AldHarrikatuz erakusketa 9tik 19ra

Zigor Merodio euskal presoaren AldHarrikatuz izeneko erakusketa ikusgai izango da Sopelako Kurtzio Kultur Etxean maiatzaren 9tik 19ra arte. Zigor Merodioren eskulturez gain, beste bi euskal presoen testuek  osatzen dute erakusketa (Alaitz Areitio eta Jon Troitiñoren testuak)

PNVk ezetza eman zion erakusketari

Sopelako udal arduradunek (PNVk) bertan behera utzi zuten erakusketa hau iazko azaroan “gaia sensiblea eta une egokia ez dela” sasi argudioa erabiliz. EHBilduk erabaki honen kontra proposizio bat aurkeztu zuen azaroko plenoan (24an) argudio horiek errefusatuz eta erakusketa lehenbailehen gauza zedin eskatuz.

Udal osoko bilkura gatazkatsua

PNV-k erabakia bozeramaileen batzordean eta ez plenoan hartzea eskatu zuen, “kultur teknikariei enkargatu zaien informea aintzat hartuz”. EHBilduk PNVri aurpegiratu zion erakusketa ez gauzatzeko erabakia hartu zen unean ez zela inolako informe teknikorik “eskatu” eta informe hau enkargatu egin zela bakar-bakarrik salaketa publikoa egin ondoren.

PSEk proposizioa gai ordenatik ateratzea eskatu zuen “erakusketan dauden beste preso biren testuen itzulpenak ez zituelako”. EHBilduk ez zituen argudio hauek onartu eta proposizioa gai-ordenean mantendu zuen.

Bozketa orduan, PNV-k eta PSEk, aitzakietatik ezetzera jo zuten argi eta EZ esan zioten proposizioari. Dena dela, EHBildu, Orain Sopela eta DBTU taldeen BAIetzek bideratu zuten proposizioa aurrera ateratzea eta horren ondorioz 9tik aurrera erakusketa Sopelan izango da, “nahiz eta udalak oso gutxi lagundu digun hau guztia bideratzeko, gu ibili behar izan gara haien atzetik plenoan onartutakoa gogoratuz” erakusketaren arduradunaren ustez

Otsailak 17, Kurtzion, 19:00etan

Azken urteetan bezalaxe, herriko hainbat talde eta herritar hasiko dira Sopelako eta Larrabasterrako jaiak prestatzen eta horretarako hitzordua ipini dute biharko: otsailak 17, 19:00etan Kurtzio Kultur Etxean.

Jai herrikoi, parte hartzaile, parekide, euskaltzale, denon gustuko eta neurrikoak gauzatzea da Jai Batzordearen helburua , eta horretarako deia egiten zaie herriko elkarte, kirol talde, koadrila, familia, lagunei… denon laguntza ezinbestekoa baita.

Santa Ageda dela eta ondorengo lotura jartzen du eskura Sopela.net-ek: Santa Ageda koplak Sopela – Urduliz inguruan.

1981. urtean Ion Iñaki Zunzunegik eta Agurtzane Iturregik, Adolfo Arejitaren laguntzarekin, bertoko koplak batu zituzten Santa Ageda koplak Sopela – Urduliz inguruan idazlanean.

Sopelako hainbat taldek inauteri herritarrak bultzatuko dituzte, horrela, Sopelako Pandero-joleek irteera izango dute 5ean, ostiralean, pilotalekutik abiaturik arrastiko 19:00etan. Mozorrotuta joatea eskatzen da.

Honez gain, Sopelako koadrilek aratusteen egun handia ospatuko dute otsailaren 6an, larunbatean. Hitzordua 14:30ean izango da Ander Deuna Ikastolan bazkari legea eginez 8 eurotan (tiketak Laiak tabernan daude salgai).

17:00etan, bazkaldu ondoren, DESFILEA: koadrilek haien mozorroaren aurkezpena egin eta puntuazioa jasoko dute. Puntuazioan pisu gehien izango duena mozorroa izango da, ez desfilea bera. Abestia bidaltzeko (sopekoor@gmail.com) otsailaren 5a baino lehen egin behar da. Aurtengo mozorroen gaia, MUSIKA da eta mozorro originalena daraman koadrilak MAKILA jasoko du!.

Bukatzeko 20.00etaik aurrera poteo musikatua herriko tabernetatik.

