Urtarrilaren 29an Sopelako Udaletxean bilkura eta itxialdia egin zuten, euskal preso politikoak aurrera eramaten ari ziren borrokarekin bat eginez. Bilkura normaltasunez hasi zen baina handik eta gutxira Ertzaintza agertu zen. Zorionez ez zuten istilurik sortu eta berehala alde egin zuten.

Bilkura amaitu ostean Udaletxe barruan gaua eman zuten eta hurrengo eguerdian atera ziren. Euskal preso politikoen eskubideen aldeko beste ekimen bat izan zen eta aldarrikatu zuten moduan ez da azkena izango.

Hau da ekimen honen inguruko bideoa.

{youtube}BySwqnbXx_A{/youtube}

{youtube}Gv03o0KWDWI{/youtube}

Hiru hilabete eskas pasa dira Plaza Beltza Kultur Elkarteak Sopelan lokal berri baten ateak zabaldu zituenetik eta hortaz, balorapen txiki batekin batera historian murgiltzeko aukera paregabea aurkitu dut.

Herri liburutegia, komunikazio-topagunea eta eztabaidarako gunea izan nahi duen kultur gune hau Larrabasterrako nagusien etxe aurrean kokatuta dagoen lokal batean aurkitzen da. Ia hiru urte obretan eman eta gero, esan bezala, berriki zabaldu ditu bere ateak eta harrera ona izaten ari da auzokide, herritar zein inguruko kolektiboen artean.