Sopela.net agerkari honen adin berekoa den Plaza Beltza Kulturgunea aste honetan bere lehenengo urtebetetzea ospatzen ari da. Hori dela eta, egitaraua zabala prestatu dute eta asteburu honetan Sopelako kaleetako ormak biziberrituta agertu dira. Orain arte aztarna zaharrak zituzten ormak edota zentsuraren erasoen grisa ilunarekin zikinduta zeudenak, kolorez eta aldarrikapen berriekin agertu dira.

Muralen lehiaketa bat prestatu zuten eta oso mural txukunak ikusi ditugu. Bideo txiki honetan egindako muralen errepasoa egiten dugu eta bide batez gure adin berdina duen Plaza Beltza kulturgunea zoriondu nahi dugu. Urte askotarako lagunak!

{youtube}18xFSRkR-1M{/youtube}

Urte bat asmoz, lanez eta ekimenez beterikoa: liburutegia, bideoteka, hitzaldiak, erakusketak, tailerrak…

Urte bat kultura, herria, autegestioa, borroka, umorea, formakuntza… uztartuz.

Urte bat eredu alternatiboa sortuz…

Eta urtebetetze hau ospatzeko Sopelako kaleak hartzeko prest daude Plaza Beltzako kideak, eta urtean zehar egin duten lana plazaratuko dute.

Hona hemen egitaraua :
Barikua 26
19.00etan bizikletada koloretsua herritik zehar “AUTOGESTIOAREN ALDE. INDEPENDENTZIA OSOA” lelopean, pb kulturgunetik abiatuta.
21.00etan afaria, Sopelako Sekeko gaztetxean. Plaza Beltzako obretan ibilitakoei, txosnako txandalariei, euren liburuak herriagaz banatu dituztenei, bazkideei, kontsumo taldekoei, proposamenak ekarri eta ekimenak antolatzen dituztenei,…moduren baten honen parte diren guztioi, omenaldia izango da. Tiketak, kulturgunean egongo dira salgai 5€tan.
Zapatua 27
11.00etatik aurrera, taldeen arteko mural lehiaketa. Herria apaintzen.
12.00etatik eta egun osoan zehar kolektibo eta banatzaileen azokatxua. Besteak beste Bilboguneko hainbat talde gerturatuko dira.
18.00etan kantautorea.
19.30tan poteo musikala albokariekaz.
21.00etan KONTZERTUAK:
ATADXS A NADA-ODOLAZ BLAI-J IRATZAR

Kontziertoa: Larrabasterrako Urgitxeta plazan.

Datozen egunetan 3 pelikula euskaraz ikusi ahal izango dira Sopelako Kurtzio Kultur etxean.

Azaroaren 13an, 18:00etan, Animal Channel, haurrentzako animazio filma
Azaroaren 25ean, 19:00etan Checkpoint Rock dokumentala
Azaroaren 27an, 19:00etan, Izarren argia

Sarrerak aurretiaz lor daitezke Kurtzio Kultur Etxean

UkBerri agerkari digitalak azaltzen duenez, igande honetan, hilak 31, Sopelako lehenengo Lapikoko Txapelketa egingo dute udaletxeko plazan. Bertan, apirilean zendutako “Pepetxin” izengoitiko auzokidea omenduko dute. Sopeloztar horrek oso gogoko zuen Euskal Herriko lehiaketa gastronomikoetan parte hartzea eta emaitza ezin hobeak lortzen zituen horietan. Aurtengo txapelketa lehenengo edizioa izango da, baina, antolatzaileek jakinarazi dutenez, urteroko ospakizuna bilakatzea espero dute. Hamaika sari banatuko dituzte. Lehenengoak txapela eta 500 euro jasoko ditu. Bigarren, hirugarren, laugarren eta bosgarrenari, berriz, garaikur bana eta 400, 300, 200 eta 100 euro emango dizkiete, hurrenez hurren. Lehenengo bost horiek, gainera, 10 kilo ikatz eta pizgailua eramango dute, Ecobrasaren eskutik. Hurrengo bostek 30 euro jasoko dituzte eta lehenengo sopeloztarrak Toni Gomez Balmasedako artisauak emandako eltzea.

LAIAK tabernak hilean behin kontzertua eskaini nahi du, eta horretarako “Musika aLAIA” egitasmoa prestatu dute.

Laiak tabernakoen helburua hilean behin kontzertu bat antolatzea da, musika akustikoa, leuna, atsegina eta jadanik irailean Peter Abelsek jo zuen, Sopelan bizi den musiko holandarrak, hain zuzen.

Hile honetan, urrian, Rio de la Platako doinuak entzungai izango dira. Beraz…

GAUR, Urriaren 28, osteguna, gaueko 21:00ean
Tango del Rio de la Plata
Federico Abreu (Uruguai)
Pablo Montanelli (Argentina)

GAUR Plaza Beltza kultur elkarteak, Urriak 28rako, literatura tailera antolatu du. 19:00retan hasiko da eta lehenengo idazle aukeratua Joseba Sarrionandia izan da. Idazlearen “Kolosala izango da” liburuarekin tailerrari hasiera emango diote:

Plaza Beltza Kulturgunea:

Irakurtzea plazera da, eta plazera besteekin, lagunekin, konpartitzen dugunean, biderkatu egiten da. Plazer hori zurekin konpartitu nahi dugu guk.

Datorren hilabetean, azaroan, Alboka tailerraz gain TXALAPARTA ikastaroa ere abian jarriko dute Sopelako Sekeko Gaztetxean. Asteazkenetan izango dira klaseak (ordutegia taldeak berak finkatuko luke) eta bi maila egongo dira: oinarrizkoa hasiberrientzat, hau da, zerotik hasten direnentzat. Eta bigarren maila bat lehenago txalaparta jotzen aritu izan direnentzat. Irakasleari ordaintzeko hilero kuota bat egongo dela adierazi du gazte asanbladak.

Apuntatzeko era email bidez izango da, datuak (izen abizenak) eta telefonoa gazte asanblada sopeloztarraren helbidera bidali behar dira eta gaian Txalaparta ikastaroa jarri. sopelakoga@gmail.com

Datorren hilabetean, azaroan, alboka tailerra hasiko da Sekeko gaztetxean. Astelehenero izango dira klaseak 20:00etatik aurrera. Euskal musika tresna hau ezagutzeko eta ikasten jotzeko gogoa badaukazu, tailerrera apuntatzeko aukera baduzu hemendik aurrera: bidali ezazu Asanbladaren posta elektronikora (sopelakoga@gmail.com) mezu bat, zure izen abizena eta kontakturako telefono bat adieraziz, eta ALBOKA TAILERRA jarri ezazu mezuaren gaian. Ondoren, Gazte Asamblada harremanetan jarriko da zurekin.