Orain dela egun batzuk hemen helarazi genuen bazela, hurrengo astelehenen, hila 25, sopeloztar gazte bat Getxoko epaitegietan deklaratzera deitua zegoen, Sopelako joko aretoaren kontrako jarduerak egotzita.

Aldi berean, astelehen honetan bertan, hilak 18, joko aretoaren jabea deklaratzera deitua izan zen. Egun horretan, Zapustu taldeak jakinarazi duen bezala,  Getxoko epaitegiak polizia nazionala froga berriekin txosten bat aurkeztu zuela jakinarazi zion akusatuen abokatuari.

Zapuztu taldean polizia eta joko aretoaren jabearen arteko harreman zuzen baten aurrean gaudela helarazi dute, jabeak bere deklarazioan froga horiek aipatu zituelako, ez defentsak ezta epaileak horren berri ez zutenen.

Beraz, gertakari hauen ondorioz, hilak 25erako deitua zegoen deklarazioa atzeratu egingo dela jakinarazi du Zapustuk bere sare sozialetan.

Polizia nazionala 4 sopeloztarren etxeetan agertu zen

Orain dela 4 hilabete, Uztailaren 22an, polizia nazionala 4 sopeloztarren etxeetan agertu zen, haiek atxilo eramateko asmoarekin, Sopelako joko aretoaren kontrako protestetan parte hartzea leporatuta. Haietako 3 atxilotu zituzten, laugarrena ordea ez, Ertzaintzarekin prozesua irekia zuelako.

Elkarretaratzea Getxoko epaitegiaren aurrean

Hain zuzen ere, sopeloztar hori datorren astelehenean, hilaren 25ean, deklaratzera deitua dago, Getxoko epaitegian. Sopelako Zapustu taldeak elkarretaratzea deitu du, astelehenean bertan, goizeko 9.15 Getxoko epaitegiaren aurrean, poliziak herri mugimenduen kontra egiten dituen ekintzak salatu eta gazteari elkartasuna adierazteko.

Joan den larunbateko zelai erre txapelketa

Larunbat honetan Zapustu taldeak zelai erre txapelketa antolatu zuen, apustu etxeen kontrako ekimen komunitario eta “ludiko” gisa. Aisialdi osasuntsua eta kritikoa bultzatzea zen hitzorduaren helburua. Giro alaian egin zen txapelketa eta azkenik, asko kostata, Breaking Katxi taldeak irabazi zuen.

Esan bezala, Zapustuk bere ekimenekin jarraitzeko asmoa dauka datozen aste eta hilabeteetan, beraz adi egon zaitezte beraien deialdiei. Horretarako, jarraitu beraien twitter, Facebook eta Instagram kontuak.

Sarek manifestazio orokorra deitu du larunbat honetan Donostian: Sopelatik autobusa aterako da!
“10 urte igaro dira ETAk bere ekinbidea amaitutzat jo zuenetik. ETAren amaierarekin, ordea, ez da salbuespen legediaren amaiera etorri. Orain, espetxe politika aldatzeko bidea zabaldu da. Jarrai dezagun ibilian. Zatoz urriaren 23an Donostiara. Batu gaitezen. Izan gaitezen bidea”. 

Sopelatik autobusa

Mezu honekin zabaldu du Euskal preso, iheslari eta deportatuen eskubideen aldeko SARE HERRITARRAk Donostian, hilaren 23an egingo duen manifestazio orokorraren deialdia. Manifestazioa 17,00etan abiatuko da Antiguoko tuneletik. Eskualdetik autobusak ere aterako dira: izena emateko, pasa zaitez Larrabasterrako Urgitxeta Taberna eta Sopelako Erroia Tabernatik! 

Atzo Ezker independentista ordezkatuz, Arnaldo Otegik (EH Bilduko koordinatzaile nagusi gisa) eta Arkaitz Rodriguezek (Sortu) egindako adierazpenen ostean (“Urriaren 18ko adierazpena” deitutakoa https://labur.eus/MgqvX), Sareren manifestazioa hitzordu oso garrantzitsua da.  Izan zaitez bidea!

