“Herri bat gara, erabakitzeko eskubidea dugu eta herritarren garaia da” aldarrikapena aintzat hartuz, Uribe Kostako Gure Esku Dago herri ekimenak 2017ko udaberrian herri-galdeketa gauzatzeko konpromisoa hartu du Barrika, Gorliz, Plentzia, Lemoiz, Sopela eta Urduliz herrietan.

Zein izango da galdera?

ADOS talde sustatzaileak hainbat bilera egingo ditu udaberriko herri-galdeketan egingo den galdera erabakitzeko, eta lehen hitzordua jarrita dago: Barrika, Sopela eta Urdulizeko herritarrek aukera izango dute honetaz hausnartzeko datorren ostiralean, abenduak 2,  arratsaldeko 19:00etan, Sopelako Kurtzio kultur etxean.

Munduan zehar
Montenegro (2006-05-21): ¿Desea que Montenegro sea un Estado independiente con completa legitimidad legal e internacional?
Georgia (1991-03-31): ¿Da su apoyo en la restauración de la independencia de Georgia de acuerdo con el Acta de declaración de independencia de Georgia de 26 de mayo de 1918?
Eslovenia (1990-12-23): ¿Debería la República de Eslovenia ser un estado independiente y soberano?
Katalunia (2014-11-9): ¿Quiere que Cataluña sea un Estado? y En caso afirmativo,  ¿quiere que este Estado sea independiente? ( X )
Eskozia (2014-9-18): ¿Debería Escocia ser un país independiente?

Euskal Herrian
Etxarri (2014-4-13): Nahi al duzu Euskal Herri independente bateko herritarra izan?
Arrankudiaga (2014-11-2): Nahi duzu euskal estatu burujabe bateko herritar izan?
Dima (2016-11-27): Euskal estatu burujabe bateko herritarra izan gura dozu? 
Bakaiku (2016-11-27): ‘Euskal Herri independente bateko herritarra izan nahi duzu?
Goierri eta Ispaster (2016-6-5): Nahi duzu euskal estatu burujabe bateko herritarra izan?.
Azpeitia eta Debagoiena-Aramaio (2016-6-5): Nahi al duzu izan euskal estatu independente bateko herritar?

Eta Sopelan:
Galdera adosteko hitzordua jarrita dago, datorren ostiralean, abenduak 2, Kurtzio Kultur etxean 19:00etan. Bilera irekia da Barrika, Sopela eta Urdulizeko bizilagunentzat.

500 lagun baino gehiagok hartu zuten parte igandean Uribe Kostako Gure Esku Dagok antolatutako mendi martxa herrikoian. Barrikatik, Lemoizetik, Sopelatik eta Urdulizetik lau adar abiatu ziren “pausoz pauso, tipi-tapa” Plentziaraino eta batez ere 2017ko udaberrian burutuko den herri-galdeketarantz.

Ados gaude, sinadurak ditugu eta udaberrian herri galdeketa

Lehen pausoa Sopelan eman zuten udaberrian Uribe Kosta ADOS talde sustatzailea aurkeztean. Egun hartan 150 lagunek “Herri bat gara, erabakitzeko eskubidea dugu eta herritarren garaia da” aldarrikatu zuten eta lau herrik konpromisoa hartu zuten herri-galdeketa gauzatzeko 2017an: Barrika, Lemoiz, Sopela eta Urduliz.

Bigarren pausuari ere une hartan eman zitzaion hasiera: herri guztietan bozka eman dezakeen biztanleriaren %10en sinadura kopurua biltzea herri-galdeketari zilegitasuna emateko. Igandean, Plentziako ekitaldian, ADOS talde sustatzaileak jakinarazi zuen herri guztietan kopuru hori lortuta dagoela.

Udaberritik udazkenera bitartean egindako bidean, beste bi herri lotu zaizkio erronkari: Gorlizek eta Plentziak ere herri galdeketa egingo dute beste lau herriekin batera.

Eta zein izango da galdera?   

ADOS talde sustatzaileak jakinarazi ere egin du datozen asteetan erabakiko dutela zein izango den udaberriko herri-galdeketan egingo den galdera eta horretarako bilera irekiak antolatuko dira: Barrikan, Sopelan eta Urdulizen abenduaren 2an (ostirala) arratsaldeko 19:00etan, Sopelako Kurtzio kultur etxean eta Lemoiz, Plentzia eta Gorliz herrietan urtarrilaren 14an (lekua eta ordua ez daude zehaztuta oraindik).

