Aurtengo Maiatzaren Lehenak egoera ekonomikoarekin eta ofentsiba neoliberalarekin markatuta dator. Euskal gehinego sindikalak greba orokorra arrakastatsua deitu zuen eta gutxi barru Amaiur inguruan elkartu berri diren alderdi politikoek alternatiba sozioekonomikoa aurkeztuko dute.

Bitartean Espainiar Gobernuak gero eta eraso gehiago iragartzen ari da eta ez da amaierarik ikusten abian jarri berri duten ofentsiba honetan. Bitartean, euskal gehiengo sindikala baldintzatuta dago ELA sindikatuak hartu duen erabakia dela medio. Batasuna berreskuratzeko eta eskenatoki berri baten aldeko apustu garbia egiteko biderkatzen ari dira. Euskal Herrian denbora berria martxan ipintzen ari da eta egoera sozioekonomikoak independentziaren aldeko jarrerak gero eta ugariagoak izateko argudio gehiago agerian utzi du.

Abagune horrekin LAB sindikatuak Maiatzaren lehena eskualdeka ospatzeko deia egin du. Uribe Kostan LABen manifestazioa Astrabuduako Josu Murueta Plazan eguerdiko 12etan hasiko da Erandioko plazan amaitzeko. Erandion ekitaldia egingo dute eta horren ostean herri bazkaria antolatu dute. Herri bazkarian parte hartzeko tiketak salgai egongo dira ostirala arte. Beraz, ahalik eta lasterren erostea gomendatzen dute.

Maiatzak 1 hau azken mobilizazio erraldoien segida izango da eta laster ekimen berriak iragartzen ari dira. Dena gutxi izango da ofentsiba neoliberalari aurre egiteko eta Euskal herriarentzat subirautza eskatzeko eta eskuratzeko.

Maiatzak 1ean Astrabuduan elkar ikusiko dugu.

Sopeloztarrek Greba Oorkorra babestu dute. Goizeko lehenengo ordutik Udaletxeko atarian langileak elkartu dira sarrera oztopatzen. Udaletxea itxita egon da. Ordu berean herriko lehenengo mobilizazioak burutu dituzte eta goizeko 10:00ak aldera 60 lagunek giza katea egin dute herrian zehar. Ertzaintza gertutik jarraitu ditu eta hainbat unetan tentsioa egon da.

Eguerdirako herri osoa, hondartzako tabernak salbu, itxita zegoen. 15:30etan elizatik kotxe karabana abiatu da. Hondartzako tabernetara abiatu dira eta bertatik bira batzuk eman eta gero Barrikaldeko beste kotxe karabanekin bat egin dute Gorlizko hondartzaren parean. Bertan zabalik zeuden Eroski saltokietan presioa egin eta gero herri guztietatik pasatu dira eta arratsaldeko 18:30etan Larrabasterrako plazan gelditu dira bertan bilduta zeuden gainontzeko auzokideekin bat eginez

18:30etan manifestazioa abiatu da eta 300 lagun baino gehiago Sopelako kaleetatik ibili dira lan erreformaren aurkako oihuak botatzen. Sopelako Udaletxearen aurrean manifestua irakurri dute eta grebaren arrakasta nabarmendu eta txalotu ostean borrokan jarriatzeko deia egin dute, mobilizazio egun luze honi amaiera emanez.

Ondoan manifestazioaren bideoa ikusgai duzue.

Varias han sido las movilizaciones y actividades que la Comisión de Huelga de Sopela ha realizado durante estos días con el fin de informar de la reforma llevada a cabo por el Gobierno Español, aclarar los acontecimientos que han desencadenado la crisis económica  y  la necesidad  de un cambio laboral y social en Euskal Herria. Así, invitan a participar a todos y todas las Sopeloztarras, en las diferentes movilizaciones programadas para la jornada del 29 de Marzo. A las 10.00 concentración en la Plaza del Ayuntamiento, a las 15.30 coche caravana desde la iglesia y a las 18.30 manifestación desde la Plaza de Urgitxieta.  

Egun hauetan langabeziaren datuak argitaratu dira. Hona hemen Sopelari dagozkionak:

***2011. urtearen amaieran Sopelan 788 lagun zeuden langabezian, (414 emakume eta 374 gizon).  Kopuru honek hazkunde txikia adierazten du iazko datuekin alderatuz, 2010. urtearen amaieran 749 lagun baitzeuden langabezian.

***Adinari erreparatuz, talderik kopurutsuena 25 eta 44 urte bitartekoa da,  426 lagun; gero 45 urtetik gorako multzoa, 301 lagun baitaude langabezian eta azkenik 25 urtetik beherakoak, 61 izanik.

