20 urte preso bete ditu egun hauetan Urko Labeaga sopeloztarrak; eta 20 urte hauetan dispertsioaren zoritxarreko eredua izan da bere bidea. 1998an atxilotu zuten eta geroztik hainbat kartzelatan izan da Euskal Herritik urrun: Martutene, Alcala Meco, Valdemoro, Soto del Real, Salamankako Topas, Asturiasko Villabona, Murtzian, berriro Villabona…

Hau dela eta, ostiral honetan, hilak 20, 18:30ean hitzaldia izango da Sopelako Herriko Tabernan Urkoren egoera legalaz eta EPPKren azken erabakia garatzeko aukerez aritzeko.

Hitzaldian parte hartuko dute Urkoren abokatuek: Iñako Goioagak eta Iñaki Zugadik.

Sopela.net-ek hiruhilero argitaratzen ditu langabeziaren datuak Sopelan; horrela, 2018. lehen hiruhilabetekoaren amaieran, martxoaren amaieran hain zuzen ere, gure herrian 707 langabetu zeuden. Honek suposatzen du biztanleon %10,5.

Emakume gehiago: %12,1ko langabezia emakumeen artean

707 langabetu hauetatik, 398 (%12,1) emakumeak dira eta 309 (%9) gizonak. Adin tarteari dagokionez, 30 lagunek 25 urte baino gutxiago dute, 313 lagunak 25 eta 44 urte bitartekoak dira, eta azkenik 364 pertsonek dute 45 urte baino gehiago.

Kontratazioan prekarietatea nagusi: 12 behin betiko lan-kontratu soilik

Kontratazioan prekarietatea nagusitzen da argi: 2018ko martxoan 205 lan kontratu gauzatu dira Sopelan, eta horietatik 12 bakarrik izan dira behin betikoak eta aurretiaz zeuden behin behinekoen artean 8 soilik bihurtu dira behin betikoak; beste guztiak, alegia 185, behin behinekoak izan dira. Sektoreka aztertzen badugu, 111 kontratu zerbitzuetan izan dira, industrian 47 eta eraikuntzan 47.

Langabezia oso egonkorra da.

Datuak begiratzea besterik ez dago, ohikoa bihurtu den “hobeto” goaz leloa kolokan jartzeko, oraindik ere, oso urrun baikaude 2008ren amaieran, “krisia” baino lehen nolabait esateko, zeuden datuetatik, une hartan 561 langabetu zeuden Sopelan.

Azken hilabetetako datuei erreparatzea ere, nahiko da egonkortasun hau egiaztatzeko horrela 2017ko martxoaren amaieran: 756 langabetu zeuden, 2017ko ekainaren amaieran: 714 langabetu eta 2017ko irailaren amaieran: 721 langabetu, 2017ko abenduan 693.

Datu hauek guztiak Espainiako Ministerio de Empleo y Seguridad Social-ak emandakoak dira.(SEPE, Sevicio Público de Empleo Estatal) eta Euskal Enplegu Zerbitzua LANBIDE.

Euskaraz hitz egiten badakizu? Euskaraz hitz egiteko gaitasunik eduki ez arren, zerbait uler dezakezu? Konturatu al zara, orduan, elkarrekin euskaraz egin dezakegula? 11 egun euskaraz, egingo al dugu proba?

Euskaraldia abiatzeko saioak apirilaren 11n eta 25ean izango dira, Kurtzio Kultur Etxean 19:00etan. Bilera hauetan, eta prozesu parte-hartzaile baten bidez, ekarpenak jasoko dira Euskaraldia Sopelan era egokian antolatzeko. Baina….

Zer da Euskaraldia? Hizkuntza ohiturak astindu eta ohiko harremanetan euskara gehiago erabiltzeko ariketa bat proposatzen dizuegu: 2018ko azaroaren 23tik abenduaren 3ra, euskaraz hitz egiten edo ulertzen dugun guztion artean egin dezagun euskaraz. Euskal Herri osoan eta elkarrekin arituta, gure egunerokoan eragin genezake.

Nola egingo dugu? Ondoko bi roletako bat har dezagun 11 egunez: Ahobizi: Ulertzen duenari euskaraz egingo diot, hark erdaraz erantzun arren. Ezezagunei lehen hitza, gutxienez, euskaraz egingo diet. Eta Belarriprest: Egidazu euskaraz, nik ulertzen dut eta. Agian erdaraz erantzungo dizut, baina zuk niri euskaraz egitea nahi dut.

