Eguneko mobilizapenak:
Goizeko10:00ean Sopelako udaletxearen aurrean kontzentrazioa eta giza katea.
Eguerdiko 12:30ean herrialde mailako manifestazioa Bilbon
Aratsaldeko 16:00an kotxe karabana eskualdean
Arratsaldeko 18:30ean eskualde mailako manifestazioa Erandion
Gazte Asanblada Sopeloztarrak bere blogean azaldu duenez, datorren 27rako euskal sindikatuek deitutako greba orokorrarekin bat egin dute. Kaleratu duten komunikatuan, hau da gazte sopeloztar hauek egin duten salaketa: “Gazte Asanblada Sopeloztarrak PSOEk egin nahi dituen aldaketa hauek, eskubide murrizketa bezala ikusten ditu. Nahiz eta gure jubilazioa urrun ikusi, beharrezkoa ikusten dugu gure etorkizunaren alde borrokatzea. Bat egiten dugu beraz, lagileriaren borrokarekin, gutxienezko eskubide hauek errespeta daitezen.”
Hemen komunikatu osoa irakur dezakezue. Argazkian GASek Sopelan ipini duten pankartetariko bat.
57 urteko L.T. langile sopeloztarraren heriotza salatzeko, elkarretaratzea egin da Sopelako Udaletxeko plazan 20:00etan. Bertan 45 lagun bildu dira “Beste sopeloztar bat hilda. Stop. Patronala hiltzaile!” lelopean.
Gogoan hartu, aurten 3 sopeloztar hil direla lan istripuen ondorioz, otsailean J.R.P. Muskizeko Petronoren, irailean J.M.V Loiuko Indubilsa enpresan eta orain aipatutako L.T. Urdulizeko Lointeken. (Argazkia UKberri)
Atzo, azaroak 22, 57 urteko L.T. sopeloztarra hil zen lan istripu baten ondorioz Urdulizeko Lointek enpresan (Mecanica La Peña zena). Istripua 15:30ean gertatu zen garraiatzen ari zen zama erori zitzaionean.
2010ean 3 sopeloztar hil dira lan istripuen ondorioz, eta aurten, Euskal Herrian 69 langile hil dira jadanik lan istripuetan: 24 Bizkaian, 17 Gipuzkoan, 13 Araban, 11 Nafarroan eta 4 Ipar Euskal Herrian. (argazkian, Sopelan irailean egindako kontzentrazioa)
Sopelako Udaletxeko plazan burutu den elkarretaratzean lan istripuek eragin duten azken heriotza salatu dute. Aste honen haiseran J.M.B. Sopeloztarra hil zen aurreko egunetan Loiuko INDUBILSA enpresan gertatutako istripua eta gero Gurutzetako Ospitalean koma egoeran lau egun igaro ostean.
LAB sinditakuak salatu duenez, Irailean dagoeneko hiru langile hil dira eta 2010. urtean 51 dira jada lan istripuetan hil diren langileak. Sopelan hau da aurten lan istripu baten ondorioz hil den bigarren auzokidea.
Gaur Hego Euskal Herrian Greba Orokorra deitu dute. Euskal gehiengo sindikalak planto egiteko deia egin du. Jauntxo ekonomiko eta politiko guztiek sortarazi duten krisia langileei lapurketa egiten konpondu nahian dabiltza. Baina ez da hori bakarrik. Haiek sortu duten krisia dela medio, urteetan borrokaren bitartez lortutako eskubide guztiak desegin nahi dituzte.
Sopelan eta Euskal Herriko beste toki askotan, San Pedro egun handia da eta beraz, Grebak jaiarekin bat egin beharko du. Denda gehienak itxita egongo dira, kutxak ere bai, Udal langileek ere jai eguna dute eta beraz, tabernak eta gozodendak baino ez dira zabalik geratuko.
Jakina da tabernarientzat jai hauek oso garrantzitsuak direla eta hori dela eta sindikatuek eta tabernariek protesta egiteko neurri egoki bat adostu dute. Arratsaldeko 18:30etan eskualdeko manifestazioa Sopelan egingo dute. Larrabasterrako plazan hasiera emango diote eta Sopelako kale nagusiak zeharkatu eta gero Udaletxeko Plazan amaituko dute. Bertan ekitaldi bat burutuko dute.
Hori dela eta, Tabernariek 18:30etatik 19:30etara itxiko dute, mobilizazioarekin bat eginez. Ordu horretan aureikusita zeuden ekitaldiak ere atzeratu dira eta manifestazioa eta gero burutuko dituzte.
Goizetik, Bilbon manifestazioa egingo dute, Eliptika Plazan goizeko 11etan.
UKBERRI.NET agerkari digitalak jakinarazi duenez Sopelako Dismodel, Utillajes Galindo eta Jehisa trokelgintza enpresetako langileak, orotara 100 baino gehiago, enplegua erregulatzeko espediente berri bat jasateko arriskuan daude. Eusko Jaurlaritzak noiz onartu zain daude, eta hori gertatzekotan, bigarrena izango litzateke. EEE (ERE) berri hori, lehenengoa bezala, lantalde osoari eragingo lioke.
UKBERRI.NET agerkari digitalean CCOO sindikatuak salatzen duenez, azpikontrata batentzat mantenu lanak egiten zituen Julio R.P. Sopelako auzokidearen heriotzean “hainbat azpiegitura eta lan antolakuntza akats” egon daiteke. Hutsune horiek, sindikatuaren iritziz, planifikazio eta prebentzio egokien gabeziarekin “lotu daitezke”.
Petronorreko sindikatuak zabaldu duenez, Julio R.P. hildako beharginak hautsez beteriko ingurunetik isolatzeko eta lan egiteko behar zuen arnas egiteko ekipoak (eskafandra edo aurpegi-babesa) duen hartuneak berdin balio du horretarako zein erreminta bat lotzeko.
Era berean, “haize hartune berbereetatik lotutako lanen arteko koordinazio eza” eta Petronorreko instalazioetan dabiltzan azpikontratetako beharginen trebakuntza “eskasa” ere salatu ditu CCOOk.
Azkenik, langileek arriskuak identifikatzeko parte hartzeari buruz enpresak erakutsi duen “egoskorkeria” salatu du CCOOk. Petronorrek “lanpostu bakoitzeko arriskuen ebaluazioa garatzeko prozesuetan, prebentzio delegatuen laguntza sistematikoki ukatu” baitu.
Argazkian, LABek Sopelan heriotza hori salatzeko egin zuen elkarretaratzea.
