Erantzunik gabeko galderak…
Zein izango da garraiobide publikoa? Maiztasunak handituko dira? Linea berriak zabalduko dira?….
Nondik igaroko dira ospitalera doazen errepideak? Hiriguneak zeharkatuko dituzte? Zelan kudeatuko da trafikoa? Nondik igaroko dira anbulantziak, erabiltzaileak, eta langileak?…
Zer eragina izango du ospitalearen zabalerak gure bizimoduan? Zaratak, CO2 isurketak…
Zenbat aparkaleku egongo da Urdulizen? Aparkatzea erraza izango al da? Kotxea uzteagatik ordaindu beharko da?…

Hau bezalako galderak mahairatu dituzte Uribe Ospitalea Plataformako kideek, orain arte erantzunik gabeko galderak.

Uribe Ospitalea Plataforma
Urdulizeko ospitalearen irekiarekin batera sortuko diren arazo hauei guztiei aurre egiteko nahian aurkeztu zen larunbatean, hilak 20, Uribe Ospitalea Plataforma. Aurkezpena Sopelako Kurtzio Kultur Etxean egin zen herri asanblada ireki baten bidez eta orain arte lanean aritu diren SUSAN (Sopela Urduliz Saihesbidea noizko?)eta Urduliz Rurala elkarteko kideek bideratu zuten. Plataformak ez du zalantzan jartzen ospitalearen beharra, ospitalea zabaltzeko baino lehen dauden kezka guztien erantzun falta baizik.

Ospitaleak 23 herritako 197.000 biztanleri emango dio zerbitzua: Mungialde osoan, Uribe Kostako herri guztiei, Bakiori… eta herri hauetan guztietan zanlantza eta kezka ugari daude eta administrazioek ez dute orain arte funtzesko erantzunik eman. Zenbait eskualdetan garraio eza da arazoa, gaur egun ez baitago inolako aukerarik Urdulizera heltzeko; beste herri batzuetan, Sopela kasu, trafikoaren gehikuntza ikaragarria herri gunetik, eta azkenik Urdulizen batuko diren auto pilaketa, honek dakarren aparkatzeko zailtasunak eta Urdulizeko herri izaeran aldaketak.

Plataformako kideek orain arte egindako lana azaldu zuten, eta jakinarazi dute idazki bana aurkeztu dutela udal guztietan gaia planteatuz. Honez gain SUSAN elkarteak sinadura bilketa bati ekin dio Change.org plataforma digitalaren bidez. Plataformako kideek jakinarazi egin zuten ere orain arte EHbilduk lagundu duela lan instituzionalean informazioa pasatuz, mozioak aurkeztuz Bizkaiko Batzar Nagusian eta Sopelako udalean egindako ikerketan plazaratu ziren alternatibak ezagutaeaziz.

Bilerako parte-hartzaileek nabarmendu zuten herritar guztiei helarazi egin behar zaiela informazioa, instituzioen erantzunik ezean mobilizazioaren beharra azpimarratu zen eta udal guztietan mozioak aurkezteko aukeraz ere aritu ziren. Sopelari dagokionez, dauden alternatiben artean eztabaida publiko edo erreferendum bat egitearen aldeko iritziak ere entzun ziren.

Sopela.net-ek zenbait artikulu argitaratu du gai honi buruz

• Debate en el pleno de Sopela sobre los accesos al Hospital de Urduliz
• Sopela retira el recurso contra Urduliz
• Hospital de Urduliz y calidad de vida en Sopela: historia de un despropósito
• El día 25, reunión vecinal sobre los accesos al hospital de Urduliz
• Honda preocupación entre el vecindario de Larrabasterra y Olabide por los accesos al hospital de Urduliz
• Sopela: reunión con los vecinos sobre los accesos al nuevo hospital

Sopelako SUSAN Elkarteak (Sopela-Urdulizko Saihesbidea, Noizko?) sinadura bilketa bati ekin dio change.org – sare sozialaren bidez.