Datorren igandea, azaroak 20.

Uribe Kostako GURE ESKU DAGO herri ekimenak mendi martxa herrikoia antolatu du datorren igandean, hilak 20 “Pausoz pauso erabakitzera goaz” lelopean.

11:00etan irteerak

Hainbat zutabe irtengo dira eskualdeko herrietatik guztiak Plentziako Ontziola plazan elkartzeko. Alde batetik Barrikako, Urdulizeko eta Sopelako udaletxetatik 11:00etan abiatuko dira hiru adar Goierriko Uribarri baserrian 12:00etan biltzeko eta, hortik aurrera, hiru herri hauen ibiltariak Plentziaraino helduko dira Sandeliz auzune igaroz.

Beste aldetik, 11:00etan ere, Armintza eta Andrakasetik beste bi adar irtengo dira, eta Lemoiz (Urizar), Berreaga eta Gorlizeko anbulatorio paretik pasa ondoren, Plentzian elkartuko dira parte hartzaile guztiak.

13:00etan ekitaldia Plentzian

Mendi martxa adin guztiontzat da eta 13:00etan Plentzian ekitaldi laburra egongo da eta giro onean amaiera emango zaio ibilaldiari. Plentzian Gure Esku Dago taldeko kideek publikoa egingo dute lortutako sinadura kopurua eta hurrengo jarduerak ezagutaraziko dituzte.

Igande honetan, hilak 17; EHBilduk ekitaldia antolatu du Jauregizar plazan 13:00etan. Ekitaldian Bizkaiko zerrendakide bik hartuko dute parte: Iker Kasanova eta Natalia Gardeazabal.

HEMEN eta ORAIN lelopean, ekitaldia jai giroan izango da hitzaldiaz gain Txotx egiteko aukera izango baita. Ekitaldi hau da EHBilduk Sopelan antolatzen duen bigarrena, aurrekoa astean Larrabasterrako Urgitxietan plazan sopeloztar bi herri eta auzoko arazoez mintzatu zirelako: Leire Pinedo, Eusko Legebiltzarrerako hautagaia eta bukatu berri den legebiltzarkidea eta Guillermo Vío (Willy) Sopelako zinegotzia eta EHBilduko eleduna udalean.

Uztailak 31, igandea, 12:00etan Plentziako metroan

Urtero bezala, euskal preso, iheslari eta deportatu politikoen eskubideen aldeko hondartzetako mobilizazioekin bat eginez ITSAS MARTXA antolatu da Plentziako metro geltokitik abiatuta, itsasadarretik badiaraino.

Itsas Martxa zein ETXERATek paseotik burutuko duen manifestazioa, eguerdiko 12:00etan aterako da Plentziako metro geltokitik. Mobilizazioa behin bukatu Plentzia eta Gorlizeko Denontzat Gaztetxean (hondartzako pasealekuan) parrillara, elektrotxaranga, pintxoak eta abar izango dira.

EUSKAL PRESO TA IHESLARIAK ETXERA!

Gaua labur eguna alai

Gaurko iragarrita zeuden hauteskunde kanpainako ekitaldiak bertan behera utzi ditu EHBilduk, haien artean Sopelako udaletxeko plazan iragarrita zegoena. Gizonezko batek emakume bat erail du bart gauen Gasteizen, eta hilketa hori salatzeko aurreikusita zeuden hauteskunde kanpainako ekitaldien ordez kontzentrazioak egingo.

Sopelan elkarretaratzea

Sopelan elkarretaratzea 19:30ean izango da udaletxeko plazan, ekitaldia iragarrita zegoen leku eta ordu berean. Hizlariak, Diana Urrea eta Dani Maeztu legebiltzarkideak, izango dira Soplean kontzentrazioarekin bat eginez.

Bihar, ekainak 16, EHBILDUk Sopelan ekitaldia antolatu du. Arratsaldeko 19:30ean Jauregizar Plazan Ikoitz Arrese (EHBilduko Hezkuntza lan taldeko kidea) eta Alba Fatuarte (Bilboko EHBilduko zinegotzia) kideekin hitz egiteko aukera egongo da.

Elkarrizketarekin batera luntxa izango da: sagardoa eta pintxoak.