Gaur arratsaldez azken murrizketen aurkako mobilizazioa burutu dute Algortako Telletxen. ELA, LAB, ESK, STEE-EILAS sindikatuek eta eragile ezberdinek deituta elkarretaratze zaratatsua burutu dute. Bertan herritarrak, ordezkari sindikalak, eragile ezberdinen partaideak eta EHBILDUren kideak batera aritu izan dira zarata ateratzen azken murrizketa hauek salatzeko. Bertan adierazi dutenez, datozen asteetan mobilizazioak ugalduko dira eta haietan parte hartzeko deia egin dute. Hona hemen mobilizazio honen bideo laburpena.

{youtube}xlj0mpsegV4{/youtube}

 

Pasa den igandean Ezker Abertzalea, Eusko Alkartasuna, Alternatiba eta Aralar alderdiek osatzen duten ezkerreko aliantza independentistak haien eredu ekonomikoa lantzeko proposatzen dituzten oinarriak aurkeztu zituzten.

Iberdrolaren dorrearen ondoan dagoen EHUko paraninfoan elkartu ziren lau alderdi hauen kideek eta haien izenean Dani Maeztuk, Peio Urizar eta Gazte Independentistek hitza hartu zuten pairatzen ari garen krisi-estafa ekonomikoari irtenbidea emateko kontutan hartzeko gakoak zeintzuk diren azaltzeko. Guztien ahoan herri honek duen burujabetzaren beharra egon zen. Honekin batera, herritarren gehiengoaren beharrei erantzungo dien politiko ekonomikoaren beharra aldarrikatu zuten. Beste aldetik, ekitaldian parte hartu zuten gazteek haien egoera latza azaldu zuten eta sistema hetereopatriakala gaindetzeko beharra agerian utzi zuten.

Ekitaldian irudiak eta bideoak proposamen hau era pedagogikoan azaltzeko erabili zituzten. Hona hemen alternatiba sozioekonomikoaren nondik norakoak azaltzeko erabilitako bideo horietariko bat eta gazteen interbentzioa.

{youtube}RlANldE8AaQ{/youtube}

{youtube}I2Pv59X1yAE&feature=relmfu{/youtube}

Maiatzaren 1ean Ezker Abertzalea, Eusko Alkartasuna, Alternatiba eta Aralar alderdiek Euskal Herrian osatu duten alternatiba independentista eta ezkertiarraren programa sozioekonomikoa aurkeztu zuten. Datorren larunbatean, maiatzaren 26an, Bizkaiak behar duen beste eredu ekonomikoaren oinarriak aurkeztuko dituzte. Goizeko 11:30etan eta Bilboko EHU-UPVren Paraninfoan ekitaldi politikoa burutuko dute. Dudarik gabe ekitaldi interesgarria izango da Bizkaian eta Euskal Herri osoan martxan dagoen alternatiba independentista eta ezkertiarraren proposamen estrategikoa ezagutzeko.

Euskal Herriko sindikatuek eta eragile ugarik politika neoliberalak astero inposatzen dizkigun murrizketak salatzeko manifestazioak burutzeko deia egin dute. Maiatzaren 20an, Bilbon manifestazioa egingo dute eguerdiko 12:00etan Zabalburuko plazatik abiatuta. Egun berean Gasteizen ere manifestazioa burutuko dute eta datorren 26an Irunean eta Donostian manifestazio bana burutuko dute.

Horretaz gain instituzio guztiei Raxoiren Gobernutik agindutako politika neoliberala ez aplikatzeko deia egin diete. Osasungintzan zein irakaskuntzan agindutako murrizketak bertan behera uzteko jarrera insumisoa ezinbestekoa dela aldarrikatu dute. Deialdi hau egin dutenean murizketa sozialak geldiarazteko herriaren borroka eta mobilizazioa ezinbestekoa dela ekarri dute gogora.

Deialdi hau burutuko dute, zerbitzu publikoetan ELA, LAB, STEE eta ESK sindikatuek deitutako Grebaren inguruan izugarrizko anabasa sortu denean. Greba publikoki deitu eta gero, ELA eta STEE sindikatuek atzera egin dute benetako arrazoiak zeintzuk diren argitu gabe. Igande honetan bi sindikatu hauek mobilizaziorako deia egingo dute eta era berean haiek deitutako greba bat bertan behera utziko dute politikak bere baitan mantentzen diren bitartean. Ulertzeko zaila benetan!

Edozein kasuan, argi dago murrizketei eta inposaketei aurre egiteko herritarrok mobilizatu beharrean gaudela. Beraz, igande honetan denok BIlbora.

Gaur eguerdian Astrabuduan LAB sindikatuak 500 pertsona bildu ditu eta Erandioraino martxa egin dute. Maiatzaren lehena dela eta pairatzen ari garen eraso neoliberalari aurre egiteko deia egin dute eta aldi berean beste eredu sozioekonomikoa garatu ahal izateko subirautsa politikoa ezinbestekoa dela aldarrikatu dute.

