“KIRIBILE Sopelako Eraztun Berdearen aldeko Elkartea” eratu berri da Sopelan eta bere helburu nagusia Sopelako ondare natural eta historiko-kulturala kontserbatzea eta hobetzea da, herritarren ezagutza eta gozamena bultzatuz. Elkartea ingurumenarekin lotutako interesak dituzten eta udalerria inguratzen duen ingurune naturala zaintzeko beharra duten herritar talde batek osatzen du.

KIRIBILek Sopelako natura-aberastasuna eta biodibertsitatea ezagutzea eta erregistratzea sustatu nahi du (landaredia, flora, zuhaitzak, hegazti-fauna, urlehortarrak eta, oro har, gainerako fauna), eta ezagutzaren bidez balioa eman eta hura babesteko eta garatzeko neurriak har daitezen bultzatuz. KIRIBILek Euskal Herrian jada eratuta dauden erakunde eta elkarteek gai hauen inguruan darabilten lankidetza eta aholkularitza zientifikoa bilatuko du.

Eraztun berdearen proposamena

“BPXport” enpresak kudeatuko ditu Sopelako kirol instalazioak

Uztailaren 30eko osoko bilkuran, Sopelako Udalak “BPXport” enpresa gipuzkoarrari esleitu zion udal kirol instalazioen kudeaketa hurrengo 15 urteetarako gehi beste bost urtez luzatzeko aukerarekin eta, ondorioz, enpresa honek egungo “Serviocio-BeOne” ordezkatuko du.

Proposamenak gobernu taldearen (EAJ eta PSE) eta Patricia Alfonso Elkarrekin-Podemoseko zinegotziaren babesa izan zuen (9 boto), eta EHBildu, DB-TU eta Elkarrekin- Podemoseko Eder Garcia zinegotziaren ezezkoa (8 boto). Patricia Alfonso zinegotzi transfugaren boto honek, teorian behintzat, oso nahasia izan den prozesu bati amaiera ematen dio.

Lizitazioari buruzko balorazio oso desberdinak.

Josu Landaluze Sopelako alkateak egindako adierazpenen arabera, enpresak konpromisoa hartzen du datozen 15 urteetan hiru milioi euroko inbertsioa, gutxi gorabehera, egiteko kirol-instalazioak modernizatzeko, eta 2023tik aurrera “punta-puntako” instalazioak izango ditu Sopelak egoitza berriekin. Udalak ez du horien truke inolako ordainketarik egin beharko kanon moduan “Udal inbertsioa zero kostea izango da”

Bestalde, EHBildu Sopelako alkatetzarako aukerak, gogorarazi du udalerria 20 urteko hipotekapean dagoela, eta egin beharreko inbertsioak eta kirol instalakuntzak oposizioarekin adostasunik lortu gabe egingo direla eta erabiltzaileen kontura… ” Udal inbertsioa zero kostea izango da agian”, baina sopelostarrentzako kostua ez: egungo kuota erreferentziatzat hartuta, datorren urtetik aurrera eta hurrengo 6 urteetan % 73ko igoera metatua gertatuko da bazkideen tarifan.

Zinegotzi transfugaren botoak

Urko Labeaga preso sopeloztarrak baldintzapeko askatasuna eskuratu du gaur asteartea (abuztuak 3) Etxeratek jakinarazi duenez. Aurretik jada hirugarren graduan zen eta erabaki honekin ez du kartzelara itzuli beharko.

Urkok espetxealdi luzea izan du, 1998an hartu zuten preso eta hainbat kartzelatan egon da 23 urte hauetan euskal presoei ezarri zaien urrunketa politikoaren ondorioz: Martutene, Alcala Meco, Valdemoro, Soto del Real, Salamankako Topas, Asturiasko Villabona, Murtzian, berriro Villabona, Martutene…

Urkok, 2017. urtean bete zuen aske gelditzeko zigorraren beharreko zatia, baina ez zitzaion lege arrunta ezarri; hain zuzen ere, lege arrunta aplikatuz, egun preso diren Kolektiboko hiru kideetatik batek baldintzapean aske egon beharko lukeela nabarmendu da azken hilabeteotan.

Sopelako Udalak Akilino Arriola kalearen alde bat oinezkoentzat egokitu du zenbait piboteren bidez, asfaltoan oinezkoentzako eta txirrindularientzako argibide-lerro batzuk margotuz eta hainbat banku jarriz hiri-altzari gisa. Jarduera horrek 22.200 euroko kostua izan du: 14.800 hiri-altzarietarako eta 7.400 seinaleztapen, pintura eta piboteetarako.