***Lan sektorei begiratuz, 9 lagun daude nekazaritza arloan, 120 industrian, 75 eraikuntzan, 517 zerbitzuetan eta 67k ez zeukaten aurretiaz lanik.

Urte amaierako datu hauek larriak badira ere, langabeziaren daturik altuenak apirilean eman ziren, une hartan 879 bizi lagunek izena emana zutelako INEMen.

Datu gehiago, estatistikak e.a.: foro-ciudad

Gaur, hilak 29, transexualitatearen despatologizaziorako nazioarteko ekintza eguna egingo dute Sopelan, Gaztehgam-ek, Euskal Herriko Gazteria Sexu Askapenerako Mugimenduak, deitua “Sistemak ez gaitu definitzen!” lelopean.

Gaztehgam-ek iragarri duen bezala, “bere garaian homosexualitatea egon zen bezala, gaur egun oraindik badaude eskuliburu psikiatriakoetan agertzen diren identitate sexualak, hala nola, transexualitatea”. Horren berri emateko eta errealitate hori ezagutarazteko eta eztabaida sortzeko asmoz, nazioarteko ekintza eguna ospatuko dute Sopelako udaletxeko plazan, 18:30etik aurrera. Besteak beste, elkarretaratzea, erakusketa eta ekitaldia izango dira.

Hona hemen Gaztehgam taldearen idazkia…

Sistemak ez gaitu definitzen!

Trans Nortasuna Despatologizatzearen aldeko Nazioarteko Saretik, behin eta berriro egiten dugun moduan, geure nortasunaren psikiatrizazioa salatu nahi dugu. Genero edota nortasun sexualaren nahasketaren —TIG delakoaren— ondorio larriak ere salatu nahi ditugu. Eta, gainera, agerian jarri nahi dugu, indarrean dirauten mediku-prozeduren bidez, pertsona intersexualen aurka gauzatzen den bortizkeria.

777 sopeloztar daude langabezian iraileko datuen arabera. Kopururik altuena apirilean eman zen, hain zuzen ere 879 lagunek zuten izena emana INEMen. Geroago, udan zehar, langabeziak zertxobait behera egin du, nahiz eta oraindik lagabetuen kopurua altua izan taulan ikus daitekeen bezalaxe.
Hona hemen datuen laburpena:

Sopelan 777 bizilagun daude langabezian irailaren datuen arabera.

Sexuari begira: 418 emakume dira, eta 359 gizon.

Adinari begira: 59 lagun (25 urtetik behera); 422 lagun (25 eta 44 urte bitartean) eta 296 lagun (45 urtetik gora)

Lan sektoreei begira: nekazaritzan 8; Industrian 118; Eraikuntzan 80; Zerbitzuetan 515; eta aurretiaz lanposturik gabe 56.

Datu gehiago: foro-ciudad

Apiralaren datuak ezagutu ondoren, Sopelan 879 biztanle daude langabezian. Gogoan har dezagun, sopela-netek informatu zuenez, 2010 urtearen amaieran 749 lagun zeudela langabezian.

Hona hemen datuen laburpena:
Sopelan 879 bizilagun daude langabezian apirilaren datuen arabera
Sexuari begira: 462 emakume dira, eta 417 gizon.
Adinari begira: 69 lagun (25 urtetik behera); 489 lagun (25 eta 44 urte bitartean) eta 321 lagun (45 urtetik gora)
Lan sektoreei begira: nekazaritzan 10; Industrian 119; Eraikuntzan 87; Zerbitzuetan 596; eta aurretiaz lanposturik gabe 67.

Aipa daiteke, 2007. urtearen amaieran, krisia “lehertu” baino lehen Sopelan 440 lagun zeudela langabezian, beraz krisiaren eragina gure herrian ere oso nabaria da, grafiketan ikus daitekeenez, 2007 aurrera ia etengabe hazi baita langabetuen kopurua. Datu gehiago: foro-ciudad

Gernikako sinatzaileek egindako agerraldian, datorren ostegunean, hilak 14, burutuko den manifestazioaren berri eman dute. Bertan arratsaldeko 20:00etan, Astelehenean Iontxu eta Gabiren ongi etorrian, ertzantzaren eskutik pairatutako erasoa salatuko dute. Agerraldian zaurituen argazkiak erakutsi ziren.                            ( Argazkia 1, argazkia 2, argazkia 3, argazkia 4 )

Agerraldiko bideoa:

http://www.youtube.com/watch?v=4d9diQBG6tM