RGI (Renta de Garantía de Ingresos), euskaraz DBE (Diru-sarrerak Bermatzeko errenta)

Sopeloztarron ia %2ak behar du DBEa.

2018an, batez beste, hilero 225 sopeloztarrek DBEren diru laguntza behar izan dute. Zenbaki honek  sopeloztarron ia %2a da.

Behar kronikoa eta emakume gehiago

Sopela.net-ek hiruhilero argitaratzen ditu langabeziaren datuak Sopelan; horrela, 2018. hirugarren hiruhilabetekoaren amaieran, irailaren amaieran hain zuzen ere, gure herrian 669 langabetu zeuden. Honek suposatzen du biztanleon %10.

Azken hiru hilabete hauetan langabezia-tasan oso aldaketa gutxi eman dira, horrela ekainean 662 lagun zeuden langabezian, 685 uztailean eta 707 abuztuan.

Emakume gehiago: %11,7ko langabezia emakumeen artean

669 langabetu hauetatik, 386 (%11,7) emakumeak dira eta 283 (%8,3) gizonak. Adin tarteari dagokionez, 38 lagunek 25 urte baino gutxiago dute, 279 lagunak 25 eta 44 urte bitartekoak dira, eta azkenik 352 pertsonek dute 45 urte baino gehiago. Honek ere, argi adierazten du langabeziak eragin gehiago duela adina aurrera joan ahala.

Kontratazioan prekarietatea nagusi: 10 behin betiko lan-kontratu soilik

2012-2014 urteen artean langabeturik kopururik handiena eman zen herri guztietan “krisia” deitutakoak gogor jo zuelako. Egia da, geroztik, apurka-apurka langabeziaren tasa murrizten ari dela, baina ukaezina da kontratazioan prekarietatea nagusitzen ari dela argi eta garbi, lanaren eta kontratuen “kalitatea” urri dela oso; horrela: 2018ko irailean 238 lan kontratu gauzatu dira Sopelan, eta horietatik 10 bakarrik izan dira behin betikoak eta aurretiaz zeuden behin behinekoen artean 9 soilik bihurtu dira behin betikoak; beste guztiak, alegia 219, behin behinekoak izan dira. Sektoreka aztertzen badugu, 161 kontratu zerbitzuetan izan dira, industrian 54, eraikuntzan 22 eta kontratu bi nekazaritzan.

Bizkaian eta Autonomi Erkidegoan

Bizkaian langabeziaren tasa %12,7koa da; emakumeen artean % 14,6 eta gizonezkoen artean %10,9. EAE, langabeziaren tasa % 11,5 da; emakumeen artean % 13,6 eta gizonezkoen artean %9,5

Datu hauek guztiak Espainiako Ministerio de Empleo y Seguridad Social-ak emandakoak dira.(SEPE, Sevicio Público de Empleo Estatal) eta Euskal Enplegu Zerbitzua LANBIDE. (W.)

Sopelan

Datorren igandean, urriak 7, “Orain presoak” jardunaren barnean, SAREk aurkezpena egingo du Sopelako udaletxeko plazan 13:00etan. Ekitaldian Joseba Azkarraga, Ainhoa Etxeberria eta Arantza Aldezabal hizlariek hartuko dute parte. Ikusi: Sopela: “ez gaude ados urruntze espetxe-politikarekin” aho batez

Uribe Kostan

Zentsuraren Aurkako Eguna egingo dute bihar, hilak 29, Sopelan

Hainbat kolektiboek zabaldutako oharraren arabera, maiatzean, Sopelako hondartzan muralak egiten zuten bitartean, ertzainak agertu eta mozal legea aplikatu zien isunak ipiniz. Muralak hurrengo egunean ezabatu zituen Sopelako udalak eta gainera, alkateak salaketa ipini zienez urtarrilean epaiketa izango dute. Kolektiboen arabera argi dago honen atzean zentsura politikoa baino ez dagoela “muralak egin genituen hormetan dauden grafitiak borratzeaz inor arduratu ez dela ikustea besterik dago”.

Zentsuraren Kontrako Eguna

Hau guztia gaitzesteko, Zentsuraren Kontrako Eguna egingo dute bihar eta goizeko 10:00etan ipini dute hitzordua, Larrabasterrako metro-geltokian. Horren ostean, jolasak egingo dituzte hondartzan, luncha eta bertsolariak egongo dira.

Sopelan ez ezik Algortan ere

Zentsuraren erasoak ez dira Sopelan bakarrik jasan. Algortako gazte batzuei ere mural bat margotzeagatik ezarri zizkieten isunak udan, horregatik, zentsura normaltasunez onartzeari uzteko eta mezu askatzaileak zabaltzeko, gonbidapena egiten da irailaren 29an Sopelako Zentsuraren Aurkako Egunean parte hartzera eta babesa ematera.

Sopela.net-ek hiruhilero argitaratzen ditu langabeziaren datuak Sopelan; horrela, 2018. bigarren hiruhilabetekoaren amaieran, ekainaren amaieran hain zuzen ere, gure herrian 662 langabetu zeuden. Honek suposatzen du biztanleon %9,9.

Emakume gehiago: %11,5ko langabezia emakumeen artean

662 langabetu hauetatik, 380 (%11,5) emakumeak dira eta 282 (%8,2) gizonak. Adin tarteari dagokionez, 39 lagunek 25 urte baino gutxiago dute, 276 lagunak 25 eta 44 urte bitartekoak dira, eta azkenik 347 pertsonek dute 45 urte baino gehiago. honek ere, argi adierazten du langabeziak eragin gehiago duela adina aurrera joan ahala.

