Gazteria
Gazteria
Sopelan muralak egiteagatik, lagun bat epaituko dute “mozal” lege pean
Adi: kartelaren ordua ez da zuzena, elkarretaratzea 09:00eta izango da
Elkarretaratzea Getxoko epaitegian
Sopelan muralak egiteagatik gazte bat epaitua izango da bihar (abenduak 5) Getxoko epaitegian “mozal” lege pean. Epaiketa salatzeko elkarretaratzea deitu da goizeko 09:00etan.
Joan den maiatzaren bostean bederatzi gazte identifikatu zituzten Sopelako hondartzan mural politikoen topaketak egiten ari ziren bitartean. Identifikazioen ostean, isunak eta epaiketarako zitazioak jaso zituzten Herritarren Segurtasunerako Legea erabiliz (Mozal Legea). Gazte hauen kontrako epaiketa urtarrilaren 15ean izango da. Ikusi: Adierazpen askatasunaren aldeko kontzentra Sopelan.
Egoera honen kontra protestatzeko, irailaren 29an, zentsuraren aurkako eguna antolatu zen, eta muralak egin ziren berriro leku berean. Egun hartan, Sopelako udaltzainek beste gazte bat identifikatu zuten eta kasu honetan ere isuna eta epaitegirako zitazioa jaso zituen. Biharko epaiketa pertsona honen kontra da.
Epaiketaz eztabaidatu zen Sopelako plenoan
Udalaren jarrera zentsuratzailea salatzeko eta adierazpen askatasuna defendatzeko, gazte kolektiboak elkarretaratzea egin zuen Sopelako udaletxearen aurrean eta mozioa aurkeztu zuen azaroko Udal Osoko Bilkuran.
EHBilduk bideratu zuen gazteon mozioa eta plenoan, aldeko botoan bat egin zuten EHBilduk, Orain Sopelak eta atxiki gabeko zinegotziak: osotara 8 boto alde. PNVk kontrako boto eman zuen (7 boto) eta DB-TU abs zen. Ezustean, PSEko ordezkaria ez zegoelako aretoan, mozioa onartua izan zen.
Mozioaren onarpenak ez du balore praktikorik, Gontzal Hermosilla Sopelako alkateak argi utzi zuelako epaiketek aurrera segituko zutela; baina badu balore sinbolikoa Gobernu Taldeak ez duelako Udal Osoko Bilkuraren babesa. Hain zuzen ere, onartutako mozioaren arabera Sopelako udalak konpromisoa hartzen du adierazpen askatasunari eraso egiten dion ekinbiderik ez hartzeko eta Eusko Jaurlaritzari eskatzeko ez dezala aplikatu Mozal Legea edo adierazpen askatasuna mugatzen duen antzeko legedi errepresiborik.
Add a commentZelai errea txapelketa Sopelan
Sopela eta Larrabasterrako Jai Batzordeak antolaturik zelai errea txapelketa jokatuko da Sopelan ekainean zehar. Partidak, igande arratsaldeetan izango dira (11n, 18an eta 25ean) eta 6 lagunez osatuko taldeek izango dute aukera parte hartzeko.
Ekainaren 4 arte egongo da zabalik epea apuntatzeko eta 610 999 117 telefono zenbakian edo wasapean egin daiteke. “Lotu taldea, adostu taldearen izena eta apuntatu” diote Jai Batzordeko kideek.
Add a commentSopelako koadrilek asteburuak ekintzez betetzen jarraitzen dabez
Sopelako koadrilek asteburu honetan martxoak 18 "Korto Express" 2. lehiaketa burutuko dabe, pasadan urtean bezala lehiaketa egun bateko iraupena izango dau, herrikoia izango da eta prestakuntza gabeko jendeak har dezake parte.
Egitaraua:
- 10:00 Gaia eta kokapenak zehaztu egingo dira
- Egun osoan zehar: Kortoa grabatu
- 19:30 Kortoa Kurtzion entregatu
- 20:00 Korto Emanaldia Kurtzion
- 21:00 Lunch eta photocool
Lehiaketaren oinarriak.
Martxoak 24-26ra Sopelako koadrilek eskiatzeko asteburu osoko plana prestatu dabe Peiragudesen. Apuntatzeko epea bukatzear dago informazio gehiago facebookean
Pasadan urteko lehiaketaren bideoak: Irakurri gehiago
Gehiago irakurri: Sopelako koadrilek asteburuak ekintzez betetzen jarraitzen dabez
Sopelako kuadrillen egunak ate joka
Larunbatean, maiatzaren 13an, Sopelako Kuadrillek haien eguna ospatuko dute. Jai giroa eguerdian hasiko da, 14:30ean, bazkaria izango dutelako eta tiketak maiatzaren 11 arte eros daitezke LAIAK tabernan eta UGARI supermekatuan (Larrabasterran), menu begetarianoa eta okeladuna aukeran daudelarik.
Arratsaldean hainbat ekintzak izango dira: 16:00etan Furor lehiaketa, 17:30ean jolasak, 19:00etan poteo musikatua eta 22:30ean Bidean erromeria udaletxeko plazan. “Eguerdian hasita, egun osoan zehar giro paregabea egongo da!!!” diote Kuadrillen Egunaren antolatzaileek.
Add a comment
Sopelako koadrilen koordinakundeak salatu egin du udalak ematen dion tratua
Sopelako koadrilen koordinakundeak salatu egin du udalak ematen dion tratua eta haien haserrea adierazi dute ohar baten bidez “ulergaitza da nola liteke posible Sopelako gazteria biltzen duen kolektibo batek, egoera sozialetik edo politikotik haratago doana, gure inguru lokala sustatzeko lan egiten duenak, udaletxearen planetatik kanpo geratzea. Espazio lokal bat ukatzen digun udaletxe batek mugatu eta baztertzen gaitu. Eta serio esango dugu, gure kolektiboa kontuan ez hartzeak Sopelako parte aktibo handi bat kontuan ez hartzea da.”
Sopelako koadrilen koordinakundearen ordezkariek oharra irakurri zuten Sopelako plenoan (otsailak 28) udal ordezkari guztien aurrean “gaurkoan gure eskubideak bermatu daitezen eskatzera gatoz, eta herriko beste gizarte-eragile bezala gurea dagokiguna eskatzera gatoz”. Azken urte hauetan gauzatu dituzten ekimenak aipatu ondoren udalaren inplikazio eskasa eta jarritako etengabeko trabak salatu dituzte. (argazkia: Sopelako Kuadrilak FACEBOOK)
Sopelako koadrilen koordinakundeak argitaratu duen testua:
Sopelako kuadrilla koordinakundea orain dela 4 urte sortu zen, Sopelak aisialdi alorrean bizi zuen hutsuneari irtenbidea emateko helburuarekin. Baina Kuadrillen bateratzearekin, aisialdi ekintzak antolatzetik, gazteon elkar-ezagutzak bultzatu ditugu, harremanak sendotu, herria girotu, taberna eta merkataritza lokala lagundu, herri agenda kulturala bultzatu eta aukerak sortu. GEHIAGO IRAKURRI SAKATU
Add a commentGehiago irakurri: Sopelako koadrilen koordinakundeak salatu egin du udalak ematen dion tratua