57 urteko L.T. langile sopeloztarraren heriotza salatzeko, elkarretaratzea egin da Sopelako Udaletxeko plazan 20:00etan. Bertan 45 lagun bildu dira “Beste sopeloztar bat hilda. Stop. Patronala hiltzaile!” lelopean.

Gogoan hartu, aurten 3 sopeloztar hil direla lan istripuen ondorioz, otsailean J.R.P. Muskizeko Petronoren, irailean J.M.V Loiuko Indubilsa enpresan eta orain aipatutako L.T. Urdulizeko Lointeken. (Argazkia UKberri)

Ion Etxegarai Begoña gazte sopeloztarra atxilotu du gaur Madrilen Espainiako poliziak. Ion Auzitegi Nazionalaren atarian zegoen eta epailearengana zihoan aurkeztera.

Epaileak 2002ko martxoaren 15ean kale eraso batean parte hartzea leporatu eta kartzelara bidali du. Une honetan Ion Etxegarai Sotoko kartzelan dago.

Atxiloketa honen  kontra protestatzeko, Sopelako hainbat lagun kontzentratu dira udaletxe aurrean 19:00etan eta manifestazioa egin dute herriko kaleetatik. Argazkia Ukberri