Sopela.net-ek hiruhilero argitaratzen ditu langabeziaren datuak Sopelan; horrela, 2020ko ekainaren amaieran gure herrian 763 langabetu zeuden. Honek suposatzen du biztanleon %11,4. Ukaezina da Covid 19aren osasun krisiak izan duen eragina egoera ekonomikoan, horrela, iazko ekainarekin alderatzen badugu, 2 puntu igo ditu langabetuen kopuruak. (2019ko ekainean %9,6; 646 lagun)

Eragin gehiago: emakumeengan, adinekoengan eta zerbitzuetan

“Heteroarauari sua” lelopean, Stonewalleko liskarrekin bat eginez eta LGTBI pertsonen eskubideen alde borrokatuz, hainbat ekitaldi antolatu dira Sopelan.

Ekainaren 25ean (osteguna) transexualitateari buruzko hitzaldia izango da Plaza Beltzan. Hitzordua 18:30ean da Bea Savater eta Izaro Antxiaren parte hartzearekin.

Larunbatean, hilak 27, 20:00etan manifestazioa Sopelako elizan hasita.

Hilaren 28an, igandean, Stonewallen liskarrekin bat eginez, manifestazioa Bilbon, 18:30ean

Stone Wall, gogoan eta ohore

Covid 19ak eragindako osasun krisia dela-eta, langabeziak gora egin du Sopelan. Apirilaren amaieran, gure herriko langabezia-tasa %11,2koa zen, alegia, 773 herritar zeuden egoera honetan.

2019. urtearen amaieran (abenduan) Sopelako langabezia-tasa %9,4koa zen (673 lagun); beraz %1,8 igo da tarte honetan. Igoera martxoan hasi zen sumatzen osasun krisia hasteaz batera: langabezia %10,7koa izan zen (735 herritar)

Ezkutuan dauden errealitateak: emakumeak, zerbitzuak, DBE (RGI), EBEE (Erteak)…

Sopela.net-ek beti egin du bat Maiatzaren Lehenarekin eta eskualdeko mobilizazioez informatu du. Aurten, bizi garen egoera berezian, aldarria “Bizitza erdigunera, nuestro trabajo transforma el mundo” da eta zenbait ekimen antolatu dira, modu ezberdinean bada ere:

09:45 Kotxe karabana Gorlizeko Eroskiko parkingetik: Gorliz, Plentzia, Urduliz, Sopela eta Berango

11:30 Streaming bidezko emanaldiaren hasiera.

• 11:35 Hokoke dokumentala.
• 12:30 EKITALDI NAGUSIA.:  Agur internazionalista: Ulises Guliarte, Central de Trabajadores de Cubako idazkari nagusia eta Garbiñe Aranburu, LABeko idazkari nagusia.
• 16:30 Hotel explotación documentala.
• 17:30 Zaintzaren inguruko solasaldia.
• 18:20 Shock-aren doktrina dokumentala.
• 19:45 Mundua eraldatu duten langileei txaloak. (W.)

Egoera zailetan pertsonen alderik onenak eta txarrenak azaleratzen dira. Ez ditugu txarrak aipatuko, komunikabideek eta sare sozialek etengabe errepikatzen baitizkigute.

Sopela.net-ek, aldiz, alde ona azpimarratu nahi du; eta Sopelan hiru ekinbide on eta txalogarri agertu dira gaur. Ziur aski ez dira Sopelan berez bakarrik sortu, beste herri askotan ere antzeko jarduerak egiten ari direlako baina merezi dute aipamena.

Elkarri laguntzeko herritarron sarea:

Orain dela hilabete oso bat, otsailaren 6an, Zaldibarko zabortegiaren hondamendia gertatu zen: kraskatu eta amildu egin zen. Hainbat egunetan albiste honek telebista kate guztien informatiboak zabaldu zituen eta egunkari guztietako lehen albistea izan zen.

Denbora aurrera doa, gaurkotasuna atzera, eta orain guztion ahotan dagoen gaia Koronabirusa da (ulergarria da); baina ezin da ahaztu, ezin dugu ahaztu, istripu hartan bi pertsona hil zirela eta hilabete oso honetan oraindik ez dituztela aurkitu, haien gorpuak desagertuta daudela.

Elkarretaratzea

Gaur, urtarrilak 23, “Greba kalejira” izan da Sopelan urtarrilaren 30ko grebari begira. Lagun talde handia batu da udaletxe atzeko ainguran 20:00etan eta herriko zenbait tokitatik joan dira kartelak jartzen eta esku-orriak banatuz trikiaren doinuez lagundurik. Sopelan urtarrilaren 10ean antolatu zen greba batzordeak deitu du gaurko ekintza hau eta datozen egunetan burutuko diren beste batzuk.