Apustu etxeen aurkako zelai erre txapelketa, ZAPUSTUk antolatuta: “Kirola apustu girotik  kanpo eta modu herrikoian gozatzeko aukera”

Duela aste batzuk Zapustu plataformaren aurkezpena iragarri zen, hainbat ekimen martxan jarriko zirela ohartaraziz. Bada herri-plataforma horrek beraien lehen ekimena plazaratu dute: Apustu etxeen aurkako zelai erre txapelketa.

Antolatzaileek jakinarazi digutenez, txapelketa honek hainbat helburu ditu: “Alde batetik, Zapustu herrian ezagutarazteko modu bat da lehiaketa hau. Gure komunitatea trinkotzeko eta batzeko gune bat sortzea du helburu, modu “ludikoan” baina beste logika batean onarrituta: Kirola apustu girotik kanpo eta modu herrikoian gozatzeko aukera emango du lehiaketa honek”.

Irailaren 13an sare sozialen bitartez jakinarazi zuten Sopelan apustu-etxeen arazoa sozializatzeko plataforma autonomo eta lokal berria dela Zapustu. Datozen hilabeteetan, hainbat jarduera egingo dituztela jakinarazi zuten, arazo sozial horren gaineko kezka zabaltzeko herritarron artean. Horrez gain, apustu etxeak babesten dituen poliziaren errepresioari aurre egiteko ekimenak ere egingo dituztela azpimarratu zuten plataforma horren aurkezpenean.

Zelai Erre lehiaketa hori urriaren 16an, arratsaldeko 16:00etan izango da, Jauregizar plazan. Apuntatzeko urriaren 14a baino lehen mezu zuzen bat bidali behar da, Zapusturen Instagram, Twitter edo Facebook kontura. Plaza mugatuak dira, beraz azkar ibiltzeko gomendio luzatu du Zapustuk!

Sopelako Udal Gobernu taldeak, EAJk eta PSEk proposatu zuten zergak % 3 eta % 5 artean igotzea, urte-arteko KPIaren igoera oinarritzat hartuta.

Proposamen horrek ez zuen udal oposizioaren babesik, eta EHBilduk zuzenketa bat aurkeztu zuen zergak % 1,5ean eguneratzeko, azpiko inflazioan oinarrituta. Irizpide hori egonkorragoa da, eta KPI bera oinarritzat hartuta kalkulatzen da, baina kontuan hartu gabe oinarrizko elikagaiak eta gaur egun abusuzko igoerak izaten ari diren produktu energetikoak.

EHBilduren zuzenketa hori EAJk eta PSEk onartu zuten, eta, beraz, iraileko osoko bilkuran onartutako proposamena izan zen; Ezker Anitzako zinegotzia abstenitu egin zen, eta DB-TUk eta Patricia Alfonso zinegotziak, kiroldegiaren 20 urterako lizitazioa errazteagatik ezaguna egin zena, eta ondoren Gobernu taldeari liberazioa eskatu zionak (dagoeneko horren berri eman dugu) aurka bozkatu zuten.

COVID-19ari aurre egiteko aurrekontu-partida 19 geldituta

EHBilduren zuzenketa EAJk eta PSEk onartu zuten arren, udalbatzan izandako eztabaidan koalizio abertzaleak argitara atera eta salatu zuen COVID-19ak eragindako egoerei laguntzeko 2021eko 150.000 euroko aurrekontu-partida oraindik ez dela erabili, euro bakar bat ere ez.

Zergak gaurkotu?

Sopelan, zergak izoztuta zeuden 2018tik, neurri handi batean KPI oso egonkorra zelako eta pandemiak 2020-2021ean sortutako egoeragatik. Hala ere, izozte hori ezin da luzaroan mantendu zerbitzu publikoen kalitatea bermatu nahi bada.

Elektrizitatearen prezioak ez du mugarik: egunak joan eta egunak etorri prezioak gora egiten du eta elektrizitatea hornitzen duten enpresek, berriz, onura lotsagarriak lortzen dituzte. Eta zerbait esaten bazaie zentral nuklearrak gelditu (orain) eta pantanoak hustuko dituzten mehatxua mahairatzen dute.

