Atzoko Greba Orokorra oso arrakastatsua izan da. Nahiz eta Gobernuek eta patronalak desakreditatu nahi izan duten, ezin izan dute estali kalearen ohiu ozena. Grebak oso jarraipena handia eduki zuen eta mobilizazioak jendetsuak izan ziren. Atxiloketak eta zaurituak ere egon ziren.

Sopelan salbuespen batzuk kenduta tabernak eta dendak itxita egon ziren. Arratsaldez 340 herritarrek manifestazioa burutu zuten eta Udaletxeko plazan borrokan jarraitzeko deia egin zuten.

{youtube}OIF5Oww8bgA{/youtube}

26ko Greba Orokorra hurbiltzen ari da eta gero eta enpresa batzorde gehiago bat egiten ari dira deialdiarekin. Horrekin batera, Europatik eta Madriletik datozen berriak ez dira batere onak. Datozen asteetan murrizketa gehiago inposatuko dizkigute baldin eta herritarrak ez bagara mugitzen.

26an, asteazkenean, Euskal Herriaz aparte Greba Orokorrak burutuko dituzte bai Galizan eta baita Grezian ere. Sopelan goizeko 10:00etan bilkura egingo dute Udaletxeko Plazan herritik informazioa banatzeko. Arratsaldez, Greba Batzordeak deituta manifestazioa egingo dute arratsaldeko 18:30etan eta Larrabasterratik abiatuko da Udaletxeko plazan amaitzeko. Manifestazio hori baino lehenago Barrikaldeko herrietako herritarrak Gorlizen elkartuko dira kotxe karabana erraldoi bat osatzeko eta Gorlizetik Berangoraino, herri guztiak zeharkatuko dituzte. Kotxe Karabana Larrabasterran amaituko da Greba Batzordeek deitu dute manifestazioan parte hartzeko.

{youtube}3kFg3Uvf8kw{/youtube}

{youtube}473Y7zMMXTM&feature=plcp{/youtube}

Datorren 26an, asteazkena, Euskal Herri osoan Greba Orokorra deitu dute eraso neoliberala salatzeko. Sopelan Greba Batzordea eratu dute eta laster deialdiak zabalduko dituzte. Bitartean herriko dendetatik eta tabernetatik pasatzen ari dira deialdi honekin bat egiteko gonbidapenak banatzen. Bitartean Euskal Herriko herri eta auzo guztietan deialdia zabaltzen ari dira. Goiko bideoan Laudioko gazteek egindako muntaiak dituzue. Dudarik gabe, oso ondo adierazi dute gazteak eta denok pairatzen ari garen egoera.

Ostegun honetan, hilak 20, Paul Nicholson Plaza Beltza Kultur gunean izango da 19:30ean.

Paul Nicholson EHNE Bizkaia eta Via Campesinako kide ezaguna dugu, eta irailaren 26an deituriko greba deialdiaren harira, “Alternatibak kapitalismoaren aurrean” izango du hizketa-gaia.

Espainiar Gobernuak inposatu dituen neurriek egoera erabat astoratu dute. “Merkatuek” ez dute aski eta gehiago eskatzen ari dira. Hori lortzeko martxan ipini duten beldurra eta txantaia hedatzeko etengabeko kanpaina agerikoa da.

Egoera honen aurrean Greba Orokorra deitu dute Euskal Herrian datorren irailaren 26rako. Baina egun hori heldu arte euskal sindikatuek eta eragileek mobilizazioa elikatzeko ekimenak antolatu dituzte.

LAB sindikatuak datorren uztailaren 24rako, asteartea, elkarretaratzeak deitu ditu Uribe Kostan. Deialdia PPren egoitzaren aurrean eta goizeko 11:00etan izango da. PPk Getxon duen egoitza Zugazarte etorbidearen 8. zenbakian dago. Beraz, baduzue zuen haserrea azaltzeko beste aukera bat.

Gaur arratsaldez azken murrizketen aurkako mobilizazioa burutu dute Algortako Telletxen. ELA, LAB, ESK, STEE-EILAS sindikatuek eta eragile ezberdinek deituta elkarretaratze zaratatsua burutu dute. Bertan herritarrak, ordezkari sindikalak, eragile ezberdinen partaideak eta EHBILDUren kideak batera aritu izan dira zarata ateratzen azken murrizketa hauek salatzeko. Bertan adierazi dutenez, datozen asteetan mobilizazioak ugalduko dira eta haietan parte hartzeko deia egin dute. Hona hemen mobilizazio honen bideo laburpena.

{youtube}xlj0mpsegV4{/youtube}

 

Pasa den igandean Ezker Abertzalea, Eusko Alkartasuna, Alternatiba eta Aralar alderdiek osatzen duten ezkerreko aliantza independentistak haien eredu ekonomikoa lantzeko proposatzen dituzten oinarriak aurkeztu zituzten.

Iberdrolaren dorrearen ondoan dagoen EHUko paraninfoan elkartu ziren lau alderdi hauen kideek eta haien izenean Dani Maeztuk, Peio Urizar eta Gazte Independentistek hitza hartu zuten pairatzen ari garen krisi-estafa ekonomikoari irtenbidea emateko kontutan hartzeko gakoak zeintzuk diren azaltzeko. Guztien ahoan herri honek duen burujabetzaren beharra egon zen. Honekin batera, herritarren gehiengoaren beharrei erantzungo dien politiko ekonomikoaren beharra aldarrikatu zuten. Beste aldetik, ekitaldian parte hartu zuten gazteek haien egoera latza azaldu zuten eta sistema hetereopatriakala gaindetzeko beharra agerian utzi zuten.

Ekitaldian irudiak eta bideoak proposamen hau era pedagogikoan azaltzeko erabili zituzten. Hona hemen alternatiba sozioekonomikoaren nondik norakoak azaltzeko erabilitako bideo horietariko bat eta gazteen interbentzioa.

{youtube}RlANldE8AaQ{/youtube}

{youtube}I2Pv59X1yAE&feature=relmfu{/youtube}

Maiatzaren 1ean Ezker Abertzalea, Eusko Alkartasuna, Alternatiba eta Aralar alderdiek Euskal Herrian osatu duten alternatiba independentista eta ezkertiarraren programa sozioekonomikoa aurkeztu zuten. Datorren larunbatean, maiatzaren 26an, Bizkaiak behar duen beste eredu ekonomikoaren oinarriak aurkeztuko dituzte. Goizeko 11:30etan eta Bilboko EHU-UPVren Paraninfoan ekitaldi politikoa burutuko dute. Dudarik gabe ekitaldi interesgarria izango da Bizkaian eta Euskal Herri osoan martxan dagoen alternatiba independentista eta ezkertiarraren proposamen estrategikoa ezagutzeko.