SUSAN Sopela eta Urdulizeko lotura politikorik gabeko auzokideen elkartea da, eta arduratuta daude Urdulizeko ospitalearen irekierak sortuko duen trafiko gehikuntzarekin Sopelan eta Urdulizen.

SUSAN elkarteak ez du kuestionatzen ospitalearen irekiera; sinadura bilketa honen bidez Bizkaiko Foru Aldundiari ospitalerainoko sarbideen eta errepideen egokitzapena eskatzen dio herrien guneko trafikoa murriztu dadin. Ospitale honek 197.000 biztanleri zerbitzua eskainiko diola aintzat hartuz, SUSANek ospitalearen irekiaren aurrean orain arte egon den instituzioen utzikeria eta axolagabekeria salatzen du bizilagunen bizi-kalitate baldintzak kaskartuko direlako: trafikoaren gehikuntza, airearen kutsadura, dezibelioen gehikuntza, aparkalekuen murrizketa, eta hori guztia haur kopuru oso altua duten herrietan…

Sinatzeko interesik baduzu eta gai honetaz gehiago jakin nahi baduzu, sakatu hemen

Sopela.net-ek hiruhilero argitaratzen ditu langabeziaren datuak Sopelan; horrela, 2015. urtearen amaieran gure herrian 765 langabetu zeuden.

Emakume gehiago
765 langabetu hauetatik, 404 emakume eta 361 gizonak ziren. Adin tarteari dagokionez,  27 lagunek 25 urte baino gutxiago dute, 377 lagunak 25 eta 44 urte bitartekoak dira, eta azkenik 361 pertsonek dute 45 urte baino gehiago.

Kontratazio mota
Argi dago kontratazioan prekarietatea nagusitzen dela; kontratazio mota aztertzen badugu, 2015eko abenduan 153 lan kontratu gauzatu dira Sopelan, eta horietatik 12 bakarrik behin betikoak izan dira eta aurretiaz zeuden behin behinekoen artean 4 bakarrik bihurtu dira behin betikoak; beste guztiak, alegia 137, behin behinekoak izan dira. Sektoreka aztertzen badugu,107 kontratu zerbitzuetan izan dira; industrian 38; eraikuntzan 7 eta nekazaritzan 1.

Azken urteetako eboluzioa
2008ren amaieran, krisiaren hasieran nolabait esateko, 561 langabetu zeuden Sopelan
2009n…………..726
2010ean……….749
2011n…………..788
2012an…………902
2013an…………889
2014an……….854

Datu hauek guztiak Espainiako Ministerio de Empleo y Seguridad Social-ak emandakoak dira. (SEPE, Sevicio Público de Empleo Estatal)

Sopela.net-ek “mundu osoko sopeloztarrak” artikulua argitaratu zuen Sopelan bizi ziren atzerritarren datuak emanez. Orain kontrako galdera ere egin daiteke: zenbat sopeloztar bizi dira Sopelatik kanpo?

Haueskunde besperan gaudela aprobetxatuz “Censo Electoral de españoles residentes en el extranjero” delako txostenean ondorengo datu aurkitu dugu: 2015eko urrian 155 sopeloztar bizi dira Estatu Espainoletik kanpo.

Krisiaren eragina ote?
Zehaztasunez ezin bada erantzun, merezi du datu hau eta “krisiaren” hasieran zegoena alderatzea: iturri bereko datuak erabiliz, 2008. urtearen hasieran 91 ziren kanpoan erroldatuta zeuden sopeloztarrak: 8 urtetan % 70 gehiago.

Aste honetan (2015eko abenduaren 12an) EUSTAT-ek (Euskal Estatistika Erakundea) argitaratu ditu atzerriko biztanleen kopurua EAEn.