Igoera hori justifikatzeko argudioak “pisu handikoak” dira: neguan prezioa igo egiten da hotza egiten duelako eta udan bero egiten duelako… enkantean erabakitzen dira prezioak… tasak… mix elektrikoa… eta gainera “erantzunkizuna gurea da”: ez dugula gehien komeni zaigun faktura aukeratzen edo ordutegi-tarteak ez ditugula era egokian erabiltzen esaten digute !!! Hau lotsa.

Urriak 8: elektriketatik deskonektatu.

Urriaren 8an enpresa elektriko handien xantaiari ezetz esateko aukera dago. Ezerk eta inork ez du ihes egiten iruzur honetatik. Prezioak gora eta gora egiten du, eta badirudi inor ez dela gai igoera hauek kontrolatzeko. Inork ez du iruzur horrekin amaitu nahi, Espainiako Estatuko alderdi nagusiak iruzur horren parte direlako: haien buruzagi historiko handiak enpresa elektriko horien guztien administrazio-kontseiluetan daude.

Hori dela eta, urriaren 8an, jende guztia gonbidatzen da 22:00etatik 22:30era elektriketatik deskonektatzera, eta ekintza honek estatu osoko hainbat alderdiren babesa du (Esquerra Republicana, EHbildu, BNG, Junts, CUP, MÉS per Mallorca, Mes Menorca)

GAUR, irailak 29, ASTEAZKENA: deskonexioa Sopelan prestatuko dugu. Bilera irekia

Ekintza hau antolatzeko eta Sopelan oihartzunik handiena izan dezan, herritar talde batek bilera irekia deitu du gaur, irailak 29, (asteazkena) 19:00etan udaletxeko plazan.

SAREk bertan behera utzi du bihar, abenduaren 18an, Arrasaten egitekoa zen mobilizazioa  eta biziarteko kartzela-zigorraren aurkako aldarrikapena Euskal Herriko herri guztietara lekualdatu du: Sopelan, bihar, hilak 18, udaletxe ondoko berdegunean egingo da elkarretaratzea 13:00etan.

Arrasateko martxa bertan behera

SARE herritar eragileak salatu du zenbait sektorek giza eskubideen aldeko mobilizazio hau desitxuratzen eta kriminalizatzen saiatu direla eta eskatu du biziarteko espetxealdia amaitzeko Unai Parot presoaren egoera agerian utziz 31 urte baitaramatza giltzapean. SAREren arabera, sektore mediatiko, politiko eta instituzionalak ekitaldi hori preso zehatz baten omenaldi bihurtzen saiatu dira.

Sortu berri da Zapustu 

“Ez dezatela zurekin jolastu” lelopean, irailaren 13an sare sozialen bitartez jakinarazi zutenez, Sopelan apustu-etxeen arazoa sozializatzeko plataforma autonomo eta lokal berria da Zapustu. Datozen hilabeteetan, hainbat jarduera egingo dituzte arazo sozial horren gaineko kezka zabaltzeko herritarron artean. Horrez gain, poliziaren errepresioari aurre egiteko ekimenak ere egingo dituztela azpimarratu dute.  

Arrigorri joko-aretoaren handitzea 

Gogora dezagun 2020ko urtarrilean, Sopelako “Arrigorri” joko-aretoak bere lokala handitzeko eskaria egin ziela Eusko Jaurlaritzari eta Sopelako Udalari. Azken honek baimena eman zion 2020ko ekainean, baina uztaileko osoko bilkuran EH Bilduk mozioa aurkeztu zuen, proiektua etetea lortuz. Edonola ere, proiektuak aurrera egin zuen azaroan, behin Jaurlaritzaren baimen guztiak lortuta. Ludopatiaren gaitz soziala bultzatzen duen negozio pribatu honek hautsak harrotu ditu Sopelan eta hemen kokatzen da, batez ere, Zapustu plataformaren ekimena.