Solasaldia Lander Martinezekin

Gure Esku Dago herri ekimenak aurrera darrai maiatzaren zazpian izango den herri kontsultaren prestaketarekin. Horrela, apirilak 26 (asteazkena), 19:00etan solasaldia izango da Kurtzio Kultur Etxean Lander Martinezekin, ELKARREKIN PODEMOSeko bozeramailea Euskal Parlamentuan.

Larunbatean, hilak 8, Sopelan bi ekimen esanguratsu eta osagarri egongo dira: pilota maratoia eta Merkatu Txikia.

Pilota maratoia

09:30etik aurrera Sopelako pilotalekuan 12 orduz pilota maratoia izango da Kurene Taldeak antolaturik. Egun osoan zehar hainbat modalitatez gozatzeko aukera egongo da: eskuz binakakoak (kategoria guztiak); Paleta Goma  (emakumezkoak eta gizonezkoak); Pala motza eta larruzkoa eta Zesta –punta. Honez gain bi orduro pilotak, kamisetak eta bestelako materialak zozketatuko da; 22:00etako zozketa, gainera, berezia izango da.

Gure Esku Dago herri ekimenak aurrera darrai maiatzaren zazpian izango den herri kontsultaren prestaketarekin. Horrela, datozen egunetan Kurtzio Kultur etxera etorriko dira Sopelan eta Uribe Kostako gainontzeko herrietan egingo den galdera zehazten laguntza eman zuten alderdien ordezkariak haien ikuspuntua emateko.

Gaur Sopelako Gure Esku Dago herri ekimenaren ordezkaritza Larrabetzun izan da, hain zuzen ere, gaur Larrabetzun eta Euskal Herriko beste 34 herritan Gure Esku Dago-k bultzaturik herri kontsulta egin dira. Larrabetzun arrakasta handia izan da herritarron %58k hartu baitu parte.

Zenbaki saritua 374 da.

Sopelako Gure Esku Dago herri ekimenak zozketatutako Athleticen kamiseta, emakumezkoen taldeak sinatua,  374 zenbakiaren jabeari egokitu zaio. Gaur, martxoak 2, egin da zozketa LAIAK tabernan 20:30ean eta zenbakia atera duen “esku zuria” June Ansoleaga sopeloztar eta kazetari ezaguna izan da.

Uribe Kostako galdera Sopelan aurkeztu dute

“Euskal Estatu burujabe bateko herritarra izan gura dozu?” galderari erantzun beharko diote Sopelan, Barrikan, Gorlizen, Lemoizen, Plentzian eta Urdulizen maiatzaren 7an. Gaur, larubata, agerraldi jendetsua egin du Gure Esku Dago-Ados taldeak galdera aurkezteko eta azaldutakoaren arabera 32 laguneko lan batzorde anitz batek landu eta adostu du galdera, gainera EAJ, EHBildu eta Podemos Ahal Duguko kideek ere parte hartu dute.

Maiatzaren 7an Herri Galdeketa

Maiatzaren 7 da hitzordua eta 16 urtetik gorako 25.185 herritarrok aukera izango dute haien iritzia emateko Uribe Kostan.

Gure Esku Dagok deiturik, maiatzaren 7an Herri Galdeketa izango da Uribe Kostako hainbat herritan (Barrika, Gorliz, Lemoiz, Plentzia, Sopela eta Urduliz) eta larunbata honetan herritarrok zein galderari erantzun beharko diote aurkeztuko da.

Zein da galdera?… erantzuna larunbatean

Hurrengo larunbatean, hilak 11, jakinaraziko da jende aurrean erantzun beharreko galdera udaletxeko plazan, 12:30ean. Aurkezpena jai giroan izango da: bertsoak, pandero-joleak, euskal dantzak, kantak eta bukatzeko, 15:00ean, herri bazkaria egingo da Ander Deuna Ikastolan. Nahi duten guztientzat bazkarirako txartelak Laiak eta Wolke (Aleman) tabernetan eros daitezke Sopelan eta Ugari Supermekatuan Larrabasterran.

Galdera: lagun askoren adostasun baten emaitza

Azken aste hauetan Uribe Kostako 32 lagunek osaturiko lan batzordea aritu da lanean herri galdeketan erabiliko den galdera adosteko: 32 lagun adin guztietakoak, emakumezkoak zein gizonezkoak, bertan jaioak eta gurera etorritakoak, lanbide desberdinetakoak, baita langabezian daudenak ere, eta hainbat sentsibilitate politikokoak (EAJ-PNV, EH Bildu eta Podemos Ahal Dugu).

Nork parte ahal izango du herri galdeketan?

16 urtetik gorako 25.185 herritarrok aukera izango dute haien iritzia emateko Uribe Kostan. Dena dela, herri galdeketa hau 2017an zehar Euskal Herriko beste 113 herritan egingo direnekin batuko da, eta osotara 520.000 herritarri emango zaio aukera etorkizunaz erabakitzeko.