Kontratazioan prekarietatea nagusi: 12 behin betiko lan-kontratu soilik

2012-2014 urteen artean langabeturik kopururik handiena eman zen herri guztietan “krisia” deitutakoak gogor jo zuelako. Egia da, geroztik, apurka-apurka langabeziaren tasa murrizten ari dela, baina ukaezina da kontratazioan prekarietatea nagusitzen ari dela argi eta garbi, lanaren eta kontratoen “kalitatea” urri dela oso; horrela: 2018ko ekainean 295 lan kontratu gauzatu dira Sopelan, eta horietatik 12 bakarrik izan dira behin betikoak eta aurretiaz zeuden behin behinekoen artean 5 soilik bihurtu dira behin betikoak; beste guztiak, alegia 278, behin behinekoak izan dira. Sektoreka aztertzen badugu, 189 kontratu zerbitzuetan izan dira, industrian 72, eraikuntzan 33 eta kontrato bat nekazaritzan.

Bizkaian ere, prekarietatea nagusi

Eta datu hauek Bizkaia osoan errpeikatzen dira, horrela 2018ko ekainean 48.567 lan kontratu gauzatu dira, eta horietatik 2.362 bakarrik izan dira behin betikoak eta aurretiaz zeuden behin behinekoen artean 1.515 soilik bihurtu dira behin betikoak; beste guztiak, alegia 44.690, behin behinekoak izan dira.

Datu hauek guztiak Espainiako Ministerio de Empleo y Seguridad Social-ak emandakoak dira.(SEPE, Sevicio Público de Empleo Estatal) eta Euskal Enplegu Zerbitzua LANBIDE.

Larunbatean, apirilaren 28an Lan osasunaren nazioarteko eguna da, eta Sopelako EHBilduk ekitaldi xumea deitu du Jauregizar plazako oroigarrian “lan istripuz hildako lagunak, beti gogoan” goiburuarekin. Datuak gogorrak dira oso: 2017an 54 langile hil ziren lan istripuetan Euskal Herrian eta aurten, jadanik, 16 pertsonek galdu dute bizia. 

13:00etan lore eskaintza eta ohorezko dantza

Jauregizar plazako oroigarrian, 13:00etan lore eskaintza eta ohorezko dantza egingo da lan istripuetan hildako langile guztien omenez, lan prekarietatearen kontra eta bestelako lan harreman eta babes sozial sistema baten alde.

Jauregizar plazako oroigarria

2010. urtea latza izan zen Sopelan, hiru sopeloztar bizia galdu baitzuten lan istripuetan: Julio, Jesus Mari eta Luis. Bi urte beranduago, 2012an, langile hauen omenez EHBilduko alkatezak Juaregizar plazako monolito hau ezarri zuen.

Sopela.net-ek hiruhilero argitaratzen ditu langabeziaren datuak Sopelan; horrela, 2018. lehen hiruhilabetekoaren amaieran, martxoaren amaieran hain zuzen ere, gure herrian 707 langabetu zeuden. Honek suposatzen du biztanleon %10,5.

Emakume gehiago: %12,1ko langabezia emakumeen artean

707 langabetu hauetatik, 398 (%12,1) emakumeak dira eta 309 (%9) gizonak. Adin tarteari dagokionez, 30 lagunek 25 urte baino gutxiago dute, 313 lagunak 25 eta 44 urte bitartekoak dira, eta azkenik 364 pertsonek dute 45 urte baino gehiago.

Kontratazioan prekarietatea nagusi: 12 behin betiko lan-kontratu soilik

Kontratazioan prekarietatea nagusitzen da argi: 2018ko martxoan 205 lan kontratu gauzatu dira Sopelan, eta horietatik 12 bakarrik izan dira behin betikoak eta aurretiaz zeuden behin behinekoen artean 8 soilik bihurtu dira behin betikoak; beste guztiak, alegia 185, behin behinekoak izan dira. Sektoreka aztertzen badugu, 111 kontratu zerbitzuetan izan dira, industrian 47 eta eraikuntzan 47.

Langabezia oso egonkorra da.

Datuak begiratzea besterik ez dago, ohikoa bihurtu den “hobeto” goaz leloa kolokan jartzeko, oraindik ere, oso urrun baikaude 2008ren amaieran, “krisia” baino lehen nolabait esateko, zeuden datuetatik, une hartan 561 langabetu zeuden Sopelan.

Azken hilabetetako datuei erreparatzea ere, nahiko da egonkortasun hau egiaztatzeko horrela 2017ko martxoaren amaieran: 756 langabetu zeuden, 2017ko ekainaren amaieran: 714 langabetu eta 2017ko irailaren amaieran: 721 langabetu, 2017ko abenduan 693.

Datu hauek guztiak Espainiako Ministerio de Empleo y Seguridad Social-ak emandakoak dira.(SEPE, Sevicio Público de Empleo Estatal) eta Euskal Enplegu Zerbitzua LANBIDE.

Iñaki Egaña idazlea Sopelan izango da datorren ostiralean, hilak 23, 18:00etan.

Iñakik bere bi liburuen aurkepena egingo du: ETAren historia laburra eta Armagabetzea euskal bidea.

Aurkezpena Mikelats Herriko tabernan egingo da