Sopelakoetan ere: kutsadura fekala
Ekainaren 4tik Uribe Kostako hondartzek, Sopelakoak barne, bandera gorria izan dute kutsadura fekalengatik. Azalpen ofizialen arabera, aurreko egunetan (ekainaren 3an) izandako euri jasak direla-eta, Galindoko araztegiak tratatu gabeko ur kopuru ezezagun bat libratu eta itsasoratu behar izan du.
EHBilduren ekimena Bizkaiko Batzar Nagusietan
EHBilduk Bizkaiko Batzar Nagusietan galdera erregistratu du emandako kutsatze egoerari buruz azalpenak eta argibideak eskatuz. Gertatutakoaz azalpenak eskatzeaz gain, hartu diren eta hartuko diren neurriei buruzko informazioa eskatu da: ur kutsatua itsasoratzea al zen konponbide bakarra? eta, larriagoa izan daitekeena: oraingo honetan tratatu gabeko ur kopuru libratze honek sona izan du komunikabideetan hondartzen garaian izan delako, eta bandera gorria jarri behar izan delako, baina ur libratze hau “ohiko” prozedura al da euri jasa suertatzen den guztietan?
Bukatu berri den aste honetan 38 urte bete dira Dabid Alvarez Peña guardia zibilak tirokatu eta ospitalean 28 egun luze pasa ostean hil egin zela.
1977ko abenduaren 18an lau gazte Lemoizeko zentral nuklearraren aurkako ekintza prestatzen ari zirenean enfrentamendua izan zuten Guardia Zibilaren kontra. Enfrentamendu honetan David larriki zauritu zuten. Beste hiru lagunek lortu zuten aldegitea erabilitako ibilgailua han utzita; David ere han geratu zen, lurrera erori baitzen sabelean jaso zuen tiroren eraginez 25 urte zituela.
27 egun beranduago, urtarrilaren 14an, Basurtoko Ospitalean hil zen. Alvarez Peña familiak kereila kriminala jarri zuen Dabiren heriotzarengatik, baina ez zuen aurrera egin. Gaitzespen eta salaketa ugari eragin zituen haren heriotzak. Euskal Herrian leku askotara hedatu zen greba orokorra eta Basurtoko Ospitaleko langileek ere beren gaitzespena azaldu zuten David Alvarezek jasan zuen egoeraz.
Daviden familia harreman handia izan du, eta du gaur egun ere, Sopelarekin; horregatik bere oroimena beti izan da gogoan Sopelan.