Behin Erandiora helduta, bildutakoek bertako plazan prestatutako ekitaldi politikoa entzun dute. Bertan, langabetuek, gazte independentistek eta zerbitzu publikoetako langileek euren mezu berezitua zabaldu dute. Ekitaldian euskal preso politikoak gogoan izan dituzte eta amaitzeko LABen arduraduna den Arantxi Sarasolak irakurketa orokorra egin du. Azken mezu honetan ezker abertzale osoaren oinarri sozialaren borrokarako portaera txalotu du eta gainean datorkigun enbata neoliberalari aurre egiteko prestutasuna edukitzeko deia egin du. Maiatzak 1 honekin amaitzeko, ekitaldia eta gero, herri bazkaria egin dute.

Aurtengo Maiatzaren Lehenak egoera ekonomikoarekin eta ofentsiba neoliberalarekin markatuta dator. Euskal gehinego sindikalak greba orokorra arrakastatsua deitu zuen eta gutxi barru Amaiur inguruan elkartu berri diren alderdi politikoek alternatiba sozioekonomikoa aurkeztuko dute.

Bitartean Espainiar Gobernuak gero eta eraso gehiago iragartzen ari da eta ez da amaierarik ikusten abian jarri berri duten ofentsiba honetan. Bitartean, euskal gehiengo sindikala baldintzatuta dago ELA sindikatuak hartu duen erabakia dela medio. Batasuna berreskuratzeko eta eskenatoki berri baten aldeko apustu garbia egiteko biderkatzen ari dira. Euskal Herrian denbora berria martxan ipintzen ari da eta egoera sozioekonomikoak independentziaren aldeko jarrerak gero eta ugariagoak izateko argudio gehiago agerian utzi du.

Abagune horrekin LAB sindikatuak Maiatzaren lehena eskualdeka ospatzeko deia egin du. Uribe Kostan LABen manifestazioa Astrabuduako Josu Murueta Plazan eguerdiko 12etan hasiko da Erandioko plazan amaitzeko. Erandion ekitaldia egingo dute eta horren ostean herri bazkaria antolatu dute. Herri bazkarian parte hartzeko tiketak salgai egongo dira ostirala arte. Beraz, ahalik eta lasterren erostea gomendatzen dute.

Maiatzak 1 hau azken mobilizazio erraldoien segida izango da eta laster ekimen berriak iragartzen ari dira. Dena gutxi izango da ofentsiba neoliberalari aurre egiteko eta Euskal herriarentzat subirautza eskatzeko eta eskuratzeko.

Maiatzak 1ean Astrabuduan elkar ikusiko dugu.

Sopeloztarrek Greba Oorkorra babestu dute. Goizeko lehenengo ordutik Udaletxeko atarian langileak elkartu dira sarrera oztopatzen. Udaletxea itxita egon da. Ordu berean herriko lehenengo mobilizazioak burutu dituzte eta goizeko 10:00ak aldera 60 lagunek giza katea egin dute herrian zehar. Ertzaintza gertutik jarraitu ditu eta hainbat unetan tentsioa egon da.

Eguerdirako herri osoa, hondartzako tabernak salbu, itxita zegoen. 15:30etan elizatik kotxe karabana abiatu da. Hondartzako tabernetara abiatu dira eta bertatik bira batzuk eman eta gero Barrikaldeko beste kotxe karabanekin bat egin dute Gorlizko hondartzaren parean. Bertan zabalik zeuden Eroski saltokietan presioa egin eta gero herri guztietatik pasatu dira eta arratsaldeko 18:30etan Larrabasterrako plazan gelditu dira bertan bilduta zeuden gainontzeko auzokideekin bat eginez

18:30etan manifestazioa abiatu da eta 300 lagun baino gehiago Sopelako kaleetatik ibili dira lan erreformaren aurkako oihuak botatzen. Sopelako Udaletxearen aurrean manifestua irakurri dute eta grebaren arrakasta nabarmendu eta txalotu ostean borrokan jarriatzeko deia egin dute, mobilizazio egun luze honi amaiera emanez.

Ondoan manifestazioaren bideoa ikusgai duzue.

Varias han sido las movilizaciones y actividades que la Comisión de Huelga de Sopela ha realizado durante estos días con el fin de informar de la reforma llevada a cabo por el Gobierno Español, aclarar los acontecimientos que han desencadenado la crisis económica  y  la necesidad  de un cambio laboral y social en Euskal Herria. Así, invitan a participar a todos y todas las Sopeloztarras, en las diferentes movilizaciones programadas para la jornada del 29 de Marzo. A las 10.00 concentración en la Plaza del Ayuntamiento, a las 15.30 coche caravana desde la iglesia y a las 18.30 manifestación desde la Plaza de Urgitxieta.