Zer lortu nahi dugu? Gure harremanetan hizkuntzarekin ditugun inertziak astintzea eta uste baino gehiagotan euskarazko komunikazioa posible dela frogatzea. Euskal Herrian euskara ulertzen duen jendea pentsatzen duguna baino gehiago dela jabearaztea eta euskara gehiagotan erabili dezakegula ikusaraztea. Hizkuntza ohiturak aldatzea norberaren hautua eta ariketa izan arren, bidea taldean eta batera, erosoago eta lagunduago egitea. Euskara erabiltzeko testuinguru eta egoera berriak, abegikorragoak eta babestuagoak sortzea.

Nork bultzatzen du Euskaraldia? Euskaraldia babesten eta bultzatzen duten elkartearen eta eragileen zerrenda ia ia bukaezina da: Euskaltzaleen topagunea, Eusko Jaurlaritza, Nafarroko Gobernua, Kontseilua, Euskaltzaindia, Eudel, AEK, Ikastolen Elkartea, UPV… 

IKUSI EUSKARALDIA

Sopelako udalaren azken Osoko Bilkuran (martxoak 28) etxebizitza (180.000euro) eta etxabe baten erosketa (250.000 euro) baimendu zen. Erosketa bi hauek harrera pisu bat egin ahal izateko eta nagusientzako eguneko zerbitzua bideratzeko dira. Helburuak onak badira ere, erosketa hauek ez zuten Udal Osoko Bilkuraren alderdi guztien onarpena, EHBilduk, DB-TUk eta adskribitu gabeko zinegotziak berme eta datu gehiago eskatu baitzuten.

Informazioa ez

Giza-zerbitzu hauek Getxo eta Uribe Kosta Mankomunitatea osatzen duten herriekin partekatzeko izango dira (Barrika, Berango, Gorliz, Lemoiz, Plentzia eta Urduliz) horren ondorioz aipatutako alderdiek (EHBildu, DB-TU eta adskribitu gabeko zinegotziak) Mankomunitatearen Zerbitzu Sozialen benetako egoera eta datuak ezagutzeko eskatu zuten.

“Hau ez da pisu bat erostea eta kito, hori errazena da. Ekonomikoki kudeatu behar dira, adostu behar dira zerbitzuak Diputazioarekin, eta batez ere, leku hauetan langileak, hezitzaileak, prestatutako pertsonala behar da… hau guztia jakin behar da erosketa bideratu baino lehen” . Horrela laburtu zuen egoera EHBilduko eledunak, eta erabaki hau gai ordenatik ateratzeko eskatu zuen hilabete bateko epean Mankomunitatearekin behar hauek alderatzeko eta datuak eskuratzeko.

PNVk, PSEk eta Orain-ek ez zuten onartu puntua hilabete bat atzeratzea eta EHBilduk hau bezalako gai batean akordioetara heltzeko dagoen borondate urriaz kexatu zen. “Baldintza hauetan hartutako erabaki bat ezerezean geratzeko aukera handiak daude” adierazi zuten oposizioko taldeek.

Kataluniarekin bat, Demokrazia, Askatasuna.

Dealdi honi babesa emanik Euskal Herriko eragileek elkarretaratzeak deitu dituzte bihar herri guztien udaletxe aurrean.

EHBildu, ELA, LAB, ESK, STEILAS, HIRU, CNT, Etxalde, Gure Esku Dago elkarteek 12:00etan batzeko eskaera egin dute eta gurean, SOPELAN ere, hitzordua 12:00etan izango da Udaletxeko plazan.

Estatuko Gobernuaren Ordezkaritzak, berriro ere, Sopelako Udalak presoen senideei emandako diru-laguntzaren kontra agertu da forma akatsak daudela argudiatuz.

Etengabeko jazarpen politikoa

Diru laguntza hauek 2008an adostu ziren Sopelako udaletxean aurrekontuen akordio baten bidez, eta hainbat urtetan ez zen inolako arazorik sortu.

2014an, aldiz, Espainiar Estatuko Gobernuaren Lurralde Ordezkaritzak diru-laguntza hauen kontrajo zuen auzitegietara forma arrazoiak zirela eta “Sopelako Udalak ez omen zuen diru-laguntzak esleitzeko plan estrategikorik”. Plan hori beharrezkoa omen zen udalaren diru-laguntza guztiak esleitzeko. Forma kontu hau erabiliz, Sopelako udalak ematen zituen diru laguntza guztiak kolokan jar zitezkeen, une horretakoak zein urteetan zehar emandakoak; baina Gobernuaren Lurralde Ordezkaritzak bakarrik presoen senideei emandako diru-laguntzaren kontra jo zuen, helburu politikoa zela argi utziz.

