Sopelako bizilagun talde batek sinadura bilketa jarri du abian sare sozialen bidez (change.org) udalak herriko nerabeei, 12 urtetik gorakoei, aukera eta egoitza egokiak eskain diezazkien.

Ekimen honen bultzatzaileen ustez Sopelak gaur egun dituen azpiegiturak urriak dira oso: gela txiki bat Kurtzio Kultur Etxean besterik ez; eta gainera, Zipiriñeko patioko argiak 19:00etan kentzen dituzte, leku arriskutsu bihurtuz. Baldintza hauetan gazteak alderrai ibiltzen dira eta beste udalerri batzuetara joan behar dute.

Sinadura bilketa abian jarri dutenek gazteengan inbertitu behar dela uste dute eta deia egiten diete alderdi politikoei gai hau seriotasunez har dezaten eta atzerapenik gabe gazteentzat plan zehatza gauzatu dezaten.

Datorren igandean, martxoak 24, manifestazioa izango da Altsasun “Ez da justicia” goiburupean eta Sopelatik ere Altsasura  joateko aukera izango da. Autobusa 09:45ean irtengo da elizako biribilgunetik eta arratsaldeko 18:00etan izango da itzulera. Apuntatzeko Laiak tabernan.

2016ko urriaren 15eko gaueko ordu txikietan, herriko jaietan, liskar bat sortu zen taberna batean gazte eta guardi zibil batzuen artean. Gaueko liskar honengatik 7 gaztek 2 urte luze daramate giltzapean:  Adur, Jokin, Oihan, Iñaki, Jonan, Aratz eta Julen. Epaiketa honen zentzugabekeriari  eta justiziari eza erantzuteko manifestazioa izango da Altsasuan 12:00etan.