Atzo (irailak 8) Zegamatik abiatu zen 250 buruko artaldea datorren astelehenean, hilak 12, Getxora heltzeko. Garai batean egiten zen bidea errepikatuz, negua heltzean eta Urbiako larra altu eta hotzetatik aldenduz, hainbat artzainek ekartzen zuten artaldea Uribe Kostako landa epelagoetaraino, hain zuzen ere, azken aldian Mikel Etxezarreta artzainak egin zuen 1982an.

Oraingo honetan Mikel Etxezarretak berregingo du bidea bost egunetan: lehenengo egunean Urbiatik Otxandiora arteko bidea egingo dute, bigarrenean Artauneraino (Dima) helduko dira, hirugarrenean Larrabetzura, laugarrenean Barrikara eta bosgarrenean Getxora.

Bide hau berregitean dokumental bat grabatuko da “Akabuko Martxea”  Fredi Paiaren eta Aitor Gisasolaren eskutik. Ibilbidean andoni Egañak ere hartuko du parte.

Gure eskualdetik, Sopelatik:

Igande gaua, hilak 11, Barrikan, Kurtziomendin, pasatuko du artaldeak eta hurrengo goizeko 7tan abiatuko da Getxorantz kostako bidea jarraituz, itsas labarren gainetik. Horrela, 10:00etan Barinatxe gaineko bunkerra parean ibiliko da, 11:00etan Dilizko Koartel militar zaharrean, eta 14:00etan Telletxen

Urriaren 2 eta 3an ospatuko da Sopela Inkesta Rock Festibala, eta 17 taldek hartuko dute. Sopelako udaletxeko plazan hainbat musika estilo entzuteko aukera izango da: rock, metal, punk…

Jaialdi honek orain dela urteak jaio zen inguruko talde berriak ezagutarazteko, eta hona hemen ordutegia eta taldeak:

Urriaren 2an, ostirala

*18:05-18:45 Ilbet
*18:50-19:30 Black Sisters
*19:45-20:25 Ian Mason
*20:40:21:20 Bragasonics
*21:34-22:15 Jaundone
*22:30-23:10 Despeñaperros
*23:25-00:05 Dingos & Flamingos
*00:20-01:00 Cäctus

Urriaren 3an, larunbata

*17:10-17:50 Karla Imbert
*18:05-18:45 Malamuerte
*18:50-19:30 Deceiver
*19:45-20:25 Late To Scream
*20:40:21:20 Molikote
*21:34-22:15 Space Octopus
*22:30-23:10 Knives
*23:25-00:05 The Flying Scarecrow
*00:20-01:00 Kartzarot

Bukatzeko 01:30ean Laiak Tabernan: Kaos Sessions by La Hora del Kaos.

{youtube}CdBQwokMw9U{/youtube}

EITBk Sopelako hondartzari buruz egindako programa baten zatia eskegi dugu Sopela.net-en aipatzen diren hainbat pasarte interesgarriak direlakoan. (lotura youtube-ren bidez)

Bideoa merezi badu ere, EITBk, oraindik ere Sopelana esatea onartezina da. Ez dira enteratzen edo ez dira enteratu nahi!!!

Asteburu honetan ospatuko da Sopelan ohiko Euskal Jaia. Larunbatean, hilak 12, Udaletxeko plazan 10:00etatik aurrera nekazaritza azoka izango da, eta 12:00etan Pala Txapelketako finalak pilotalekuan.

Honez gain, 12:30ean, Euskorleans Dixie Band-ek “New Orleans” erara eginiko euskal musika emanaldi ibiltaria emango du.

Iluntzean, 20:00etan eta udaletxeko plazan ere, kontzertua MIXEL DUCAU eta CAROLINE PHILLIPSen eskutik.  (Folk – Lapurdi). Euria eginez gero kontzertua Kurtzio Kultur Etxean egingo da.

Igandean Artisautza azoka izango (11:00 – 15:00 / 17:00 – 20:00) eta XI. Margo lehiaketa. Goizean eta Zirri Marra elkartearen bidez.

Honez gain sukalki txapelketa, tirrindularitza eskolen topaketa Kurtzio inguruan. 12:30ean euskal dantzak, Eguzkilore taldeak eskainita..

Bukatzeko 18:30ean Kale-teatroa: ASTOKILLO CIRCUS.