2016an Sopelako Udalak, forma-akats horiek zuzenduz, diru-laguntzak arautzeko Plan Estrategikoa onartu zuen eta ondorioz, 2017ko abenduan “egoera berezian dauden familientzako laguntzak” berriro argitaratu zituen, hau da, espetxeetan zigortuak edo prebentziozko presoaldian dauden pertsonak bisitatzeko gastuak diruz laguntzeko deialdia; dena dela, oraingoan, berriz ere, Estatuko Gobernuaren Lurralde Ordezkaritzak diru-laguntza horiek inpugnatu ditu, beste forma akatsak daudela argudiatuz…

EHBilduk gogor kritikatzen du Espainiar Estatuko Gobernuaren jarrera

EHBilduk gogor kritikatzen du Espainiar Estatuko Gobernuaren jarrera, dispertsioa ahalbideratu eta euskal presioei tratu bidegabea emateaz gain, behin eta berriz oztopatzen ari delako euskal erakundeetatik presoen senideei eskaini nahi zaien babesa. Gobernu ordezkaritzaren jarrera horrek ez dio ezertan laguntzen gatazkaren konponbideari. Beste garai bateko salbuespenezko neurriak dira eta ez dute zereginik gaur egun Euskal Herrian bizitzen ari garen egoera politiko berriari. Sopelako EH Bildu bere esku dagoen guztia egingo du gure herriko senideek beharrezko duten babesa eta laguntza jaso dezaten.

Sergio Polo, Sopelako presoa, berriro epaituko dute Madrilgo Audientzi Nazionalean hilaren 14an eta 15ean eta horretarako, une honetan, Algeciraseko kartzelatik Valdemorokora eraman dute.

Sergiori elkartasuna adierazteko Sopelatik talde bat joango da epaiketara.

Kartzelaldi luzea eta latza

Sergio 1999 atxilotu zuten, beraz 18 urte daramatza preso, eta beti Euskal Herritik oso urrun: Valdemoro eta Alkala (Madriden); Texeiro (Galizian), Picassent (Alacanten), Cordoba eta Algeciras (Andaluzian). 18 urte hauetan oso egoera latzak bizi izan ditu eta oso denboraldi luzeak izan dute isolamendu egoeran.

Sopelako udalak isolamendutik ateratzea eskatu zuen

2015ean Etxerat elkarteak eskatuta, EH Bilduk mozioa aurkeztu zuen Sopelako udalean Sergiok pairatzen zuen isolamendu egoera buka zedin. Mozioaren alde, EHBiduren zazpi zinegotziek bozkatu zuten eta EAJko zazpiak abstenitu egin ziren. Aldiz, PSEko biek eta PPko bakarrak aurkako botoa eman zuten. Mozioan, Sopelako Udalak gutun bat idatzi zion Algecirasko espetxeko zuzendaritzari eta Madrilgo Espetxe Zuzendaritzari, Sergio Polori bakartze-zigorra kentzeko eskatuz.

Zipiriñe ikastetxeko familiak kalera atera dira gaur, martxoak 9, “barrakoirik ez” aldarrikatuz eskola guztiz txikia geratu dela salatzeko. Eskola orduak bukatutakoan, 16:45ean, manifestaldian joan dira ikastetxetik udaletxeraino.

Lelo berari eutsiz, abenduan, beste mobilizazio bat egin zuten eta gurasoen elkartearen ustez, abenduko mobilizazio horrek “Sopelako Udal Gobernua bultzatu omen zuen eskola handitzeko proposamen zehatz bat egitera”, hala ere, hilabeteak pasa dira eta Gurasoen Elkarteak “oraindik ez du aurrerapausorik ikusi Udal Gobernuaren proposamen horretan”, hori dela eta gaurko mobilizazioa antolatu dute.

Sopela.net artikulu ugari argitaratu du gai honetaz.

Sopelako ikastetxeetatik Babes Ofizialeko etxebizitzetara

De los centros educativos a la vivienda protegida en Sopela

Sopela: rechazados los presupuestos del 2018

Sopela: Las familias de Zipiriñe salen a la calle

Sopela: Irakaskuntza publikoan, herritik joan behar. Iberre

Sopela: en educación pública hay que irse del pueblo. Iberre

Sopela: Irakaskuntza publikoan, ikasturte berria, arazo OSO zaharrak.Zipiriñe

Sopela: educación, nuevo curso, viejísimos problemas. Zipiriñe