dute behin eta berriz. Testuinguru horretan, komun publikoak ugaritu, edo gutxienez mantendu beharrean, Sopelako Udalak murriztu egin ditu aurtengo zerbitzuak.

Ekainaren 20an abian jarri ziren 2 zerbitzu gune, aurreko urteetan 4 izan diren bitartean eta publikoarentzako irekiera ordubetez ere murriztu da (11:00etatik 20:00etara; aurreko urteetan 10:00etatik 20:00etara).

Alkatetzaren aldebakarreko erabakia.

Uda honetan ez da Sopelbus zerbitzurik egongo hondartzara joateko, eta ziur asko, neguan ere ez. Erabakia Sopelako gobernu taldeak (EAJk) hartu du: zerbitzua eteteko gaia ez da Udal Osoko Bilkurara eraman eta, beraz, ez da eztabaidatua izan udal taldeen artean. Alde bakarreko erabaki horrek ez du bat egiten 2020ko aurrekontu-akordioarekin, non Sopelbusentzat 250.000 euroko partida aurreikusten zen.

Udal osoko Bilkuran, galdera

“Heteroarauari sua” lelopean, Stonewalleko liskarrekin bat eginez eta LGTBI pertsonen eskubideen alde borrokatuz, hainbat ekitaldi antolatu dira Sopelan.

Ekainaren 25ean (osteguna) transexualitateari buruzko hitzaldia izango da Plaza Beltzan. Hitzordua 18:30ean da Bea Savater eta Izaro Antxiaren parte hartzearekin.

Larunbatean, hilak 27, 20:00etan manifestazioa Sopelako elizan hasita.

Hilaren 28an, igandean, Stonewallen liskarrekin bat eginez, manifestazioa Bilbon, 18:30ean

Stone Wall, gogoan eta ohore

Apirilaren 30ean izandako Udal Osoko Bilkuran, osasun-krisi bete-betean geundela, Sopelako Udalak aho batez onartu zuen “Gizartea Biziberritzeko eta Ekonomia Suspertzeko Udal Plana, Covid-19ren osasun-krisiaren ondorioak gainditzeko”. Akordio hori Udalean ordezkaritza duten bost indar politikoetatik lauk egin zuten: EAJk, EHBilduk, Elkarrekin-Podemosek eta PSEk. Osoko bilkuran DB-TUk ere, baiezko botoa eman zuen.

Sopelako udal-lorezainek 3 eguneko greba egin dute aste honetan eta beste 3 egingo dute hurrengoan haien Lan Hitzarmena Udalarekin zuzen-zuzenean negoziatzeko. “Azken urteetan, administrazio publikoek zerbitzu guztiak pribatizatzeko joera dute, pribatizazio horrek langileen lan-baldintzetan duen eragina aintzat hartu gabe: prekarizazioa eta lan baldintzak okertzea” salatu dute beharginek.

Administrazioek gero eta zerbitzu gehiago  uzten dute enpresa pribatuen esku, eta batez ere, enpresa hauen eskaintza ekonomikoa baloratzen da, bertako langileek izango dituzten lan-baldintzak alboratuz.

Sopelako lorezainen egoera