Naturaren babesa + surfa + musika = SOPELA KOSTA FEST irailaren 24tik 28ra.
Datozen egunetan Sopelan ospatuko den jaialdi erakargarri honek bere jatorria du 2011an BILDUk egindako udal hauteskundeetarako programan, hain zuzen ere, horrela zioen BILDUk: – Surfestival: Ekimen berria kirola, kultura, astia, turismoa … uztartzeko.
Programazio osoa kontsultatzeko jo ezazu sopelakostafest web orrira
{youtube}IuZqhR96cOU{/youtube}
Sopelako Jai Batzordeak deiturik, sopeloztar guztiak gonbidatuta daude bideoklip bat grabatzeko datoren larunbatean, ekainak 7, eguerdiko 13:00etan udaletxeko plazan.
Bideoklip honen bidez Sopelako jaien aurkezpena egingo da.
Hona hemen iazko lipdub, merezi du
{youtube}nE-YfRVLfa4{/youtube}
Fredi Paiaren eskutik Uribe Kostako bertsolaritzari buruzko hitzaldia izango da Sopelan datorren maiatzaren 8an, osteguna, 20:00etan, Kurtzio Kultur Etxean.
Hitzaldi hau eskualdean izango den hirugarrena da, aurreko biak Gorlizen (apirilaren3an) eta Urdulizen (apirilaren 24an) izan zirelarik
Igandean, apirilak 6, “Meñakoz erakunde kulturala”k udaberriko jaia ospatuko du udaletxeko plazan 12:00etatik aurrera (euria egingo balu jaia Jauregizar plazako aterpean izango da). Hasiera emateko albokalariek eta txalapartariek joko dute, ondoren pandero-joleek, 13:00etan Eguzkilorearekin euskal dantzak eta bukatzeko, 13.30etik aurrera erromeria.
Jaiarekin batera pintxo-potea egongo da euro baten trukez, eta Meñakozek eskaera egin du baserritarrez jantzita parte hartzeko.
Meñakoz: Kultura eta euskara sustatu nahian Sopelan
“Meñakoz erakunde kulturala” ezaguna da Sopelan antolatzen dituen erromeria arrakastatsuengatik; baina honez gain, beste hainbat ekintza eta jardunetan lanean ari da buru-belarri, esate baterako, Meñakoz erakundearen babesean “Eguzkilore” umeen dantza taldea dago, nagusien dantza taldea, Sopelako panderojoleak eta Berbalapiko berbalagun familiarra. Lau taldeon artean, osotara, berrehun partaide inguruk osatzen dute Meñakoz.
Taldearen helburua Sopelan gure hizkuntza eta gure kultura sustatzea izanik, udaberriko jaia ospatzeri ekin dio Meñakozek antzineko ohiturak gaurkotzeko asmoz. Sopelan ohitura izan da udaberria hasten zenean abadea laborari zein baserritarrekin elkartzea, Munarrira igo eta bertan otoi egitea urte horretako uztak oparotsuak izan zitezen. Herrira bueltatzen zirenean, “katu-kakak” izeneko kanpai hotsak jotzen zituzten.