Sopelako atzerritarren datuak

Sopela.net-ek Sopelari dagozkion atzerritarren datuak bilatu ditu:

Sopelak, osotara 12.401biztanle ditu eta hauetariko 9.974 bizkaian jaio dira, 150 gipuzkoan eta 86 araban. Nafarroako datuak, edo iparraldekoak ez dira era berezituan agertzen, Nafarrokoak Estatu Espainolean sartzen dira, eta iparraldekoak gainontzeko Europakoetan). EUSTATen datuen arabera, 11.940 lagun Estatu Espainolean jaioak dira eta 461 “atzerrian”.

Hona hemen atzerrian jaiotako sopeloztarren datuak:

• Ekialdeko Europan jaioak: 56
• Gainontzeko Europan: 92
• Magreben: 12
• Gainontzeko Afrikan: 8
• Hego Amerikan: 201
• Gainontzeko Amerikan: 47
• Asia eta Ozeanian      45

Alternatiben herria geroz eta atxikimendu gehiago lortzen ari da, Sopelako gazte mugimenduak ere “alternatiben herrira” ekimena joateko deialdia zabaldu dau. Zapatuan 9.00etan urtengo dira Bilborantz, Azaroak 1an Sekeko gaztetxean ikasitakoa eztabaidatuko dabe.

“Zapatu honetan Euskal Herriko Eskubide Sozialen Kartaren Asanbladak BilbonAlternatiben Herria ekimena antolatu du. Sopelako Gazte Mugimendutik ekimen honetan parte hartzeko deia zabaldu nahi dugu. Bilbora joateko zapatuan 9:00etan metro geltokian kedada egin dugu.
Alternatibak egun bateko kontua ez direnez datorren asteko domekan (azaroak 1) 18:00etan gaztetxean alternatiben inguruko eztabaida egitea proposatu dugu eta honen ostean Domeka Beroak hasiko dira ostabere!
Alternatiben Herriaren programa: http://alternatibenherria.eus/2015/10/17/zer-egongo-da-alternatiben-herrian-hemen-informazio-guztia/“

BIZITZA BURUJABEA ESKUBIDE OSOZ!

Sopela.net-ek hiruhilero argitaratzen ditu Sopelako langabeziaren datuak, eta ekainekoak argitaratu genuenetik etengabe egin du gora langabetuen kopurua.

816 langabetu

816 sopeloztar zeuden langabezian irailaren amaieran SEPEk (Servicio de Empleo Publico Estatal) emandako datuen arabera. Gogoan har dezagun ekaineko datuak argitaratu genuenean 780 herritar zeudela langabezian. Geroztik, langabetuen kopurua hazi egin da: uztailean 783, abuztuan 810 eta esan dugun bezalaxe, irailean 816. Argi dago udan sortu ohi den garaiko lanak ez duela inolako eraginik izan gurean, eta hainbat arduradun politikoek barra-barra darabiltzaten argudio “baikorrek” ez dutela inolako oinarririk.

Emakume gehiago

Langabeziak eragin gehiago du emakumeen artean: langabetuen artean 456 emakume dira eta 360 gizonak. Adin tarteari dagokionez,  41 lagunek 25 urte baino gutxiago dute, 395 lagunak 25 eta 44 urte bitartekoak dira, 380 pertsonek dute 45 urte baino gehiago. (Adin tarte hauek SEPEk ezartzen ditu)

Honen moduko artikuluak:

Langabezia 2014. Urtearen bukaeran

Langabezia 2015. Urteko lehen hiruhilekoan

Langabezia 2015. Urteko bigarren hiruhilekoan

Irailaren 27an bete ziren 40 urte erregimen frankistaren azken fusilamenduetatik: Juan Paredes Manot (Txiki), Ángel Otaegui, José Humberto Baena, José Luis Sánchez Bravo eta Ramón García Sanz.

Urteurren hau gogoan, Meñakoz Kultur Elkarteak hitzaldia antolatu du Sopelan, urriaren 9an 19:30ean Kurtzio Kultur Etxean “borrokalari guztiak, biktima guztiak” izenpean.

Hitzaldian hartuko dute parte: Diego Paredes (Txikiren anaia), Martxelo Alvarez (ahaztuak) eta Txamba Payes (el Salvadorreko abeslaria)