Ez al da denborarik egon Akilino Arriolan behin betiko proiektu bat egiteko?

Atzo, uztailak 29, hainbat lagun elkartu ziren Sopelako Jauregizar plazan eta prentsaurrekoa eskaini zuten iragan uztailaren 22an atxilotutako gazteei babesa adierazteko.

Osteguneko atxiloketak

Espainiako Poliziak Sopelako hiru bizilagun atxilotu zituen eta beste sopeloztar baten etxea miatu zuen 22an. Atxiloketa horiek joko-aretoen aurka egindako ustezko salaketen eta ekintzen barruan kokatzen ziren. Atxilotuak, goiz osoa eman zuten polizia-etxean eta deklaratu ostean aske geratu ziren arratsaldean.

Prentsaurrekoa

Emandako prentsaurrekoan, gazteek Espainiako Poliziaren jarrera salatu zuten eta atxiloketak azken urteetan herri-mugimenduaren kontrako estrategia baten barruan kokatzen direla salatu zuten. Beste aldetik  ez dakitela zer leporatuko zaien, ezta epaiketa-data zein izango den azaldu zuten; baina joko-aretoen kontrako borrokak eta gizartean eragiten dituzten arazoak azaleratuz jarraituko dutela adierazi zuten.

Larrabasterrari buruzko proposamen interesgarriak

Uztaila garai txarra da zenbait gai lantzeko: opor hilabetea da eta bizilagun askok egunerokotasunetik “ihes” egiten dute. Hala eta guztiz ere, orain amaitzen den hilabete honetan Larrabasterrari buruzko proposamen interesgarriak agertu dira Sopelako Udal Gobernu Taldeak eta oposizioko lehen indarra den EHBilduk sinatuta.

Bere proposamena argitaratu zuen lehena EHBildu izan zen: ekainaren amaieran aldizkari bat postontzietan banatu zuen Larrabasterrarako hainbat proiektu aurkeztuz eta auzotarren bilera deituz uztailaren 19rako haien azalpena emateko. Ia jarraian, udalak triptiko bat banatu zuen Larrabasterran izan den trafikoaren gorakadari eman beharreko irtenbideetan oinarrituta, eta parte-hartze prozesu bat antolatu zuen uztailaren 16rako eta 17rako. Agerturiko hurrenkeran…

EHBilduren aldizkaria eta proiektuak

Sopela.net agerkariak hiru hilean behin argitaratzen ditu Sopelako langabeziaren datuak.  2021eko bigarren hiruhilekoa amaitzean, ekainean, gure herrian 734 langabetu zeuden, herritarren % 10,5. Esan daiteke Covid-19ak eragindako egoera ekonomikoa mantendu egin dela eta iragarritako “hobekuntza ekonomikoa” ez dela gauzatu, hilabete batetik bestera langabeziaren tasan emandako aldaketak txikiak baitira:

• .-2020ko abenduan 787 bizilagun zeuden langabezian (% 11,42)
• .- 2021eko martxoan, lehen hiruhilekoaren amaieran, 772 langabetu zeuden (% 11,1).
• Eta hiruhileko honen bilakaera hau izan da:
  • .-Apirilean 749 langabetu ( % 10,8)
  • .-Maiatzean 714 langabetu ( % 10,3)
  • .-eta ekainean, aipatutako 734ak ( % 10,5)

Kontratazio berriak aldi baterakoak dira

Sopeloztar talde handi batek elkarretaratzea egin zuen atzo, osteguna 23, 18: 00etan udaletxeko plazan, Polizia Nazionalak gure herrian egindako atxiloketak salatzeko eta atxilotuei elkartasuna eta babesa helarazteko.

3 atxiloketa eta erregistro bat

Atzo goizean, Espainiako Poliziak hiru bizilagun atxilotu zituen eta beste sopeloztar baten etxea miatu zuen. Atxiloketa horiek joko-aretoen aurka egindako ustezko salaketen eta ekintzen barruan kokatzen dira. Atxiloketak, berez, larriak badira, “atxiloketak Euskal Herrian lekurik izan behar ez lukeen atzerriko indar errepresibo batek egin izana, hau da, Polizia Nazionalak” gertatutakoa larriagotzen du Sopelako EHBilduk salatu duenez.

Joko-areto bat Sopelan: 2020ko uztailean proiektua geldiarazi zen, urrian udal gobernuak onartu zuen